ఇంకా ఆమె మాటే వింటున్నావా..? తమ్ముడిని ఆటాడేసుకున్న సల్మాన్!

Salman Comments: బాలీవుడ్‌లో సల్మాన్ ఖాన్ ఏం చేసినా, ఏం మాట్లాడినా అది క్షణాల్లో వైరల్ అవుతుంది. ఈసారి కూడా అదే జరిగింది. తాజాగా ఓ రియాలిటీ షోలో తన తమ్ముడు సోహైల్ ఖాన్ గురించి సల్మాన్ మాట్లాడిన మాటలు ఇప్పుడు సోషల్ మీడియాలో తెగ చక్కర్లు కొడుతున్నాయి.ముఖ్యంగా సోహైల్ మాజీ భార్య సీమా సజ్దే పేరు తీస్తూ సల్మాన్ వేసిన ప్రశ్న అందరినీ షాక్‌కు గురి చేసింది.

షోలో సరదాగా అందరూ మాట్లాడుకుంటుండగా ఒక్కసారిగా సల్మాన్.. “ఏంట్రా.. ఇంకా సీమా మాటే వింటున్నావా?” అంటూ సోహైల్‌ను ఆట పట్టించాడు. వెంటనే “ఇది నేను చెప్పకూడదేమో… కానీ చెప్పేస్తున్నా” అని అన్నాడు. మొదట అందరూ నవ్వుకున్నా.. ఆ తర్వాత సల్మాన్ మాట్లాడిన మాటలు మాత్రం ఎమోషనల్‌గా మారిపోయాయి.

బయట వాళ్లు ఏం అనుకుంటారో

సల్మాన్ మాట్లాడుతూ.. “విడాకులు అయ్యాక బయట వాళ్లు ఏం అనుకుంటారో నాకు తెలుసు. కానీ నిజంగా ఏం జరిగిందో మాకు మాత్రమే తెలుసు. ఆ రిలేషన్‌ను కాపాడుకోవడానికి సోహైల్ చివరి వరకు ట్రై చేశాడు. అయినా పరిస్థితులు కలిసి రాలేదు. చివరకు వచ్చిన విమర్శలన్నీ కూడా తనే భరించాడు. ఒక్కసారి కూడా ఎదుటివాళ్లను తప్పు పట్టలేదు” అంటూ తమ్ముడిని పొగిడాడు.

అన్న మాటలు విన్న సోహైల్ కూడా ఎమోషనల్ అయ్యాడు. “ఆ టైమ్‌లో నేను చాలా కష్టపడ్డాను. బయటకు నవ్వుతూ కనిపించినా… లోపల మాత్రం చాలా టెన్షన్‌లో ఉండేవాడిని. చాలా రోజులు మానసికంగా డిస్టర్బ్ అయ్యాను. కానీ ఆ ఫేజ్ కూడా దాటిపోయింది” అంటూ తన మనసులోని బాధను బయటపెట్టాడు.

24 ఏళ్ల పాటు కలిసి ఉన్న జంట

సోహైల్ ఖాన్, సీమా సజ్దే ప్రేమించి పెళ్లి చేసుకున్నారు. దాదాపు 24 ఏళ్ల పాటు కలిసి ఉన్న ఈ జంటకు ఇద్దరు కుమారులు ఉన్నారు. కానీ కొన్నేళ్లుగా ఇద్దరి మధ్య దూరం పెరగడంతో చివరకు విడాకులు తీసుకున్నారు. విడిపోయినా పిల్లల కోసం ఇద్దరూ కలిసి బాధ్యతలు తీసుకుంటున్నారని బాలీవుడ్‌లో ఎప్పటి నుంచో వినిపిస్తోంది.

ఇదిలా ఉంటే.. అదే షోలో సల్మాన్ తన జోధ్‌పూర్ జైలు రోజుల గురించి కూడా మాట్లాడాడు. “జైలులో గడిపిన రోజులు నా జీవితాన్ని పూర్తిగా మార్చేశాయి. బయట ఉన్న స్వేచ్ఛ విలువ అప్పుడే తెలిసింది. ఆ రోజులు చాలా కఠినంగా గడిచాయి. కానీ ఆ అనుభవం నాకు చాలా విషయాలు నేర్పింది. కష్టాలు వచ్చినప్పుడు ఎలా నిలబడాలో అప్పుడే అర్థమైంది” అని చెప్పాడు.

also read :ఈ హీరోయిన్ల బ్యాగ్‌ల రేట్లు చూస్తే షాక్ అవ్వాల్సిందే!

సల్మాన్ చేసిన ఈ కామెంట్స్ ఇప్పుడు సోషల్ మీడియాలో ఫుల్ వైరల్ అవుతున్నాయి. “అన్నగా తమ్ముడికి అండగా నిలబడ్డాడు” అంటూ కొందరు ప్రశంసిస్తుంటే.. “ఇంత పర్సనల్ విషయాన్ని షోలో చెప్పాల్సిన అవసరం ఉందా?” అంటూ మరికొందరు కామెంట్లు చేస్తున్నారు. ఇంకొందరు మాత్రం “సల్మాన్ చెప్పిన మాటల్లో నిజాయితీ కనిపించింది” అంటూ ఆయనకు సపోర్ట్ చేస్తున్నారు.

ఈ ఒక్క ఎపిసోడ్‌తో మళ్లీ ఖాన్ ఫ్యామిలీ వార్తల్లో

ఇక ఈ వీడియో బయటకు వచ్చిన తర్వాత సోహైల్-సీమా విడాకుల విషయం మరోసారి వార్తల్లోకి వచ్చింది. పాత ఫొటోలు, ఇంటర్వ్యూలు, వీడియోలు మళ్లీ సోషల్ మీడియాలో ట్రెండ్ అవుతున్నాయి. ఒక చిన్న ప్రశ్నతో మొదలైన ఈ సంభాషణ ఇప్పుడు బాలీవుడ్‌లో హాట్ టాపిక్‌గా మారిపోయింది. సల్మాన్ మాట్లాడిన ప్రతి మాటపై నెటిజన్లు తమదైన స్టైల్లో చర్చించుకుంటున్నారు. మొత్తానికి ఈ ఒక్క ఎపిసోడ్‌తో మళ్లీ ఖాన్ ఫ్యామిలీ వార్తల్లోకి వచ్చేసిందన్న మాట.

also read :రష్మిక హెల్త్‌పై బిగ్ అప్‌డేట్.. గాయం తర్వాత మొదటిసారి స్పందన!