Thyroid Problems: థైరాయిడ్ సమస్యలు.. ముఖ్యంగా మహిళల్లో చాలా సాధారణం. పురుషులతో పోలిస్తే మహిళల్లో ఈ సమస్యలు ఎక్కువగా కనిపిస్తాయి. దీనికి ప్రధాన కారణం హార్మోన్ల మార్పులు, ఆటో-ఇమ్యూన్ వ్యాధులు. థైరాయిడ్ గ్రంధి శరీర జీవక్రియ, గుండె పనితీరు, ఉష్ణోగ్రతను నియంత్రించే ముఖ్యమైన హార్మోన్లను ఉత్పత్తి చేస్తుంది. ఈ గ్రంధి సరిగా పనిచేయకపోతే.. హైపోథైరాయిడిజం (తక్కువ హార్మోన్ ఉత్పత్తి) లేదా హైపర్ థైరాయిడిజం (ఎక్కువ హార్మోన్ ఉత్పత్తి) వంటి సమస్యలు వస్తాయి.
మహిళలలో థైరాయిడ్ సమస్యలకు గల ప్రధాన కారణాలు:
1. ఆటో-ఇమ్యూన్ వ్యాధులు :
మహిళలలో థైరాయిడ్ సమస్యలకు ఇది ప్రధాన కారణం. ఆటో-ఇమ్యూన్ వ్యాధులలో శరీరంలోని రోగనిరోధక వ్యవస్థ తన సొంత కణాలపైనే దాడి చేస్తుంది. థైరాయిడ్ గ్రంధిని ప్రభావితం చేసే రెండు ప్రధాన ఆటో-ఇమ్యూన్ వ్యాధులు..
హషిమోటోస్ థైరాయిడిటిస్: ఇది హైపోథైరాయిడిజానికి అత్యంత సాధారణ కారణం. ఇందులో రోగ నిరోధక వ్యవస్థ థైరాయిడ్ గ్రంధిని దాడి చేసి.. దానిని నెమ్మదిగా నాశనం చేస్తుంది. దీనివల్ల హార్మోన్ల ఉత్పత్తి తగ్గిపోతుంది.
గ్రేవ్స్ వ్యాధి: ఇది హైపర్ థైరాయిడిజానికి ప్రధాన కారణం. ఇందులో రోగ నిరోధక వ్యవస్థ థైరాయిడ్ గ్రంధిని ఎక్కువగా ప్రేరేపించి, అధికంగా థైరాయిడ్ హార్మోన్లను ఉత్పత్తి చేసేలా చేస్తుంది.
2. గర్భధారణ, ప్రసవానంతరం :
గర్భధారణ సమయంలో హార్మోన్ల మార్పులు థైరాయిడ్ గ్రంధి పనితీరును ప్రభావితం చేయవచ్చు. కొంతమంది మహిళల్లో ప్రసవించిన తర్వాత తాత్కాలికంగా థైరాయిడ్ సమస్యలు వస్తాయి. దీనిని ‘పోస్ట్‌పార్టమ్ థైరాయిడిటిస్’ అంటారు. ఇది సాధారణంగా కొన్ని నెలల తర్వాత తగ్గిపోతుంది. కానీ కొందరిలో శాశ్వతంగా ఉండిపోవచ్చు.
3. వంశపారంపర్యం:
కుటుంబంలో ఎవరికైనా థైరాయిడ్ సమస్యలు ఉంటే.. అది మీకు కూడా వచ్చే అవకాశం ఎక్కువగా ఉంటుంది.
4. అయోడిన్ లోపం లేదా అధికం :
థైరాయిడ్ హార్మోన్ల ఉత్పత్తికి అయోడిన్ చాలా అవసరం. శరీరంలో అయోడిన్ లోపం ఉంటే హైపోథైరాయిడిజం రావచ్చు. అలాగే, అధికంగా అయోడిన్ తీసుకోవడం వల్ల కూడా థైరాయిడ్ సమస్యలు రావచ్చు. అందుకే అయోడిన్ ఉన్న ఉప్పును మితంగా వాడటం మంచిది.
Also Read: హైబీపీ ముందుగానే.. గుర్తించేదెలా ?
5. ఇతర కారణాలు:
ఒత్తిడి: దీర్ఘకాలిక ఒత్తిడి థైరాయిడ్ పనితీరుపై ప్రతికూల ప్రభావం చూపుతుంది.
కొన్ని మందులు: కొన్ని రకాల మందులు థైరాయిడ్ పనితీరును ప్రభావితం చేయవచ్చు.
ప్యూబర్టీ, మెనోపాజ్: యవ్వనం, మెనోపాజ్ సమయంలో వచ్చే హార్మోన్ల మార్పులు కూడా థైరాయిడ్ సమస్యలకు దారితీయవచ్చు.
ఈ సమస్యలను గుర్తించి.. డాక్టర్ సలహా మేరకు సరైన చికిత్స తీసుకోవడం చాలా ముఖ్యం. ఎందుకంటే థైరాయిడ్ సమస్యలను నిర్లక్ష్యం చేస్తే.. అది బరువు మార్పులు, పీరియడ్స్ సమస్యలు, గుండె జబ్బులు, సంతానలేమి వంటి సమస్యలకు దారితీయవచ్చు.
Share
Big update on Team India : రోహిత్ శర్మ, సూర్య కుమార్ కు కొత్త గండం...బీసీసీఐ యాక్షన్ ప్లాన్ ఇదే!
PM Removal Bill: బాబు-నితీష్‌ కట్టడికి ఆ బిల్లు.. కాంగ్రెస్ ఆరోపణలు, ఇరకాటంలో బీజేపీ
