OTT Movie : సస్పెన్స్, సూపర్నాచురల్ ఎలిమెంట్స్తో ఒక బాలీవుడ్ సినిమా ప్రేక్షకులను ఆకట్టుకుంటోంది. ఇందులో ప్రియమణి నటనకి మంచి మార్కులే పడ్డాయి. ఊటీ, కూనూర్ లొకేషన్స్, గ్రిప్పింగ్ క్లైమాక్స్ ఈ సినిమాకి హైలెట్ గా నిలిచాయి. ఈ సినిమాలో భర్త చనిపోయాడనుకుని భార్య మరొకరిని పెళ్ళి చేసుకుంటుంది. అయితే భర్త తిరిగి రావడంతో అసలు స్టోరీ మొదలవుతుంది ? ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే …
ఎందులో ఉందంటే
‘అతీత్’ (Ateet) 2020లో విడుదలైన హిందీ సైకలాజికల్ థ్రిల్లర్ చిత్రం. ఈ సినిమా తనూజ్ భ్రమర్ దర్శకత్వంలో రూపొందింది. ఇందులో రాజీవ్ ఖండేల్వాల్ (అతీత్ రాణా), ప్రియమణి (జాన్వీ), సంజయ్ సూరి (విశ్వ కర్మ), దేష్నా దుగద్ (సనా), విపిన్ శర్మ (డాక్టర్ మసూద్), నేహా బామ్ (డాక్టర్ ఆంటీ), షకీల్ ఖాన్ (నయాబ్ కుక్రీ) నటించారు. ఈ సినిమా 1 గంట 55 నిమిషాల రన్టైమ్తో ZEE5 లో అందుబాటులో ఉంది.
స్టోరీలోకి వెళ్తే
కెప్టెన్ అతీత్ రాణా ఒక యుద్ధంలో మరణించినట్లు ప్రకటించబడతాడు. అతని సీనియర్ అయిన విశ్వ కర్మ అతీత్ భార్య జాన్వీ, కుమార్తె సనా లను సంరక్షించే బాధ్యత తీసుకుంటాడు. పదేళ్ల తర్వాత విశ్వ కర్మ జాన్వీని వివాహం చేసుకుని, సనాతో కలిసి ఊటీలో సాధారణ జీవితం గడుపుతుంటాడు. అయితే అనూహ్యంగా అతీత్ తిరిగి వస్తాడు. తన కుటుంబాన్ని తిరిగి స్వాధీనం చేసుకోవాలని, విశ్వ కర్మ గతంలో చేసిన ఒక మోసాన్ని బయటపెట్టాలని కోరుకుంటాడు. ఇప్పుడు అతీత్ జీవించి ఉన్నాడా లేక చనిపోయిన ఆత్మగా తిరిగి వచ్చాడా అనే అనుమానం జాన్వీ, సనాలో భయాన్ని కలిగిస్తుంది.
సెకండ్ హాఫ్లో కథ సూపర్న్యాచురల్ థ్రిల్లర్గా మారుతుంది. అతీత్ రిటర్న్ వెనుక నిజం, విశ్వ గతంలోని రహస్యాలు బయటపడతాయి. జాన్వీ తన కూతురు సనాను కాపాడుకోవడానికి, ఇద్దరు పురుషుల మధ్య ఎమోషనల్ డైలమాలో చిక్కుకుంటుంది. తన కుటుంబాన్ని తిరిగి పొందాలని, విశ్వ గతంలోని “డార్క్ సీక్రెట్”ను బయటికి తెచ్చే ప్రయత్నం చేస్తాడు. అతీత్ జీవించి ఉన్నాడా లేక ఆత్మగా తిరిగి వచ్చాడా అనే ప్రశ్నలు ఉత్పన్నమవుతాయి. అతీత్ రిటర్న్ విశ్వను మానసికంగా కుంగదీస్తుంది.
విశ్వ హాలుసినేషన్స్తో బాధపడుతూ, అతీత్ను తన బెటాలియన్ను బలిపశుగా చేసిన వ్యక్తిగా ఆరోపిస్తాడు. సనా తన నిజమైన తండ్రి గురించి తెలుసుకుంటూ, భావోద్వేగంతో గందరగోళంలో పడుతుంది. క్లైమాక్స్లో అతీత్ నిజ స్వరూపం, విశ్వ గత తప్పిదాలు బయటపడతాయి. జాన్వీ తన కుటుంబాన్ని కాపాడుకోవడానికి తీసుకున్న ఒక నిర్ణయంతో కథ ముగుస్తుంది. జాన్వీ తీసుకున్న నిర్ణయం ఏమిటి ? అతీత్ ఆత్మగా తిరిగి వచ్చాడా ? విశ్వ డార్క్ సీక్రెట్ ఏమిటి ? అనే ప్రశ్నలకు సమాధానాలను తెలుసుకోవాలనుకుంటే, ఈ సైకలాజికల్ థ్రిల్లర్ సినిమాని మిస్ కాకుండా చుడండి.
Read Also : చావడానికెళ్లి సైకో చేతిలో అడ్డంగా బుక్… అమ్మాయిని కదలకుండా చేసి ఆ పని… సీట్ ఎడ్జ్ థ్రిల్లర్
Share
Sobhita: షూటింగ్ లొకేషన్ లో వంట చేసిన శోభిత.. చైతూ రియాక్షన్ ఇదే!
Indian Railways: రైళ్లలో వైట్ బెడ్ రోల్స్ మాత్రమే ఎందుకు వాడతారు? తెలిస్తే మైండ్ బ్లాక్ అవుద్ది!
