మహిళలపై రాహుల్ ఆసక్తికర వ్యాఖ్యలు.. కౌంటర్‌గా కేంద్ర మంత్రి చురకలు!

Rahul Gandhi: మహిళల భాగస్వామ్యం, వారి భావప్రకటనా స్వేచ్ఛపై కాంగ్రెస్ అగ్రనేత, లోక్‌సభ ప్రతిపక్ష నేత రాహుల్ గాంధీ ఆసక్తికర వ్యాఖ్యలు చేశారు. ఆయన వ్యాఖ్యల పై కేంద్ర పార్లమెంటరీ వ్యవహారాల శాఖ మంత్రి కిరణ్ రిజిజు క్షణాల్లోనే కౌంటర్ ఇచ్చారు. దీంతో రాజకీయ వర్గాల్లో ఆసక్తికర చర్చకు దారితీశాయి.

మహిళల శక్తి బంధీ అయింది- రాహుల్ గాంధీ

భారతీయ మహిళల శక్తి ప్రస్తుతం బంధించబడి ఉందని రాహుల్ గాంధీ తెలిపారు. తమ ఆలోచనలను, ఆకాంక్షలను స్వేచ్ఛగా వ్యక్తపరిచే అవకాశం వారికి లభించడం లేదని రాహుల్ గాంధీ అభిప్రాయపడ్డారు. మహిళా భాగస్వామ్యం లేకుండా ఏ దేశమూ విజయం సాధించలేదని చెప్పారు. సమాజంలో మహిళల భావప్రకటన లేకపోతే దేశం స్తబ్ధంగా, అసంపూర్ణంగా ఉండిపోతుందన్నారు. రాజకీయాల తీరు మారాలని, మహిళలకు తగిన ప్రాధాన్యం దక్కేలా ప్రజల్లో అవగాహన పెంచడమే తన రాజకీయాల ముఖ్య ఉద్దేశమని స్పష్టం చేశారు.

Also Read: బంజారాహిల్స్‌లో భారీ అగ్నిప్రమాదం.. 11 మందిని కాపాడిన ఫైర్ సిబ్బంది!

రిజిజు స్మార్ట్ కౌంటర్

రాహుల్ వ్యాఖ్యలపై పార్లమెంటరీ వ్యవహారాల మంత్రి కిరణ్ రిజిజు వెంటనే స్పందించారు. కాంగ్రెస్ పార్టీ నుంచి ఒక సానుకూల సందేశం వచ్చినట్లు కనిపిస్తోందని, మహిళల పట్ల రాహుల్ గాంధీ వైఖరిలో స్పష్టమైన మార్పు వచ్చిందని వ్యాఖ్యానించారు. మహిళా సాధికారతపై అంత నిజాయితీ ఉంటే.. పార్లమెంట్‌లో మహిళా రిజర్వేషన్ బిల్లుకు కాంగ్రెస్ పార్టీ ఎలాంటి షరతులు లేకుండా మద్దతు ఇవ్వాలని రిజిజు సూచించారు.

రిజిజుకి రాహుల్ గాంధీ కౌంటర్..

పార్లమెంటరీ వ్యవహారాల మంత్రిగా ఉన్న రిజిజు , మహిళా రిజర్వేషన్ల బిల్లు 2023 కాంగ్రెస్ పార్టీ పూర్తి మద్దతుతో, ఎటువంటి అంగీకారం లేకుండా ఇప్పటికే ఆమోదించబడిందనే విషయం మీకంటే బాగా ఎవరికి తెలుసు? అంటూ రాహుల్ గాంధీ ఎద్దేవా చేశారు. ‘మూడేళ్లు గడిచినా మహిళా రిజర్వేషన్ బిల్లు ఎందుకు అమలు చేయలేదు. మీరు దానిని అనవసరంగా డీలిమిటేషన్‌కు ఎందుకు ముడిపెట్టాలనుకుంటున్నారు?’ అని ప్రశ్నించారు. ఎటువంటి షరతులు లేకుండా.. వెంటనే 2023 చట్టాన్ని అమలు చేయండి అంటూ డిమాండ్ చేశారు.

మహిళా శక్తిపై రాహుల్ గాంధీ ఇంట్రెస్టింగ్ కామెంట్స్

భారతీయ మహిళల శక్తి ప్రస్తుతం బంధించబడి ఉందని, వారికి స్వేచ్ఛగా ఆలోచించే, భావాలను వ్యక్తపరిచే అవకాశం దక్కడం లేదని కాంగ్రెస్ అగ్రనేత రాహుల్ గాంధీ వ్యాఖ్యానించారు. మహిళల భాగస్వామ్యం, భావప్రకటన లేకపోతే ఏ దేశమూ విజయం సాధించలేదని ఆయన… pic.twitter.com/2Notl86d8V

— BigTV APP (@BigtvApp) August 8, 2026