Toilet Cleaning Hacks: నలుగురు సభ్యులు ఉన్న ఇంట్లో బాత్రూమ్ను ఎప్పుడూ శుభ్రంగా, తాజా సువాసనతో ఉంచడం పెద్ద పోరాటం అనే చెప్పాలి. అయితే బాత్రూమ్ క్లీనింగ్ కోసం ప్రతిసారీ కఠినమైన కెమికల్స్ వాడకుండా.. ఇంట్లో ఉన్న పదార్థాలతోనే బాత్రూమ్ను నీట్గా ఉంచుకోవడానికి ఒక అద్భుతమైన చిట్కా ఈ మధ్య సోషల్ మీడియాలో తెగ వైరల్ అవుతోంది. ఆ చిట్కా గురించి ఇప్పుడు మనం కూడా తెలుసుకుందాం పదండి..
టూత్పేస్ట్లో జిడ్డును వదిలించే, క్రిములను చంపే గుణాలు ఉంటాయి. ఒక చిన్న టూత్పేస్ట్ ట్యూబ్ను టాయిలెట్ ట్యాంక్లో వేస్తే చాలు.. మనం ఫ్లష్ చేసిన ప్రతిసారి కొద్దికొద్దిగా పేస్ట్ నీటిలో కలిసి టాయిలెట్ను క్లీన్గా, మంచి మింట్ వాసనతో ఉంచుతుంది.
చాలామంది టాయిలెట్ ట్యాంక్లలో ఘాటైన బ్లీచింగ్ టాబ్లెట్స్ వేస్తుంటారు. ఇవి ట్యాంక్ లోపల ఉండే రబ్బరు విడిభాగాలను, ప్లాస్టిక్ పార్ట్లను పాడుచేస్తాయి. దీనివల్ల వాటర్ లీకేజీలు మొదలవుతాయి. అదే టూత్పేస్ట్ అయితే ఎలాంటి రసాయనాలు లేకుండా పైపులను, ట్యాంక్ను సురక్షితంగా ఉంచుతుంది.
చిన్న డబ్బాలో తెల్లటి టూత్పేస్ట్ ట్యూబ్ తీసుకోండి. దానికి సూదితో అక్కడక్కడా 10 నుండి 15 చిన్న రంధ్రాలు చేయండి. దాన్ని టాయిలెట్ ట్యాంక్ వెనుక మూలలో పడేయండి. లోపల ఉండే ఫ్లాపర్ లేదా చైన్కి అది తగలకుండా చూసుకోండి. ఒక చిన్న ట్యూబ్ దాదాపు నెల రోజుల వరకు పనికొస్తుంది.
బాత్రూమ్ సింక్లో సోప్ మురికి, జుట్టు పేరుకుపోయి నీళ్లు త్వరగా వెళ్లనప్పుడు ఉప్పు బాగా పనిచేస్తుంది. రాత్రి నిద్రపోయే ముందు అర కప్పు ఉప్పును సింక్ హోల్లో వేసి వదిలేయండి. ఉదయాన్నే మరుగుతున్న నీళ్లను అందులో పోస్తే.. పైపుల్లో పేరుకుపోయిన జిడ్డు అంతా కరిగిపోయి డ్రెయిన్ క్లియర్ అవుతుంది.
Also Read: 7000mAh బ్యాటరీ, 50MP కెమెరాతో సరికొత్త Moto G Max.. లాంచ్ ఎప్పుడంటే?
Share
ఏబీఎస్ vs సీబీఎస్.. వర్షాకాలంలో బైక్కు ఏ బ్రేకింగ్ సిస్టమ్ సేఫ్?
ఫ్లిప్కార్ట్ ఫ్రీడమ్ సేల్.. స్మార్ట్ఫోన్లపై కళ్లు చెదిరే ఆఫర్లు.. రేట్లు ఇలా తగ్గించేశారేంటీ!
