Hemant Soren: జార్ఖండ్ ముఖ్యమంత్రి హేమంత్ సోరెన్‌ను భూ కుంభకోణం, మనీలాండరింగ్ వ్యవహారాలు వెంటాడుతూనే ఉన్నాయి. ఈ కేసు విచారణను రాంచీలోని ప్రత్యేక పీఎంఎల్‌ఏ (PMLA) కోర్టు మరింత వేగవంతం చేయడంతో ఆయనకు చట్టపరమైన చిక్కులు పెరిగాయి. సోమవారం సాయంత్రం 4 గంటలలోపు సీఎం సోరెన్ వ్యక్తిగతంగా కానీ, లేదా వీడియో కాన్ఫరెన్స్ ద్వారా కానీ తమ ముందు తప్పనిసరిగా హాజరుకావాలని కోర్టు స్పష్టమైన ఆదేశాలు జారీ చేసింది.
హైకోర్టులో చుక్కెదురు..
గతంలో సెప్టెంబర్ 19న జరిగిన విచారణకు అధికారిక కార్యక్రమాల నెపంతో సోరెన్ గైర్హాజరయ్యారు. ఈ నేపథ్యంలో, ఆయనపై అధికారికంగా అభియోగాలు నమోదు చేసే ప్రక్రియపై కోర్టు రెండు పక్షాల వాదనలను విననుంది. మరోవైపు, ఈ విచారణ ప్రక్రియపై తక్షణ స్టే విధించాలని, కేసును కొట్టివేయాలని కోరుతూ హేమంత్ సోరెన్ దాఖలు చేసిన పిటిషన్‌ను జార్ఖండ్ హైకోర్టు ఇటీవల తిరస్కరించడం ఆయనకు పెద్ద షాక్ అనే చెప్పాలి.
అసలేంటీ కేసు?
రాంచీలోని బార్గాయిన్ ప్రాంతంలో ఉన్న 8.86 ఎకరాల గిరిజన భూమిని నకిలీ పత్రాలు, ప్రభుత్వ రికార్డుల తారుమారు ద్వారా అక్రమంగా స్వాధీనం చేసుకున్నారనే ఆరోపణలపై ఎంఫోర్స్‌మెంట్ డైరెక్టరేట్ (ED) లోతైన విచారణ జరుపుతోంది. ఈ కేసు తీవ్రత దృష్ట్యా, గతంలో జూన్ 8న సోరెన్ దాఖలు చేసిన డిశ్చార్జ్ పిటిషన్‌ను కూడా ప్రత్యేక కోర్టు కొట్టివేసింది. దీంతో సోరెన్‌పై అభియోగాల నమోదు అనివార్యంగా మారింది.
Also Read: తల లేదు, కాళ్లు లేవు… NTTPS కాలువలో కట్ చేసిన మొండం! అసలు ఎవరా మహిళ?
Share
ఇండియన్ బుల్లెట్ రైలు భూకంపాన్ని ముందే పసిగడుతుందా? అదిరిపోయే సేఫ్టీ సీక్రెట్ ఇదే!
చచ్చిపోయిన లండన్కు సీఎం విజయ్ ఎందుకు.. మధురై వెళ్లాలని అన్నామలై ఘాటు వ్యాఖ్యలు
