OTT Movie : ఫీల్ గుడ్ సినిమాలను లైక్ చేసే మూవీ లవర్స్ కి, ఓటీటీలో ఒక కన్నడ సినిమా బెస్ట్ ఆప్షన్ గా చెప్పుకోవచ్చు. ఈ స్టోరీ బెంగళూరులో 1960ల కాలంలో జరుగుతుంది. ఒక సాంప్రదాయ కన్నడ బ్రాహ్మణ కుటుంబంలో, ఇంటి పెద్ద దిక్కు మరణం తర్వాత ఈ స్టోరీ మొదలవుతుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …
అమెజాన్ ప్రైమ్ వీడియో (Amazon Prime Video)లో
ఈ ఫ్యామిలీ ఎంటర్టైనర్ సినిమా పేరు ‘ఆచార్ అండ్ కో’ (aachar and co). ఈ మూవీలో సింధు శ్రీనివాస మూర్తి (సుమా), అశోక్ (మధుసూదన్ ఆచార్), సుధా బెలవాడి (సావిత్రి), అనిరుధ్ ఆచార్య, హర్షిల్ కౌశిక్, వంశీధర్ భోగరాజు, సోను వేణుగోపాల్ ప్రధాన పాత్రల్లో నటించారు. ‘ఆచార్ అండ్ కో’జూలై 28, 2023న థియేటర్లలో విడుదలైంది. ప్రస్తుతం అమెజాన్ ప్రైమ్ వీడియో (Amazon Prime Video) లో స్ట్రీమింగ్ అవుతోంది. ఈ సినిమాకి సింధు శ్రీనివాస మూర్తి దర్శకత్వం వహించారు. IMDB లో ఈ సినిమాకి 7.8/10 రేటింగ్ ఉంది.
స్టోరీలోకి వెళితే
ఈ స్టోరీ 1960ల బెంగళూరు జయనగర్‌లో, ఒక సాంప్రదాయ కన్నడ బ్రాహ్మణ కుటుంబం చుట్టూ తిరుగుతుంది. మధుసూదన్ (అశోక్) ఒక పీడబ్ల్యూడీ ఇంజనీర్. తన భార్య సావిత్రి (సుధా బెలవాడి) పది మంది పిల్లలతో కలసి నివసిస్తుంటాడు. ఇందులో ముగ్గురు కొడుకులు, ఏడుగురు కూతుర్లు ఉంటారు. మధుసూదన్ తన కొడుకులు ఇంజనీర్లుగా, కూతుళ్ళు గృహిణులుగా ఉండాలని కోరుకుంటాడు. కూతుళ్ళను చదివించడానికి ఇష్టపడడు. ఇక స్టోరీ సుమా (సింధు శ్రీనివాస మూర్తి) అనే అమ్మాయితో టర్న్ అవుతుంది. ఆమె చదువు మీద శ్రద్ధ పెట్టకపోవడంతో 10వ తరగతిలో ఫెయిల్ అవుతుంది. ఇంతలో మధుసూదన్ చనిపోవడంతో, ఆ కుటుంబం శోకంలో మునిగిపోతుంది. ఆ తర్వాత ఆర్థిక పరిస్థితులతో ఇబ్బంది పడుతుంది.
ఇంట్లో మగవాళ్ళు ఎవరిదారి వాళ్ళు చూసుకోవడంతో, సుమా ఈ కుటుంబ బాధ్యతలను మోయాల్సి వస్తుంది. ఆమె తన ఇంటి పచ్చళ్ళ నైపుణ్యాన్ని ఉపయోగించి ‘ఆచార్ అండ్ కో’ అనే వ్యాపారాన్ని ప్రారంభిస్తుంది. ఇది కుటుంబాన్ని ఆర్థికంగా ఆదుకుంటుంది. ఈ క్రమంలో సుమా ఒక స్వతంత్ర మహిళగా ఎదుగుతుంది. ఆమె తన చెల్లెళ్ళకు విద్యతో పాటు, ఆధునిక జీవనశైలిని ప్రోత్సహిస్తుంది. చివరికి ఈ కుటుంబంలో మగవాళ్ళ పాత్ర ఏంటి ? సుమా తన జీవితంలో ఏం నేర్చుకుంటుంది ? ఈ సినిమా ప్రేక్షకులకు ఇచ్చే సందేశం ఏమిటి ? అనే విషయాలను ఈ సినిమాను చూసి నేర్చుకోండి.
Read Also : గ్రామాన్ని వల్లకాడు చేసే సైకో కిల్లర్.. బొమ్మ మాస్క్ తో అతి కిరాతకంగా హత్యలు… గ్రిప్పింగ్ నరేషన్
Share
Tirumala News: తిరుమల భక్తులకు మరొక కబురు..ఇకపై తక్కువ ధరకే
Banking News: ఖాతాదారులకు బ్యాంకులు శుభవార్త.. పెనాల్టీ భారం తప్పినట్టే
