సూర్యరశ్మిలోని హానికరమైన అల్ట్రావయొలెట్ (UV) కిరణాల నుంచి చర్మాన్ని కాపాడటానికి సన్స్క్రీన్ తప్పనిసరిగా ఉపయోగించాలి. ఉదయం ఒకసారి సన్స్క్రీన్ అప్లే చేసుకోవడం మాత్రమే సరిపోదు. ఎక్కువసేపు బయట గడిపితే దాన్ని మళ్లీ అప్లై చేయాల్సి ఉంటుంది.
అయితే ఇప్పటికే మేకప్ వేసుకున్నప్పుడు సన్స్క్రీన్ మళ్లీ ఎలా రాయాలి అనే సందేహం చాలామందికి ఉంటుంది. సరైన పద్ధతులు పాటిస్తే మేకప్ చెడకుండా చర్మానికి అవసరమైన రక్షణ లభిస్తుంది.
సన్స్క్రీన్ ప్రభావం రోజంతా ఒకేలా ఉండదు. ఎండలో ఎక్కువసేపు ఉండటం, చెమట పట్టడం, బయట తిరగడం వల్ల దాని రక్షణ క్రమంగా తగ్గుతుంది.
అందుకే ఎక్కువసేపు బయట ఉన్నప్పుడు ప్రతి రెండు గంటలకు ఒకసారి సన్స్క్రీన్ మళ్లీ అప్లై చేయాలని చర్మ నిపుణులు సూచిస్తున్నారు. ఇలా చేయడం వల్ల చర్మం UV కిరణాల నుంచి మెరుగైన రక్షణ పొందుతుంది.
మేకప్‌పై సన్స్క్రీన్ మళ్లీ అప్లై చేయడానికి సన్స్క్రీన్ స్ప్రే మంచి ఎంపిక. ముఖానికి కొంత దూరం నుంచి సమానంగా స్ప్రే చేయాలి.
స్ప్రే చేసిన వెంటనే ముఖాన్ని తాకకుండా సహజంగా ఆరనివ్వాలి. ఇలా చేస్తే మేకప్ దెబ్బతినకుండా సన్ ప్రొటెక్షన్ కొనసాగుతుంది.
ఆయిలీ స్కిన్ ఉన్నవారికి సన్స్క్రీన్ పౌడర్ ఉపయోగకరంగా ఉంటుంది. ఇది చర్మంపై అదనపు నూనెను తగ్గించడంలో కూడా సహాయపడుతుంది. శుభ్రమైన మేకప్ బ్రష్‌తో ముఖమంతా తేలికగా పౌడర్ అప్లై చేయాలి. ఇలా చేస్తే మేకప్ పెద్దగా చెడిపోదు.
మీ దగ్గర లిక్విడ్ సన్స్క్రీన్ మాత్రమే ఉంటే దానిని నేరుగా ముఖంపై రుద్దకండి. కొద్దిగా సన్‌స్క్రీన్‌ను బ్యూటీ బ్లెండర్ లేదా మేకప్ స్పాంజ్‌పై తీసుకుని ముఖంపై మెల్లగా ట్యాప్ చేస్తూ అప్లై చేయాలి. ఈ విధానం మేకప్‌ను అలాగే ఉంచుతుంది.
సన్స్క్రీన్ అప్లై చేసే సమయంలో ముఖాన్ని రుద్దడం వల్ల ఫౌండేషన్, కన్సీలర్, బ్లష్ వంటి మేకప్ ఉత్పత్తులు తొలగిపోవచ్చు.
అందుకే ఎప్పుడూ ట్యాపింగ్ లేదా ప్రెస్సింగ్ పద్ధతినే ఉపయోగించాలి. ఇది మేకప్‌ను కాపాడుతూ సన్‌స్క్రీన్‌ను సమానంగా అప్లై చేయడంలో సహాయపడుతుంది.
కనీసం SPF 30 ఉన్న బ్రాడ్ స్పెక్ట్రమ్ సన్‌స్క్రీన్‌ను ఉపయోగించడం మంచిది. ఇది UVA, UVB కిరణాల నుంచి చర్మానికి రక్షణ ఇస్తుంది.
సరైన సన్స్క్రీన్ వాడటం వల్ల సన్‌బర్న్, ముందస్తు ముడతలు, దీర్ఘకాలిక చర్మ నష్టాన్ని తగ్గించుకోవచ్చు.
ఎక్కువగా చెమట పట్టే వారు లేదా నీళ్లలో ఎక్కువసేపు ఉండేవారు వాటర్ రెసిస్టెంట్ సన్‌స్క్రీన్‌ను ఎంచుకోవాలి. అయితే అలాంటి సన్స్క్రీన్ కూడా కొంతసేపటి తర్వాత మళ్లీ అప్లై చేయాల్సిందే.
Also Read: మీ కుటుంబంలో అందరికీ షుగర్ ఉందా? మీ పిల్లలకు మధుమేహం రాకుండా ఈ జాగ్రత్తలు పాటించాలి
ఆరోగ్యవంతమైన చర్మానికి ప్రతి రోజూ సన్స్క్రీన్ ఉపయోగించడం చాలా ముఖ్యం. సరైన పద్ధతిలో స్ప్రే, పౌడర్ లేదా ట్యాపింగ్ టెక్నిక్‌తో సన్‌స్క్రీన్‌ను మళ్లీ అప్లై చేస్తే మేకప్ కూడా చెడిపోదు. దీంతో మీ చర్మం రోజంతా సురక్షితంగా, అందంగా ఉంటుంది.
Share
నువ్వు ఏం పీకావని ఏడ్చుస్తున్నావ్...వైభవ్ పై రెచ్చిపోయిన కైఫ్!
హై టెక్ సిటీ స్టేషన్ ఇక ఇంటర్నేషనల్ స్టైల్‌లో.. చూస్తే ఆశ్చర్యపోతారు!
