పరుగులు తీసే ఈ జీవనంలో అందరికీ ఆరోగ్యకరమైన జీవనశైలి పాటించపోతే త్వరగా ముసలితనం, ఆరోగ్య సమస్యలు వస్తాయి. మంచి జీవనశైలితో పాటు కొన్ని సూపర్ ఫుడ్స్ తింటే 60 ఏళ్లు దాటినా ఉత్సాహంగా, యవ్వనంగా కనిపించవచ్చని ఆయుర్వేద, యునాని వైద్య నిపుణులు డాక్టర్ సలీం జైదీ సూచించారు. డాక్టర్ సలీం ప్రకారం.. సాంప్రదాయ ఆహారపు అలవాట్లలో కలొంజి, మెంతులు, నల్ల శనగలకు ప్రత్యేక స్థానం ఉంది. కలొంజిలో యాంటీఆక్సిడెంట్ లక్షణాలు కలిగిన సహజ కాంపౌండ్స్ ఉంటాయి. మెంతుల్లో ఫైబర్, పోషకాలు సమృద్ధిగా లభిస్తాయి. నల్ల శనగల్లో మొక్కల ఆధారిత ప్రోటీన్, ఖనిజాలు ఎక్కువగా ఉంటాయి.
రాత్రి పావు టీ స్పూన్ కలొంజి, ఒక టీ స్పూన్ మెంతులు, ఒక టేబుల్ స్పూన్ నల్ల శనగలను నీటిలో నానబెట్టాలి. ఉదయం వాటిని బాగా నమిలి తినాలి. కావాలనుకుంటే మిగిలిన నీటిని కూడా తాగవచ్చు. ఈ అలవాటును సమతుల పోషకాహారంతో కలిపి పాటించడం మంచిది.
ముందుగా ఆహారం తీసుకున్న తర్వాత సుమారు 20 నిమిషాల విరామం ఇవ్వండి. ఆ తర్వాత నానబెట్టిన డ్రై ఫ్రూట్స్ తీసుకోవచ్చు. బాదంలో ‘విటమిన్ ఇ’ ఉంటుంది. వాల్నట్స్లో ఒమేగా 3 ఫ్యాటీ యాసిడ్స్ పుష్కలంగా లభిస్తాయి. అలాగే అంజీర్లో ఫైబర్, ఖనిజాలు ఉంటాయి. ఎండుద్రాక్షలో సహజ యాంటీఆక్సిడెంట్లు ఉంటాయి.
రాత్రి ఐదు బాదం, ఐదు ఎండుద్రాక్ష, ఒక వాల్నట్, ఒక డ్రై అంజీర్ను విడివిడిగా నానబెట్టండి. ఉదయం బాదం పొట్టు తీసి మిగతా వాటితో పాటు బాగా నమిలి తినండి. కొందరు ఎండుద్రాక్ష లేదా అంజీర్ నానిబెట్టిన నీటిని కూడా తాగుతారు.
జీర్ణక్రియ సక్రమంగా పనిచేస్తే ఆరోగ్యం కూడా బాగుంటుంది. జీలకర్ర, వాము, సోంపును సమాన మోతాదులో తీసుకుని కొంచెం వేయించాలి. వాటిని గాలి చొరబడని డబ్బాలో నిల్వ చేయాలి.
ప్రధాన భోజనం తర్వాత ఒక టీ స్పూన్ మిశ్రమాన్ని బాగా నమిలి తినవచ్చు. తర్వాత కొద్దిగా గోరువెచ్చని నీళ్లు తాగితే మరింత సౌకర్యంగా ఉంటుంది.
Also Read: ప్రసవం తర్వాత జుట్టు ఎందుకు రాలుతుంది? దీనికి కారణాలు, చికిత్స తెలుసుకోండి
ఆహారం ఒక్కటే ఆరోగ్యాన్ని కాపాడదు. క్రమం తప్పకుండా వ్యాయామం చేయాలి. తగినంత నిద్ర అవసరం. ఒత్తిడిని నియంత్రించాలి. రోజంతా సరిపడా నీరు తాగాలి. పండ్లు, కూరగాయలు, ప్రోటీన్ అధికంగా ఉన్న సమతుల్య పోషాకాహారం తీసుకోవాలి.
గమనిక: ఏదైనా కొత్త ఆహారపు అలవాటు ప్రారంభించే ముందు, ముఖ్యంగా ఇప్పటికే ఆరోగ్య సమస్యలు ఉన్నవారు వైద్యుల సలహా తీసుకోవడం మంచిది.
Share
రోహిత్ శర్మ రనౌట్ వెనుక గంభీర్, గిల్ కుట్రలు, సెహ్వాగ్ సంచలన ఆరోపణలు!
IND VS PAK: కొంపముంచిన క్యాచ్ మిస్...టీమిండియా చేతిలో చిత్తుగా ఓడిన పాక్
