Indian Army Jobs Internship| ఇండియన్ ఆర్మీ 2026-27 విద్యా సంవత్సరానికి రెండో విడత ఇండియన్ ఆర్మీ ఇంటర్న్షిప్ ప్రోగ్రామ్ (IAIP) కోసం దరఖాస్తులు ఆహ్వానిస్తోంది. టెక్నాలజీ, మేనేజ్మెంట్ రంగాల్లో ఆసక్తి ఉన్న విద్యార్థులకు ఈ పెయిడ్ ఇంటర్న్షిప్ అవకాశం అందుబాటులో ఉంది. అర్హత కలిగిన విద్యార్థులు నేషనల్ ఇంటర్న్షిప్ పోర్టల్ ద్వారా ఆన్లైన్లో దరఖాస్తు చేసుకోవచ్చు.
ఈ కార్యక్రమం ద్వారా విద్యార్థులు రక్షణ రంగానికి సంబంధించిన ప్రాజెక్టులపై పని చేస్తూ విలువైన అనుభవాన్ని పొందే అవకాశం ఉంటుంది. అలాగే నిపుణులతో కలిసి పనిచేసి తమ నైపుణ్యాలను మెరుగుపరుచుకోవచ్చు.
ఈ ఇంటర్న్షిప్ మొత్తం 75 రోజుల పాటు కొనసాగుతుంది. ఇందులో మొదటి 60 రోజులు కార్యాలయంలో ప్రత్యక్ష శిక్షణ, ప్రాజెక్ట్ పనులు ఉంటాయి. మిగిలిన 15 రోజులు ఇంటి నుంచే పని చేసే అవకాశం కల్పిస్తారు.
ఎంపికైన ఇంటర్న్లకు గరిష్టంగా రూ.75,000 వరకు స్టైపెండ్ అందుతుంది. ఇంటర్న్షిప్ విజయవంతంగా పూర్తి చేసిన తర్వాత ఈ మొత్తాన్ని చెల్లిస్తారు. హాజరు శాతం, పనితీరు ఆధారంగా తుది స్టైపెండ్ నిర్ణయిస్తారు. ఈ ఇంటర్న్షిప్ న్యూఢిల్లీ, ఎన్సీఆర్ ప్రాంతాల్లో నిర్వహిస్తారు. అయితే వసతి సౌకర్యాన్ని ఇండియన్ ఆర్మీ కల్పించదు. అభ్యర్థులు తమ వసతి ఏర్పాట్లు స్వయంగా చేసుకోవాలి.
ఇండియన్ ఆర్మీ అనేక ఆధునిక సాంకేతిక రంగాల్లో ఇంటర్న్షిప్ అవకాశాలను అందిస్తోంది. ఆర్టిఫిషియల్ ఇంటెలిజెన్స్, మెషిన్ లెర్నింగ్, సైబర్ సెక్యూరిటీ, ఎథికల్ హ్యాకింగ్, క్వాంటమ్ కంప్యూటింగ్, క్రిప్టోగ్రఫీ వంటి విభాగాల్లో అవకాశాలు ఉన్నాయి.
అలాగే రోబోటిక్స్, అటానమస్ సిస్టమ్స్, డ్రోన్స్, యూఏవీలు, స్పేస్ టెక్నాలజీ, శాటిలైట్ సిస్టమ్స్, డిఫెన్స్ ఎలక్ట్రానిక్స్, అడ్వాన్స్డ్ వెపన్ సిస్టమ్స్, 5జీ, 6జీ కమ్యూనికేషన్ టెక్నాలజీలలో కూడా ఇంటర్న్షిప్లు అందుబాటులో ఉన్నాయి.
మేనేజ్మెంట్ విభాగంలో ఫిన్టెక్, స్ట్రాటజిక్ కమ్యూనికేషన్, మాస్ మీడియా, హ్యూమన్ రిసోర్స్ మేనేజ్మెంట్, ఆపరేషనల్ లాజిస్టిక్స్ వంటి రంగాల్లో కూడా అవకాశాలు ఉన్నాయి.
