Health Tips: యువత ఈ ఫుడ్ తీసుకుంటే.. బెస్ట్ హెల్త్ మీదే..

Health Tips: యువతకు ఆరోగ్యకరమైన ఆహారం ఎంతో ముఖ్యం, ఎందుకంటే ఈ వయస్సులో శారీరక, మానసిక అభివృద్ధి వేగంగా జరుగుతుంది. ఆరోగ్యకరమైన ఆహారం శక్తిని అందించడమే కాకుండా, రోగనిరోధక శక్తిని పెంచి, దీర్ఘకాలిక వ్యాధులను నివారిస్తుంది. వీరు ఆరోగ్యంగా ఉండాలంటే పండ్లు, కూరగాయలు, తృణధాన్యాలు, తక్కువ కొవ్వు ఉన్న పాల ఉత్పత్తులు ఎక్కువగా ఉండే సమతుల్య ఆహారం తీసుకోవాలని తెలిపారు.

ఆరోగ్యకరమైన ఆహారం

ధాన్యాలు (Whole Grains)
బ్రౌన్ రైస్, క్వినోవా, ఓట్స్, గోధుమలు, జొన్నలు, సజ్జలు వంటి ఆహారాలలో సంక్లిష్ట కార్బోహైడ్రేట్లు, ప్రోటీన్లు ఎక్కువగా ఉంటాయి, వీటిని తినడం వల్ల శరీరానికి అనేక శక్తిని దీర్ఘకాలం అందిస్తాయి. అంతేకాకుండి ఫైబర్ అధికంగా ఉండటం వల్ల జీర్ణక్రియ మెరుగుపడుతుంది, రక్తంలో చక్కెర స్థాయిలను నియంత్రిస్తాయి. దీంతోపాటుగా
గుండె ఆరోగ్యాన్ని కాపాడతాయి.

కూరగాయలు (Vegetables)
ఆకుకూరలు, క్యారెట్, బీట్‌రూట్, బ్రోకలీ, టొమాటో.. వీటిలో విటమిన్లు (A, C, K), ఖనిజాలు (పొటాషియం, మెగ్నీషియం) అధికంగా ఉంటాయి. దీనిలోని యాంటీ ఆక్సిడెంట్లు శరీరంలోని ఫ్రీ రాడికల్స్‌తో పోరాడి కణాలను రక్షిస్తాయి. ఫైబర్ జీర్ణవ్యవస్థను ఆరోగ్యంగా ఉంచుతుంది.

పండ్లు (Fruits)
ఆపిల్, అరటి, బెర్రీలు, నారింజ, అమృతఫలం (పప్పాయి) వీటిలోని సహజ చక్కెరలు శక్తిని అందిస్తాయి. ఇందులోని విటమిన్ సి రోగనిరోధక శక్తిని పెంచుతుంది.
ఫైబర్, యాంటీఆక్సిడెంట్లు శరీరాన్ని డిటాక్సిఫై చేస్తాయి.

ప్రోటీన్ ఆహారాలు (Protein-Rich Foods)
చిక్కుడుకాయలు, బీన్స్, గుడ్లు, చేపలు, చికెన్, పనీర్, టోఫు వంటి ఆహారాలు కండరాల పెరుగుదల, రిపేర్‌కు సహాయపడతాయని వైద్యులు చెబుతున్నారు. అలాగే రోగనిరోధక వ్యవస్థను బలోపేతం చేస్తాయి. అంతేకాకుండా శరీరానికి అవసరమైన అమైనో ఆమ్లాలను అందిస్తాయి.

ఆరోగ్యకరమైన కొవ్వులు (Healthy Fats)
ఆవకాయ గింజలు, బాదం, వాల్‌నట్స్, అవకాడో, ఆలివ్ ఆయిల్, చేప నూనె వంటి వాటిలో ఒమేగా-3 ఫ్యాటీ యాసిడ్స్ ఉంటాయి. ఇవి మెదడు ఆరోగ్యాన్ని పెంచుతాయి,
గుండె ఆరోగ్యాన్ని కాపాడతాయని పలు వైద్యులు హెచ్చరిస్తున్నారు. అలాగే హార్మోన్ల ఉత్పత్తికి కూడా సహాయపడతాయి.

పాల ఉత్పత్తులు (Dairy or Alternatives)
పెరుగు, పాలు, చీజ్, బాదం పాలు కాల్షియం, విటమిన్ డి ఎముకల ఆరోగ్యాన్ని కాపాడతాయి. పెరుగులోని ప్రోబయోటిక్స్ జీర్ణవ్యవస్థను ఆరోగ్యంగా ఉంచుతాయని తెలిపారు.

యువత ఆహారంలో తీసుకోవాల్సిన జాగ్రత్తలు:

జంక్ ఫుడ్ తగ్గించండి: ఫాస్ట్ ఫుడ్, సోడా, చిప్స్ వంటి ప్రాసెస్డ్ ఆహారాలు అధిక కేలరీలు, చక్కెర, ఉప్పు కలిగి ఉంటాయి. ఇవి ఊబకాయం, డయాబెటిస్, గుండె జబ్బులకు దారితీస్తాయి.
చక్కెర తగ్గించండి: అతిగా చక్కెర తీసుకోవడం వల్ల రక్తంలో గ్లూకోస్ స్థాయిలు పెరిగి ఆరోగ్యం దెబ్బతింటుంది.
హైడ్రేషన్: రోజుకు 2-3 లీటర్ల నీరు తాగడం శరీరాన్ని హైడ్రేటెడ్‌గా ఉంచుతుంది. ఇది చర్మ ఆరోగ్యం, జీర్ణక్రియకు మేలు చేస్తుంది.
వైవిధ్యం: ఒకే రకమైన ఆహారం కాకుండా, వివిధ రకాల ఆహారాలను ఆహారంలో చేర్చండి.

Also Read: మీ పిల్లలు నోట్లో వేలు పెట్టుకుంటున్నారా..? ఎంత ప్రమాదమో తెలుసా..

రోజువారీ ఆహార ప్రణాళిక
ఉదయం: ఓట్స్ లేదా గోధుమ రొట్టెతో పండ్లు, గుడ్డు లేదా పెరుగు, ఒక గుప్పెడు గింజలు తీసుకోవాలి.
మధ్యాహ్నం: బ్రౌన్ రైస్ లేదా జొన్నలు, కూరగాయల కూర, చిక్కుడుకాయలు లేదా చేపలు, సలాడ్.
సాయంత్రం: బాదం లేదా ఆపిల్, గ్రీన్ టీ లేదా బటర్‌ మిల్క్.
రాత్రి: రొట్టె లేదా బ్రౌన్ రైస్, కూరగాయలు లేదా పనీర్ కూర, పెరుగు.

Share

• 
• 
• 
• 
• 
•