OTT Movie : టాప్ ర్యాంక్స్ వస్తే ఈ దెయ్యం చేతిలో మూడినట్టే… ఇలాంటి హర్రర్ మూవీని ఎక్కడా చూసుండరు భయ్యా

OTT Movie : ఈ మధ్య కొరియన్ సినిమాలకు, వెబ్ సిరీస్ లకు బాగా అలవాటు పడిపోయారు మూవీ లవర్స్. ఓటీటీలో ఈ సినిమాలు కూడా మంచి వ్యూస్ దక్కించుకుంటున్నాయి. అయితే ఇప్పుడు మనం చెప్పుకోబోయే మూవీలో, ఒక దెయ్యం స్కూల్ పిల్లలను చంపుతుంటుంది. ఈ మూవీలో గూస్ బంప్స్ తెప్పించే సన్నివేశాలు చాలానే ఉన్నాయి. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే ..

స్టోరీలోకి వెళితే

హైస్కూల్ విద్యార్థులైన కాంగ్ ఈ-నా, ఆమె స్నేహితురాలు యూన్ మ్యాంగ్-హ్యో తో సహా 20 మంది టాప్ విద్యార్థులు ఒక రోజు ఎగ్జామ్ కోసం స్కూల్‌ లో ఉంటారు. ఈ తరగతిలో ఇంగ్లీష్ టీచర్ సో-యంగ్, మరో టీచర్ హ్వాంగ్ చాంగ్-వూక్, స్టూడెంట్ మేనేజర్ చీ-యంగ్ కూడా ఉంటారు. అయితే తరగతి మధ్యలో, స్కూల్ లౌడ్‌స్పీకర్ నుండి ఒక సంగీతం వినిపిస్తుంది. క్లాస్‌రూమ్ టీవీ లో టాప్ ర్యాంక్ విద్యార్థి మిన్ హ్యే-యంగ్ నీటితో నిండిన గాజు ట్యాంక్‌లో బంధించబడిన దృశ్యం కనిపిస్తుంది. ఆతరువాత ఒక స్వరం అక్కడ ఉన్న వాళ్ళతో మాట్లాడుతూ .. విద్యార్థులు ఒక డెత్ గేమ్‌లో ఉన్నారని, ఎగ్జామ్ లో సరైన ఆన్సర్స్ ఇవ్వకుంటే, బంధించబడిన విద్యార్థిని చనిపోతుందని ఆ స్వరం ఆందరికీ వినిపిస్తుంది. స్కూల్ నుండి బయటకు వెళ్లడానికి ప్రయత్నిస్తే కూడా మరణం సంభవిస్తుందని హెచ్చరిస్తుంది.

అయితే మొదటి గేమ్ లో సరైన సమాధానాలు ఇవ్వడంలో విఫలమైనందున, హ్యే-యంగ్ నీటిలో మునిగి చనిపోతుంది. ఆ హెచ్చరికను ధిక్కరించి, విద్యార్థులు బయటకు వెళ్లడానికి ప్రయత్నిస్తారు. కానీ ఒక టీచర్ హాల్ మానిటర్ లో చనిపోతుంది. విద్యార్థులు భయంతో ఆ గేమ్ లోని సమస్యలను పరిష్కరించడానికి, బయటకు వెళ్లే మార్గం కనుగొనడానికి ప్రయత్నిస్తారు. ఈ క్రమంలో కొంత మంది విధ్యార్థులు దారుణంగా చనిపోతారు. వీళ్ళంతా ర్యాంక్ ల వారీగా చనిపోతుంటారు. గతంలో ఆత్మ హత్య చేసుకున్న విద్యార్థిని దెయ్యంగా మారి వీళ్ళను చంపుతుంటుంది. చివరికి ఈ డెత్ గేమ్ ను విద్యార్థులు ఎలా ఎదుర్కుంటారు ? ఎందుకు విద్యార్థులను ఆ దెయ్యం టార్గెట్ చేస్తోంది ? స్కూల్ నుంచి వీళ్ళు ఎలా బయటపడతారు ? అనే విషయాలు తెలుసుకోవాలి అనుకుంటే, ఈ హారర్ థ్రిల్లర్ సినిమాను మిస్ కాకుండా చూడండి.

అమెజాన్ ప్రైమ్ వీడియో (Amazon Prime Video) లో

ఈ స్లాషర్ హారర్ థ్రిల్లర్ మూవీ పేరు ‘డెత్ బెల్’ (Death Bell). 2008 లో వచ్చిన ఈ కొరియన్ మూవీకి చాంగ్ దర్శకత్వం వహించారు.ఈ స్టోరీ ఒక హైస్కూల్‌లో జరిగే భయంకరమైన సంఘటనల చుట్టూ తిరుగుతుంది. ఇందులో లీ బీమ్-సూ, నామ్ గ్యూ-రీ, కిమ్ బం ముఖ్య పాత్రల్లో నటించారు. అమెజాన్ ప్రైమ్ వీడియో (Amazon Prime Video) లో ఈ మూవీ స్ట్రీమింగ్ అవుతోంది.