Apple iPhone 20: అమెరికా టెక్ దిగ్గజం యాపిల్ సంస్థ తమ మొదటి ఐఫోన్ను పరిచయం చేసి 20 ఏళ్లు పూర్తికాబోతున్న సందర్భంగా.. ఒక ప్రత్యేకమైన ఫోన్ను తీసుకొచ్చేందుకు సిద్ధమవుతోంది. లీకైన వివరాల ప్రకారం.. ఈ 20వ వార్షికోత్సవ స్పెషల్ మోడల్ డిజైన్ పరంగా అందరినీ ఆశ్చర్యపరిచేలా ఉండబోతోంది. సాధారణంగా వచ్చే మార్పుల కంటే ఈసారి ఫోన్ లుక్ పూర్తిగా మారిపోనుంది. ఈ విషయంలో టెక్ ప్రియుల్లో ఇప్పటికే ఆసక్తి నెలకొంది.
ఈ కొత్త ఐఫోన్లో అత్యంత ప్రధానమైన ఆకర్షణ దాని స్క్రీన్. డిస్ప్లే గ్లాస్ నాలుగు వైపులా అంచుల వరకు వంగి ఉండే ‘క్వాడ్ కర్వ్డ్’ డిజైన్ను యాపిల్ పరిశీలిస్తోంది. దీనివల్ల ఫోన్ పట్టుకున్నప్పుడు స్క్రీన్ చుట్టూ ఉన్న బార్డర్లు (బెజెల్స్) దాదాపు కనిపించవు. ముందు భాగం అంతా సరికొత్త సీమ్లెస్ లుక్తో వినియోగదారులకు మంచి విజువల్ అనుభూతిని అందిస్తుంది.
ఇన్నాళ్లూ చూసిన నార్మల్ బటన్లకు ఈ ఫోన్లో స్వస్తి చెప్పే అవకాశం ఉంది. వాటి స్థానంలో వైబ్రేషన్ ఫీడ్బ్యాక్ ఇచ్చే ప్రెజర్ సెన్సిటివ్ సోలిడ్ స్టేట్ బటన్లు రానున్నాయి. మరో విశేషమేమిటంటే.. ఫోన్ స్విచ్ ఆఫ్ అయి ఉన్నప్పుడు కూడా ఇవి పనిచేసేలా ఒక ప్రత్యేకమైన లో-పవర్ చిప్ను ఇందులో అమర్చనున్నారని సమాచారం. దీనివల్ల ఫోన్ బాడీ మరింత నీట్గా కనిపిస్తుంది.
Also Read: పాత స్నేక్ గేమ్తో కొత్త Nokia 3210 4G ఫోన్.. ఆఫర్ ధర చూస్తే అస్సలు వదలరు!
డిస్ప్లే మీద కనిపించే పంచ్ హోల్ లేదా నాచ్లకు చెక్ పెడుతూ.. సెల్ఫీ కెమెరాను నేరుగా డిస్ప్లే కిందనే అమర్చేందుకు ప్రయోగాలు చేస్తున్నారు. దీనివల్ల స్క్రీన్ మధ్యలో కెమెరా చుక్కలు ఏమీ లేకుండా గేమింగ్, వీడియోలు చూసేటప్పుడు పూర్తి స్క్రీన్ అనుభవం లభిస్తుంది. కాకపోతే ఈ టెక్నాలజీ నాణ్యత విషయంలో యాపిల్ కొన్ని సవాళ్లను ఎదుర్కొంటోంది.
ఐఫోన్ అనగానే బ్యాటరీ లైఫ్ గురించి అందరూ ఆలోచిస్తారు. ఈసారి ఏకంగా 6000mAh సామర్థ్యం ఉన్న భారీ బ్యాటరీని అందించబోతున్నట్లు ఊహాగానాలు వినిపిస్తున్నాయి. దీనికి తోడు ఇతర గ్యాడ్జెట్లను ఫోన్ వెనుక ఉంచి ఛార్జ్ చేసుకునే వైర్లెస్ రివర్స్ ఛార్జింగ్ సదుపాయం కూడా ఇందులో ఉండే అవకాశం ఉంది.
ఈ ప్రత్యేక మోడల్ను iPhone 20 పేరుతో పిలిచే అవకాశం ఉంది. ఇందులో దాదాపు 6.96 అంగుళాల పెద్ద స్క్రీన్తో ప్రో మాక్స్ వెర్షన్ కూడా రావచ్చని సమాచారం. అయితే ఇవన్నీ ప్రస్తుతం లీకైన సమాచారం మాత్రమే. యాపిల్ అధికారికంగా ప్రకటించే వరకు వేచి చూడాల్సిందే. కానీ ఈ మార్పులు నిజమైతే మాత్రం స్మార్ట్ఫోన్ డిజైన్లో ఇదొక పెద్ద సంచలనమవుతుంది.
Also Read: సేల్ మొదలవకముందే అమెజాన్ బంపర్ ఆఫర్లు.. ఇంత తక్కువ ధరకు ఇలాంటి ఫోన్లు, టీవీలా?
Share
ప్రతి గ్రామానికి సొంత భవనం.. వేసవి తాగునీటిపై సీతక్క స్పెషల్ యాక్షన్ ప్లాన్!
'డోరతీ' సినిమాలో కీర్తి సురేష్ ఇంటిమేట్ సీన్.. సోషల్ మీడియాలో నిరసన సెగ!
