Monster Action Thriller on OTT : ఒక దట్టమైన అడవిలోకి వెళ్లిన వాళ్లకు ఒక్కసారిగా భారీ అనకొండలు కనిపిస్తే ? ఒకటి కాదు, రెండు కాదు… గుంపులు గుంపులుగా కొండచిలువలు చుట్టుముడితే ? తప్పించుకునేందుకు ఎంత ప్రయత్నించినా అవి వెంటాడుతూనే ఉంటే పరిస్థితి ఎలా ఉంటుంది ? ప్రాణాలు అరచేతిలో పెట్టుకుని పరుగులు తీయాల్సిన ఆ భయంకరమైన పరిస్థితులను చూపించే మాన్స్టర్ యాక్షన్ థ్రిల్లర్ ‘Anaconda 3: Offspring’. మరి ఈ సర్వైవల్ థ్రిల్లర్ ఎక్కడ స్ట్రీమింగ్ అవుతోంది ? అనే వివరాలపై ఓ లుక్కేద్దాం పదండి.
కథలో ఓ ప్రమాదకరమైన ప్రయోగం కారణంగా భారీ అనకొండలు క్రియేట్ అవుతాయి. దీంతో అసలు సమస్య మొదలవుతుంది. సాధారణ పాములతో పోలిస్తే ఇవి మరింత భారీగా, ప్రమాదకరంగా ఉంటాయి. వాటి సంఖ్య పెరుగుతున్న కొద్దీ, అదుపులో పెట్టడం అసాధ్యంగా మారుతుంది. అడవిలో ఉన్న ప్రతి మనిషికి ఈ జీవులు ప్రాణాంతకమైన ముప్పుగా మారతాయి. వాటిని పట్టుకోవడానికి, ఆపడానికి ప్రయత్నించే కొద్దీ పరిస్థితులు మరింత దారుణంగా మారతాయి. ఒకవైపు భారీ పాముల దాడులు, మరోవైపు వాటి నుంచి తప్పించుకోవడానికి మార్గం లేకపోవడం… దీంతో ప్రతి అడుగు ప్రమాదకరంగా మారుతుంది.
ఎక్కడి నుంచి అనకొండ దాడి చేస్తుందో తెలియని పరిస్థితుల్లో ప్రాణాలు కాపాడుకోవడమే కష్టం అవుతుంది. అసలు ఈ భారీ అనకొండల వెనుక ఉన్న ప్రయోగం ఏంటి ? వాటిని ఎందుకు సృష్టించారు ? అవి ఎందుకు అదుపు తప్పాయి ? వాటి వేట నుంచి మనుషులు ఎలా బయట పడతారు ? చివరికి ఈ భయంకరమైన జీవులను ఆపడం సాధ్యమైందా ? అనేదే సినిమాలో చూడాల్సిన ఆసక్తికరమైన అంశం. భారీ కొండచిలువల కారణంగా మొదలయ్యే భయంకరమైన వేట, వాటి నుంచి తప్పించుకోవడానికి మనుషులు చేసే పోరాటం చుట్టూ కథ సాగుతుంది.
సాధారణంగా ఒక అనకొండ కనిపిస్తేనే భయపడిపోతాం, అలాంటిది ఒకేసారి భారీ సంఖ్యలో అనకొండలు ఎదురైతే ? అడవిలో అడుగడుగునా ప్రమాదం పొంచి ఉండటంతో ప్రతి క్షణం టెన్షన్ పెరుగుతుంది. ఈ క్రమంలో మనుషులు తమ ప్రాణాలను కాపాడుకోవడానికి చేసే ప్రయత్నాలు సినిమాను సీట్ ఎడ్జ్ థ్రిల్లర్గా మారుస్తాయి. మరి ఈ అనకొండలు ఇంత భారీగా ఎలా వచ్చాయి ? వాటి లక్ష్యం ఏంటి ? వాటి నుంచి ఎవరైనా ప్రాణాలతో బయటపడగలిగారా ? అనేది తెలియాలంటే సినిమాను చూడాల్సిందే.
‘అనకొండ 3’ ఇంగ్లీష్ యాక్షన్ థ్రిల్లర్ మూవీ. భారీ మాన్స్టర్స్, అడ్వెంచర్, సర్వైవల్, ఊపిరి బిగపట్టించే ఛేజింగ్ సన్నివేశాలు ఇష్టపడేవారికి ఈ మూవీ ఒకసారి ట్రై చేయొచ్చు. ప్రస్తుతం Netflixలో స్ట్రీమింగ్ అవుతున్న ఈ అనకొండ థ్రిల్లర్లో ముఖ్యంగా గుంపులు గుంపులుగా దాడి చేసే కొండచిలువల సన్నివేశాలు హారర్, మాన్స్టర్ మూవీ ఫ్యాన్స్కు థ్రిల్ ఇవ్వొచ్చు. కాబట్టి ‘అనకొండ’ ఫ్రాంచైజీకి ఫ్యాన్స్ అయితే ఈ మూవీని మాత్రం మిస్ అవ్వొద్దు.
Share
సింపుల్ ఎనర్జీ సూపర్ జోష్.. ఏడాదిలో 10 వేలకుపైగా ఈవీ స్కూటర్ల సేల్!
త్రిషకు అండగా కంగనా.. ఉదయ్ నిధి స్టాలిన్ కు గట్టి కౌంటర్!
