Fittest Actor Diet Timing| రాత్రి 9, 10 గంటలకు భోజనం చేయడం ఇప్పుడు చాలామందికి అలవాటుగా మారిపోయింది. పని ఒత్తిడి, బిజీ లైఫ్‌స్టైల్ కారణంగా చాలామంది ఆలస్యంగా తింటున్నారు. కానీ బాలీవుడ్ నటుడు అక్షయ్ కుమార్ మాత్రం ఈ విషయంలో చాలా క్రమశిక్షణ పాటిస్తారు. ఆయన రాత్రి 6:30 గంటలకే డిన్నర్ పూర్తి చేస్తారట. 59 ఏళ్ల వయసులోనూ టీనేజ్ కుర్రాడిలా ఫిట్‌గా ఉండే ఆయన జీవనశైలిలో ఈ అలవాటు కూడా ఒక భాగం. అసలు రాత్రి భోజనం త్వరగా చేయడం వల్ల ఆరోగ్యానికి ఎలాంటి ప్రయోజనాలు కలుగుతాయి? నిపుణులు ఏమంటున్నారు? తెలుసుకుందాం.
ప్రస్తుతం చాలామంది రాత్రి భోజనం చేసిన వెంటనే నిద్రకు ఉపక్రమిస్తున్నారు. ఇలా చేయడం వల్ల కొందరికి జీర్ణ సంబంధిత ఇబ్బందులు ఎదురుకావచ్చు. నిద్రపోయే సమయానికి కొన్ని గంటల ముందే భోజనం ముగిస్తే శరీరానికి ఆహారం జీర్ణం చేసుకునేందుకు తగిన సమయం లభిస్తుంది. యోగ నిపుణురాలు మహిమ కూడా ఇన్‌స్టాగ్రామ్ పోస్ట్‌లో త్వరగా డిన్నర్ చేయడం వల్ల కలిగే ప్రయోజనాలు వివరించారు.
త్వరగా భోజనం చేయడం వల్ల జీర్ణవ్యవస్థకు విశ్రాంతి తీసుకునేందుకు ఎక్కువ సమయం దొరుకుతుంది. రాత్రిపూట కడుపు భారంగా ఉండటం వంటి సమస్యలు తగ్గవచ్చు. కాలేయం, మూత్రపిండాలు శరీరంలోని వ్యర్థాలను సహజంగానే తొలగిస్తాయి. ఆరోగ్యకరమైన జీవనశైలి వాటి సాధారణ పనితీరుకు తోడ్పడుతుంది.
నిద్ర సమయంలో శరీరం దెబ్బతిన్న కణజాలాన్ని బాగుచేసే ప్రక్రియలను కొనసాగిస్తుంది. తగినంత నిద్ర శరీర రికవరీకి అవసరం. త్వరగా భోజనం చేయడం వల్ల రాత్రిపూట అసౌకర్యం తగ్గి మంచి నిద్ర పడుతుంది. అయితే ఈ అలవాటు ఒక్కటే హార్మోన్ల సమతుల్యతకు హామీ ఇవ్వదు. పైగా వేర్వేరు పనివేళల కారణంగా అందరికీ ఇదే సమయంలో తినడం సాధ్యం కాకపోవచ్చు. అలాంటి వారు ఏ సమయంలో నిద్రపోయినా పడుకునే ముందు కనీసం 2 గంటలే ముందే భోజనం ముగించాలి.
చర్మం ఆరోగ్యంగా ఉండాలంటే పోషకాహారం, తగినంత నీరు, మంచి నిద్ర అవసరం. త్వరగా భోజనం చేయడం వల్ల నిద్ర మెరుగుపడితే చర్మ ఆరోగ్యానికి పరోక్షంగా సహాయపడవచ్చు. అయితే డిన్నర్ ముందుగా చేయడం వల్లే ముఖం మెరిసిపోతుందని చెప్పడానికి బలమైన ఆధారాలు లేవు.
ఆలస్యంగా భోజనం చేసి వెంటనే పడుకుంటే కొందరికి గ్యాస్, కడుపు ఉబ్బరం, ఎసిడిటీ సమస్యలు రావచ్చు. నిద్రకు కొన్ని గంటల ముందే భోజనం ముగించడం వల్ల ఈ ఇబ్బందులు తగ్గవచ్చు. రాత్రిపూట అతిగా తినకుండా తేలికపాటి ఆహారం తీసుకోవడం కూడా మంచిది.
Also Read: నిద్రపోవడమే ఉద్యోగం.. 60 రోజులు నిద్రపోతూ రూ.9.6 లక్షలు సంపాదించిన యువతి
మంచి నిద్ర వల్ల మరుసటి రోజు చురుగ్గా ఉండేందుకు సహాయపడుతుంది. ఏకాగ్రత, మానసిక స్థితి, రోజువారీ పనులపై దృష్టి మెరుగుపడవచ్చు. క్రమం తప్పకుండా వ్యాయామం చేయడం, సమతుల్య ఆహారం తీసుకోవడం కూడా ముఖ్యమే.
Also Read: మీ బీపీ ఎప్పుడూ ఎక్కువగా ఉంటోందా? ముందు కిచెన్‌లో ఈ 5 ఫుడ్స్ తీసి పడేయండి
అందరికీ ఒకే సమయంలో భోజనం చేయాలంటే కుదరదు. మీ పని వేళలు, నిద్ర సమయం, ఆరోగ్య పరిస్థితులను బట్టి డిన్నర్ సమయాన్ని నిర్ణయించుకోవాలి. ముఖ్యంగా మధుమేహం లేదా ఇతర ఆరోగ్య సమస్యలు ఉన్నవారు వైద్యుల సలహా తీసుకోవాలి.
అక్షయ్ కుమార్ పాటించే ఈ అలవాటు నుంచి నేర్చుకోవాల్సింది క్రమబద్ధమైన జీవనశైలి. మీ దినచర్యకు సరిపోయేలా రాత్రి భోజన సమయాన్ని ముందుకు మార్చుకోవడం మంచి ప్రయత్నం కావచ్చు. ఆయన భోజనంతోపాటు రన్నింగ్, స్విమ్మింగ్, సైక్లింగ్ లాంటి వ్యాయమాలు ఎక్కువగా చేస్తారు.
Share
ఛీ.. మీది ఓ గెలుపేనా? 35 ఏళ్ల అలీ రజాను తీసుకొచ్చి టీమిండియా కుర్రాళ్లను ఓడించారు
మీ వాట్సాప్ ప్రైవసీ సేఫ్..చాట్ లాక్ ఫీచర్ని ఇలా వాడండి!
