OTT Movie : అనామకుల పక్కన పడుకుంటేగానీ నిద్ర పట్టని విడ్డూరం… ఇలాంటి ఐడియాలు ఎలా వస్తాయి భయ్యా

OTT Movie : రొమాంటిక్ కామెడీ జానర్ లో వచ్చిన ఒక ఫీల్ గుడ్ ఎంటర్టైనర్ ను, ప్రేక్షకులు చూసేందుకు ఆసక్తిని చూపిస్తున్నారు. ఈ చిత్రంలో ప్రధాన పాత్రల్లో నిజ జీవితంలో భార్యాభర్తలైన ఒడెట్ అనబుల్, మరియు డేవ్ అనబుల్ నటించారు. ఇది సినిమాకు ఒక ప్రత్యేక ఆకర్షణగా నిలుస్తోంది. ఒక ట్రయాంగిల్ లవ్ స్టోరీతో నడిచే ఈ స్టోరీకి, ఆడియన్స్ నుంచి కూడా మంచి రెస్పాన్స్ వచ్చింది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..

ఏ ఓటీటీలో ఉందంటే

‘No Sleep ‘Til Christmas’ 2018 లో వచ్చిన రొమాంటిక్ కామెడీ సినిమా. ఫిల్ ట్రైల్ దర్శకత్వంలో ఇది తెరకెక్కింది. ఇది ఫ్రీఫార్మ్ (Freeform) ఛానెల్ కోసం రూపొందించబడిన ఒక ఒరిజినల్ టెలివిజన్ చిత్రం. ఇందులో ఒడెట్ అనబుల్, డేవ్ అనబుల్ ప్రధాన పాత్రల్లో నటించారు. ఈ సినిమా 2018 డిసెంబర్ 10న యునైటెడ్ స్టేట్స్ లో రిలీజ్ అయింది. ప్రస్తుతం prime video లో ఈ సినిమా అందుబాటులో ఉంది.

కథ లోకి వెళ్తే

లిజ్జీ అనే బిజీ ఈవెంట్ ప్లానర్‌కు దీర్ఘకాలిక నిద్రలేమి సమస్య ఉంటుంది. ఆమె క్రిస్మస్ రోజున పెళ్లి చేసుకోవడానికి సిద్ధంగా ఉంటుంది. ఒక రాత్రి కారు డ్రైవింగ్ చేస్తుండగా, అనుకోకుండా ఆమెకు బిల్లీ అనే బార్టెండర్ తగులుతాడు. అతనికి కూడా నిద్రలేమి సమస్య ఉంటుంది. ఆసుపత్రి పార్కింగ్ స్థలంలో, వీరిద్దరూ ఒకరి పక్కన ఒకరు కూర్చుంటారు. అయితే విచిత్రంగా వీళ్ళకు నిద్ర ముంచుకొస్తుంది. దీంతో వీళ్ళు కలసి ఉన్నప్పుడు మాత్రమే ప్రశాంతంగా నిద్రపోగలరని ఆశ్చర్యంగా తెలుసుకుంటారు. దీంతో
లిజ్జీ తన పెళ్లి నాటికి నిద్రపోయేలా సహాయం చేస్తే, బిల్లీకి బార్ ప్రారంభించడానికి డబ్బు అప్పుగా ఇస్తానని ఒక డీల్ ఇస్తుంది.

Read Also : తాత వల్ల నలిగిపోయే కూతురు, మనవడు… గుండెను పిండేసే రాశి ఫ్యామిలీ ఎంటర్టైనర్

ఈ ఒప్పందం ప్రకారం, వాళ్ళు రహస్యంగా కలిసి నిద్రపోవడం ప్రారంభిస్తారు. ఈ క్రమంలో వాళ్ళ మధ్య సాన్నిహిత్యం పెరిగి, అనుకోకుండా ప్రేమలో పడతారు. ఇది లిజ్జీ పెళ్లి పనులను, ఆమె ప్రస్తుత సంబంధాన్ని, వారి జీవితాలను గందరగోళంలో పడేస్తుంది. ఓ వైపు తన ఫియాన్సీ, మరో వైపు బిల్లీతో వ్యవహారం పీక్ కి వెళ్తుంది. చివరికి ఆమె ఒక్కరినే ఎంచుకునే పరిస్థితి ఏర్పడుతుంది. లిజ్జీ ఎవరిని ఎంచుకుంటుంది ? బిల్లీ వైపే మొగ్గు చూపుతుందా ? ఫియాన్సీ నే పెళ్లి చేసుకుంటుందా ? అనే విషయాలను , ఈ రొమాంటిక్ కామెడీ సినిమాను చూసి తెలుసుకోండి.

Join WhatsApp Channel

Share

• 
• 
• 
• 
• 
•