Ship Crash: బెంగాల్లోని సౌత్ 24 పరగణాల జిల్లా డైమండ్ హార్బర్ వద్ద పెను ప్రమాదం తప్పింది. సింగపూర్కు చెందిన 147 మీటర్ల పొడవైన భారీ సరుకు రవాణా నౌక.. హుగ్లీ నదిలో పయనిస్తూ ఒక్కసారిగా నియంత్రణ కోల్పోయింది. వేగంగా తీరం వైపునకు దూసుకొచ్చి.. అక్కడ ఉన్న నూర్పూర్ ఫెర్రీ టెర్మినల్ను బలంగా ఢీకొట్టింది.
ప్రమాదం జరిగే సమయానికి ఫెర్రీ టెర్మినల్ వద్ద ఎటువంటి పడవలు, లాంచీలు నిలిపి ఉంచకపోవడంతో పెద్ద ప్రమాదం తప్పినట్లయింది. ఈ ఘటనలో ఎవరికీ ఎటువంటి గాయాలు కాకపోవడంతో అధికారులు ఊపిరి పీల్చుకున్నారు. అయితే నౌక చాలా బలంగా ఢీకొట్టడంతో నదీ తీరం వెంట పెద్ద ఎత్తున పగుళ్లు ఏర్పడ్డాయి. సమాచారం అందుకున్న వెంటనే స్థానిక పరిపాలనా అధికారులు ఘటనా స్థలానికి చేరుకుని పరిస్థితిని పరిశీలించారు.
Cargo ship runs aground! A Singapore-flagged cargo vessel violently veered off course, slamming directly into a riverbank near Diamond Harbour while navigating its route from Port Klang, Malaysia, to Kolkata, India. A dramatic maritime incident causing major ripples on the…
— Aligarian Boy (@shahamalig) August 12, 2026
ప్రమాదానికి గురైన ఈ సింగపూర్ నౌకను ‘ఎంవీ నవత భూమ్’ (MV Nawata Bhum)గా గుర్తించారు. ఈ నౌక మలేషియాలోని ‘పోర్ట్ క్లాంగ్’ నుంచి భారీ కంటెయినర్లతో కోల్కతా పోర్ట్ వైపునకు వస్తుండగా ఈ ప్రమాదం చోటుచేసుకుంది. కోల్కతాకు దక్షిణాన దాదాపు 50 కిలోమీటర్ల దూరంలో ఉన్న డైమండ్ హార్బర్ వద్ద.. మలుపు తిరుగుతుండగా నౌక ఒక్కసారిగా కంట్రోల్ తప్పింది. నౌకలోని స్టీరింగ్ గేర్ వ్యవస్థ వైఫల్యం చెందడమే ఈ ప్రమాదానికి ప్రధాన కారణమని ప్రాథమిక నివేదికలు చెబుతున్నాయి.
In #WestBengal, a #Singapore cargo ship lost control and collided with the banks of the Hooghly River, after which the ship ended up near the road. No one was injured in the accident. pic.twitter.com/Is0o7R7P37
— Siraj Noorani (@sirajnoorani) August 13, 2026
Also Read: ఇమ్రాన్ ఖాన్ చనిపోయారా? రచ్చలేపిన జర్నలిస్ట్ వీడియో.. క్లారిటీ ఇచ్చిన పాక్ ఆర్మీ!
నౌక కంట్రోల్ తప్పడంతో నౌకలోని సిబ్బంది వెంటనే అప్రమత్తయ్యారు. తీరంలో ఉన్న ప్రజలు, అధికారులను హెచ్చరిస్తూ.. నిరంతరం హార్న్ మోగించారు. అది గమనించిన వారంతా.. నౌక వస్తున్న వైపునకు దూరంగా వెళ్లిపోయారు. దీంతో భారీ నౌక వేగంగా తీరం వెంబడికి దూసుకొచ్చి బలంగా ఢీకొట్టింది. ఇందుకు సంబంధించిన దృశ్యాలు బయటకొచ్చాయి. ప్రస్తుతం అవి నెట్టింట వైరల్ అవుతున్నాయి. బస్సులు, లారీల తరహాలోనే.. భారీ నౌకలకు సైతం స్టీరింగ్ సమస్య ఉంటుందా? అని నెటిజన్లు ఆశ్చర్యపోతున్నారు.
Also Read: ఎయిర్టెల్ బిగ్ షాక్.. ఒకేసారి 4 చౌకైన ప్లాన్లు తొలగింపు.. ఇక మీ జేబుకు చిల్లే!
Share
పేదోడికి చారణా.. పెద్దోడికి బారాణా! సంక్షేమ పథకాల తీరిదేనా? అనర్హులకూ దక్కుతున్న ఉచిత పథకాలు.. !
రూ.899కే మల్టీ డివైజ్ సపోర్ట్, రీఛార్జబుల్ బ్యాటరీ.. పోర్ట్రోనిక్స్ ఫోల్డబుల్ మౌస్ లుక్ అదిరింది!
