Skin Problems: ప్రస్తుతం ప్రతి ఒక్కరి జీవితంలో మొబైల్ భాగంగా మారింది. ఉదయం నిద్రలేచింది మొదలు రాత్రి పడుకునే వరకు ప్రతి ఒక్కరి చేతిలో మొబైల్ ఉంటుంది. మొబైల్ను ఎక్కువగా వాడటం వల్ల కళ్ళపై ప్రభావం పడుతుందని డాక్టర్లు చెబుతూనే ఉంటారు. మొబైల్ మీ కళ్లతో పాటు మీ చర్మానికి కూడా హాని కలిగిస్తుందని మీకు తెలుసా ? మొబైల్ నుంచి వచ్చే నీలి కిరణాలు చర్మానికి హాని కలిగిస్తాయి. ఇందుకు సంబంధించిన పూర్తి వివరాలను ఇప్పుడు తెలుసుకుందాం.
1. మొబైల్ మొటిమలు :
మనం ఫోన్ని చెంపకు ఆన్చి మాట్లాడినప్పుడు.. ఫోన్ స్క్రీన్, దానిపై పేరుకుపోయిన బ్యాక్టీరియా, ధూళి, చర్మం నుంచి వెలువడే నూనెలు నేరుగా చర్మంతో సంబంధంలోకి వస్తాయి. ఇది చర్మ రంధ్రాలను మూసివేసి, బ్యాక్టీరియా వృద్ధికి అనుకూలమైన వాతావరణాన్ని సృష్టిస్తుంది. ఫలితంగా, ఎక్కువగా ఫోన్ తగిలే చెంప భాగంలో.. దవడల వద్ద మొటిమలు, బ్లాక్హెడ్స్, వైట్హెడ్స్ ఏర్పడతాయి. దీనిని “యాక్నే మెకానికా” అని పిలుస్తారు.
2. అలర్జీలు, దద్దుర్లు :
చాలా మొబైల్ ఫోన్ల బాడీ, బటన్లు లేదా మెటల్ ఫ్రేమ్లలో నికెల్ వంటి లోహాలు ఉంటాయి. కొంతమందికి నికెల్కు అలర్జీ ఉంటుంది. ఫోన్ను పట్టుకోవడం లేదా చెవి దగ్గర పెట్టుకోవడం వల్ల నికెల్ చర్మాన్ని తాకినప్పుడు.. చర్మంపై ఎరుపు రంగు దద్దుర్లు, దురద, వాపు లేదా పొక్కులు ఏర్పడతాయి. దీనిని “కాంటాక్ట్ డెర్మటైటిస్” అంటారు.
3. ముడతలు, వృద్ధాప్య సంకేతాలు :
మొబైల్ ఫోన్లను ఎక్కువసేపు క్రిందికి చూస్తూ ఉపయోగించడం వల్ల మెడ, దవడ కింద భాగంలో చర్మంపై ముడతలు ఏర్పడతాయి. ఈ స్థితిని “టెక్ నెక్” అని పిలుస్తారు. అలాగే.. ఫోన్ స్క్రీన్ నుంచి వెలువడే బ్లూ లైట్ కూడా చర్మాన్ని దెబ్బతీస్తుందని.. కొల్లాజెన్ విచ్ఛిన్నానికి దారితీసి, అకాల వృద్ధాప్యానికి కారణమవుతుందని కొన్ని అధ్యయనాలు సూచిస్తున్నాయి.
4. చర్మం పొడిబారడం, చికాకు :
ఫోన్ను తరచుగా పట్టుకోవడం వల్ల చేతులు పొడిబారడం లేదా చేతి వేళ్ళపై చికాకు వంటి సమస్యలు వస్తాయి. అలాగే, ఫోన్ వేడి చర్మానికి తగిలినప్పుడు కూడా కొంతమందికి ఎరుపుదనం లేదా చికాకు ఏర్పడవచ్చు. స్క్రీన్కు ఎదురుగా ఎక్కువసేపు చూడటం వల్ల కళ్ళ చుట్టూ ఉన్న సున్నితమైన చర్మం కూడా ప్రభావితం అవుతుంది.
5. హైపర్పిగ్మెంటేషన్ :
ఫోన్ నుండి వెలువడే వేడి, కొంతమందికి చర్మంపై నిరంతర రాపిడి వల్ల ప్రభావిత ప్రాంతంలో చర్మం ముదురు రంగులోకి మారవచ్చు. ముఖ్యంగా ఫోన్ ఎక్కువగా చెంపకు తాకే ప్రదేశంలో ఈ సమస్య కనిపిస్తుంది.
Also Read: ఎండు ద్రాక్ష నీరు ఇలా వాడితే.. జుట్టు ఊడమన్నా ఊడదు !
నివారణ :
శుభ్రత: మీ మొబైల్ ఫోన్ను క్రమం తప్పకుండా యాంటీ బ్యాక్టీరియల్ వైప్స్తో శుభ్రం చేయండి.
హెడ్సెట్/హ్యాండ్స్ఫ్రీ: ఫోన్ను చెంపకు ఆన్చి మాట్లాడటానికి బదులుగా హెడ్సెట్ లేదా హ్యాండ్స్ఫ్రీని ఉపయోగించండి.
ముఖానికి దూరంగా: సాధ్యమైనంత వరకు ఫోన్ను మీ ముఖానికి దూరంగా ఉంచండి.
సమయం తగ్గించండి: మొబైల్ ఫోన్ వాడకాన్ని నియంత్రించండి. ముఖ్యంగా ఎక్కువసేపు స్క్రీన్ చూసే సమయాన్ని తగ్గించండి.
తేమ: చర్మాన్ని ఆరోగ్యంగా ఉంచడానికి మాయిశ్చరైజర్ను ఉపయోగించండి.
స్క్రీన్ ప్రొటెక్టర్: బ్లూ లైట్ ఫిల్టర్తో కూడిన స్క్రీన్ ప్రొటెక్టర్లను ఉపయోగించడం ద్వారా కొంతవరకు బ్లూ లైట్ ప్రభావం నుంచి రక్షించుకోవచ్చు.
Share
Kingdom Movie Review : కింగ్డమ్ మూవీ రివ్యూ : ప్రయోగం సక్సెసా ?
MS Dhoni: కొత్త లుక్ లో MS ధోని.. ఆయన స్టైల్ చూస్తే గూస్ బంప్స్ రావాల్సిందే
