OTT Movie : మలయాళ సినిమాలకు మంచి ఫ్యాన్ బేస్ ఉంది. జానర్ తో సంబంధం లేకుండా ఈ భాషలో మూవీ వచ్చిందంటే చాలు మిస్ అవ్వకుండా చూస్తారు ఓటిటి మూవీ లవర్స్. అలా మలయాళ మూవీస్ కోసం చెవి కోసుకునే వారి కోసమే తాజాగా ఓ మూవీ ఓటిటిలోకి అడుగు పెట్టి, దుమ్మురేపుతోంది. మరి ఈ మూవీ ఏ ఓటీటీలో ఉంది? కథ ఏంటి అనే విషయాలను తెలుసుకుందాం పదండి.
హాట్ స్టార్ ఒరిజినల్ గా స్ట్రీమింగ్…
ఈ మలయాళ మ్యూజికల్ డ్రామా పేరు ‘మూన్ వాక్’ (Moonwalk). 1980ల నాటి కేరళ గ్రామీణ నేపథ్యంలో బ్రేక్డాన్స్, మైఖేల్ జాక్సన్ స్ఫూర్తితో రూపొందిన ఒక ఫీల్-గుడ్ కథ. మైఖేల్ జాక్సన్ డాన్స్, స్టైల్తో ప్రేరణ పొందిన యువత జీవితాలను, వారి సవాళ్లను, విజయాలను చూపిస్తుంది. ఈ చిత్రం వినోద్ ఏ.కె. దర్శకత్వంలో, నూతన నటులతో రూపొందింది. ప్రశాంత్ పిళ్ళై సంగీతం ఈ సినిమాకు 80ల నాటి రెట్రో వైబ్ను ఇచ్చింది. ఈ సినిమా జియోహాట్స్టార్ (Jio Hotstar) లో స్ట్రీమింగ్ అవుతోంది.
కథలోకి వెళ్తే…
కథ 1987 లో కేరళలోని తిరువనంతపురం సమీపంలోని ఒక చిన్న గ్రామంలో జరుగుతుంది. జాక్ (అనునాథ్ వీ.పీ.), శిబూ (సిద్ధార్థ్ బాబు), వరుణ్ (రిషి కైనిక్కర), షాజీ (మనోజ్ మోసెస్), సుదీప్ (ప్రేమ్ శంకర్), అరుణ్ (సుజిత్ ప్రభాకర్) కాలేజీ విద్యార్థులు. ప్రీ-డిగ్రీ, డిగ్రీ చదువుతూ, ఒక రోజు స్థానికంగా జరిగిన ఒక డాన్స్ ప్రదర్శనలో “జూమ్ బాయ్స్” అనే గ్రూప్ బ్రేక్డాన్స్ చేయడం చూసి, మైఖేల్ జాక్సన్ “మూన్వాక్” స్టైల్తో స్ఫూర్తి పొందుతారు. ఈ యువకులు వివిధ కులాలు, మతాలు, ఆర్థిక నేపథ్యాల నుంచి వచ్చిన వారైనప్పటికీ, డాన్స్ పట్ల వారి అభిరుచి వారిని ఒకచోట చేరుస్తుంది. వీళ్ళు అంతా కలిసి “మూన్వాకర్స్” అనే సొంత డాన్స్ గ్రూప్ను ఏర్పాటు చేస్తారు.ఈ గ్రూప్ బ్రేక్డాన్స్ నేర్చుకోవడానికి ప్రయత్నిస్తుంది. కానీ వారికి అనేక ఛాలెంజెస్ ఎదురవుతాయి.
స్థానిక సమాజం, ముఖ్యంగా పోలీసులు, వారి ఫ్రిజ్జీ హెయిర్, డిస్కో-స్టైల్ దుస్తులు, “విచిత్రమైన” డాన్స్ను అనుమానంతో చూస్తారు, వారిని గందరగోళం క్రియేట్ చేసే ఆందోళనకారులుగా భావిస్తూ హింసిస్తారు. అది చాలదన్నట్టు జాక్తో సహా కొందరు యువకులు తమ కుటుంబాల నుంచి ఒత్తిడిని ఎదుర్కొంటారు. ఎందుకంటే వారి తల్లిదండ్రులు ఈ “అసాధారణ” డాన్స్ను ఒక సీరియస్ కెరీర్ ఆప్షన్గా ఒప్పుకోరు. శిబూ (సిద్ధార్థ్ బాబు), సుర (సిబి కుట్టప్పన్) వంటి వాళ్ళు తమ ఆర్థిక సమస్యలు, సామాజిక వివక్షను అధిగమించాల్సి ఉంటుంది. ఏదైతేనేం ఎట్టకేలకు మూన్వాకర్స్ ఒక ప్రముఖ డాన్స్ కాంపిటీషన్లో పాల్గొంటారు. మరి ఆ కాంపిటీషన్ లో గెలిచారా? అసలు డ్యాన్స్ రాని ఈ అబ్బాయిలు కాంపిటీషన్ వరకు ఎలా వెళ్లారు? అన్నది స్టోరీ.
Read Also : చుట్టూ చుట్టాలే ఉంటే ఫస్ట్ నైట్ ఎలా ? ఆ పని కోసం రెండు జంటల షాకింగ్ నిర్ణయం
Share
Sravanthi Chokarapu : అబ్బా ఆ నవ్వుకే కుర్రాళ్లు పడిపోరు..భలే ఉంది కదూ..
Chaithra Rai: మళ్లీ తల్లి కాబోతున్న దేవర బ్యూటీ.. వీడియో వైరల్!
