Weight Loss Tips: బరువు తగ్గాలి అనగానే మనలో చాలామంది చేసే మొదటి పని తిండి తగ్గించేయడం. ఇంకా చెప్పాలంటే రోజంతా ఆకలితో అలమటించడం. ఇలా చేస్తే వెంటనే బరువు తగ్గొచ్చేమో కానీ, అది ఆరోగ్యకరమైన పద్ధతి మాత్రం కాదు. మన శరీరం ఒక కాలిక్యులేటర్ కాదు.. మనం ఎంత తక్కువ తింటే అంత వేగంగా బరువు తగ్గిపోవడానికి. డాక్టర్లు చెబుతున్న దాని ప్రకారం.. ఆహారాన్ని విపరీతంగా తగ్గించినప్పుడు కొవ్వు కంటే ముందు మన శరీరంలో నీటి శాతం, కండరాల పరిమాణం తగ్గిపోతాయి. దీనివల్ల బాడీ వీక్ అవుతుంది తప్ప నిజమైన ఫిట్నెస్ రాదు. బరువు తగ్గడం అనేది ఆరోగ్యాన్ని ఇచ్చేలా ఉండాలి కానీ నీరసపరిచేలా ఉండకూడదు.
ఒక్కసారిగా తిండి తగ్గించేస్తే మన శరీరం సేవింగ్ మోడ్లోకి వెళ్తుంది. అంటే ఉన్న శక్తిని కాపాడుకోవడానికి మెటబాలిజం వేగాన్ని తగ్గించేస్తుంది. అదే సమయంలో మెదడుకు ఆకలి సంకేతాలు ఎక్కువైపోతాయి. అందుకే డైటింగ్ ప్రారంభించిన మొదటి వారంలో బరువు తగ్గినా, రాను రాను బరువు అక్కడక్కడే ఆగిపోతుంది. ఇక తట్టుకోలేక ప్రియమైన వంటకాలను ఎక్కువగా తినేస్తుంటారు.
మన లక్ష్యం కేవలం వెయిటింగ్ మెషిన్ మీద సంఖ్యను తగ్గించుకోవడం కాకూడదు.. శరీరంలోని చెడు కొవ్వును కరిగించడం అయిఉండాలి. సరైన క్యాలరీ లోటును నిర్ధారించుకుంటూ, కండరాల సాంద్రత దెబ్బతినకుండా చూసుకోవాలి. దీనికి తగినంత ప్రోటీన్ చాలా అవసరం. ప్రోటీన్ అనేది కేవలం బాడీ బిల్డర్లకు మాత్రమే కాదు, బరువు తగ్గాలనుకునే ప్రతి ఒక్కరికీ కండరాలను కాపాడుకోవడానికి ఎంతో సహాయపడుతుంది.
Also Read: రాత్రి పడుకునే ముందు ఫోన్లో ఈ ఒక్కటి ఆన్ చేయండి.. పొద్దున్నే చాలా ఫ్రెష్గా లేస్తారు!
తిండి తగ్గించడంతో పాటు వ్యాయామం చేయడం కూడా బరువు తగ్గే క్రమంలో కీలక పాత్ర పోషిస్తుంది. కండరాలు బలంగా ఉండాలంటే వాటికి స్ట్రెంగ్త్ ట్రైనింగ్ అవసరం. రోజూ కాసేపు నడక, సైక్లింగ్ వంటి వ్యాయామాలతో పాటు రెసిస్టెన్స్ వర్కవుట్స్ చేయడం వల్ల కండరాలు కరిగిపోకుండా కొవ్వు మాత్రమే కరుగుతుంది. అయితే వయస్సు, ఆరోగ్య పరిస్థితులకు తగినట్లుగా వ్యాయామాలు ఎంచుకోవడం మంచిది.
డైటింగ్ అనగానే కార్బోహైడ్రేట్లు, అన్నం పూర్తిగా మానేయాల్సిన అవసరం లేదు. ఏ ఆహారమూ చెడ్డది కాదు. కూరగాయలు, ఆకుకూరలు, మంచి కొవ్వులు, పప్పు ధాన్యాలు, విటమిన్లు ఉండేలా మన ప్లేట్ డిజైన్ చేసుకోవాలి. తిండిని మన శత్రువులా కాకుండా, శరీరానికి శక్తినిచ్చే ఇంధనంగా చూడటం అలవాటు చేసుకోవాలి.
ఒక్క రాత్రిలో బరువు తగ్గిపోవాలనే తొందరపాటు సరికాదు. క్రమశిక్షణతో కూడిన ఆహారపు అలవాట్లు, రోజువారీ వ్యాయామం మాత్రమే సుదీర్ఘకాలం మనల్ని ఫిట్గా ఉంచుతాయి. శరీరానికి సరిపడా పోషకాలను అందిస్తూ.. నచ్చిన ఆహారాన్ని పరిమితిలో తింటూ బరువు తగ్గడమే అత్యంత సహజమైన, సురక్షితమైన మార్గం.
Also Read: 20 ఏళ్ల ఐఫోన్ జర్నీకి గ్రాండ్ ట్రీట్.. iPhone 20లో ఈ మార్పులు చూస్తే పిచ్చెక్కిపోతారండి బాబూ!
Share
‘ఎవరో నన్ను ఫాలో అవుతున్నారు’.. కృతి సనన్ షాకింగ్ పోస్ట్
ట్రోలర్స్ కూడా సెలబ్రేట్ చేసుకోవాలి..చిరు శ్రీకాంత్ సినిమా నాని పై అప్డేట్!