విద్యార్థులు వివిధ ప్రత్యేక ప్రాజెక్టుల్లో పాల్గొనే అవకాశం పొందుతారు. AI, మెషిన్ లెర్నింగ్ ఆధారిత డిజిటల్ ట్రాన్స్ఫర్మేషన్ ప్రాజెక్టులు అందుబాటులో ఉన్నాయి. లార్జ్ లాంగ్వేజ్ మోడల్స్, ఇంటెలిజెంట్ AI అసిస్టెంట్స్ అభివృద్ధి చేసే ప్రాజెక్టుల్లో కూడా పని చేయవచ్చు.
డేటా అనలిస్ట్, సాఫ్ట్వేర్ డెవలప్మెంట్, మొబైల్ యాప్ డెవలప్మెంట్, సాఫ్ట్వేర్ ఇంజినీరింగ్ ప్రాజెక్టులు కూడా ఉన్నాయి. రోబోటిక్స్, డ్రోన్స్, అన్మ్యాన్డ్ ఏరియల్ సిస్టమ్స్, స్పేస్ డొమైన్ అవేర్నెస్, SAP ERP, జోహో అనలిటిక్స్, లీగల్ ఆటోమేషన్, ఫైనాన్షియల్ మేనేజ్మెంట్ సాఫ్ట్వేర్ వంటి ప్రాజెక్టుల్లో కూడా పని చేసే అవకాశం ఉంటుంది.
Also Read: ఒక్క విమానం కూడా రాని ఎయిర్పోర్ట్కు నెంబర్ 1 ర్యాంక్? అసలు విషయం ఇదీ..
విద్యార్థులు ఒకటి కంటే ఎక్కువ ఇంటర్న్షిప్లకు దరఖాస్తు చేసుకోవచ్చు. అయితే ఎంపికైన తర్వాత ఒక్క ఇంటర్న్షిప్ను మాత్రమే స్వీకరించాలి. తమ విద్య, నైపుణ్యాలు, భవిష్యత్ లక్ష్యాలకు అనుగుణంగా సరైన అవకాశాన్ని ఎంపిక చేసుకోవాలి. ప్రతి ప్రాజెక్టుకు దరఖాస్తు చివరి తేదీ వేర్వేరుగా ఉంటుంది. చాలా ప్రాజెక్టులకు ఆగస్టు 1 నుంచి ఆగస్టు 15, 2026 మధ్య గడువు ఉంది. కొన్ని పోస్టుల గడువు ఇప్పటికే ముగిసింది.
Also Read: నెలకు రూ.10 లక్షల వరకు జీతం.. ప్రపంచమంతా తిరిగిరావొచ్చు.. ఇంటర్మీడియట్ ఉంటే చాలు
ఈ ఇంటర్న్షిప్ పూర్తిచేసిన తర్వాత ఉద్యోగ హామీ ఉండదని ఇండియన్ ఆర్మీ స్పష్టం చేసింది. ఈ కార్యక్రమం ప్రధానంగా ప్రాక్టికల్ అనుభవం, నిపుణుల మార్గదర్శకత్వం, ఆధునిక రక్షణ సాంకేతిక పరిజ్ఞానంపై అవగాహన కల్పించడమే లక్ష్యంగా నిర్వహిస్తున్నారు. ఇంటర్న్షిప్ విజయవంతంగా పూర్తి చేసిన వారికి అధికారిక సర్టిఫికేట్ అందజేస్తారు. ఈ అనుభవం భవిష్యత్లో టెక్నాలజీ, పరిశోధన, రక్షణ రంగాల్లో కెరీర్ నిర్మించుకోవడానికి ఎంతో ఉపయోగపడుతుంది.
Also Read: ఆర్మీ లా ఆఫీసర్ జాబ్స్.. ఏడాదికి రూ.17 లక్షలకు పైగా సాలరీ
Share
బాటా అస్సలు ఇండియన్ కంపెనీయే కాదు, దీని చరిత్ర తెలిస్తే వావ్ అంటారు!
జేబులో రూపాయి లేకపోయినా షాపింగ్ చేయొచ్చు.. Flipkart Pay Later ఆప్షన్ అదిరింది!
