Survival Slasher Thriller: థ్రిల్లర్ కంటెంట్ ను చూసేందుకు ఎక్కవ ఇంట్రెస్ట్ చూపిస్తుంటారు మూవీ లవర్స్. అయితే కొన్ని సినిమాలు స్లాషర్ కంటెంట్ తో వణుకు పుట్టిస్తుంటాయి. ఈ ఏడాది ఒక స్లాషర్ థ్రిల్లర్ ను చూసి ఆడియన్స్ బాగా వణికిపోయారు. ఇది సర్వైవల్ ఇన్స్టింక్ట్ తో సాగే ఉద్రిక్తమైన థ్రిల్లర్. అడవి అందం నుంచి భయం పుట్టే నరకం వరకు దర్శకుడు అద్భుతంగా చూపించాడు. హారర్ సర్వైవల్ థ్రిల్లర్ ఇష్టపడే వాళ్ళు తప్పక చూడాల్సిన చిత్రం ఇది. ఈ థ్రిల్లర్ సినిమా పేరు Pitfall. చీకటి అడవిలో క్షణం కూడా ఊపిరి ఆగిపోయేలా చేసే ఈ సినిమా మీకు రాత్రి నిద్రపట్టకుండా చేస్తుంది.
స్కాట్, అతని సోదరి యాష్లే మధ్య గతంలో జరిగిన కుటుంబ వివాదాలు, బాధాకరమైన సంఘటనలు వారి సంబంధాన్ని దూరం చేస్తాయి. ఆ గ్యాప్ను తగ్గించుకోవాలని స్కాట్ ఒక ప్లాన్ చేస్తాడు. తమ స్నేహితులతో కలిసి సిటీకి దూరంగా ఉన్న దట్టమైన అడవి ప్రాంతానికి హైకింగ్ ట్రిప్కు వెళ్తారు. అందమైన అడవి, చల్లని గాలులు, రాత్రి క్యాంప్ఫైర్ స్టోరీలు — మొదటి రెండు రోజులు అందరూ సరదాగా గడుపుతారు. స్కాట్-యాష్లే మధ్య కూడా నెమ్మదిగా పాత స్నేహం తిరిగి వస్తున్నట్టు అనిపిస్తుంది.
కానీ మూడవ రోజు అనుకోకుండా ఒక ప్రమాదం జరుగుతుంది. స్కాట్ తన స్నేహితుల నుంచి కొంచెం దూరంగా వెళ్లి దారి తప్పిపోతాడు. దట్టమైన చీకటి, పొరుగు శబ్దాల మధ్య అతను దారి వెతుక్కుంటూ వెళ్తుండగా, అకస్మాత్తుగా 10 అడుగుల లోతైన గుంతలో పడిపోతాడు. ఆ గుంత అడుగున ఉన్న పదునైన ఇనుప స్పైక్స్ అతని కాళ్లలోకి లోతుగా గుచ్చుకుంటాయి. తీవ్రమైన నొప్పి, రక్తపాతం మధ్య స్కాట్ అక్కడే చిక్కుకుపోతాడు. మొదట్లో ఇది జంతువులను పట్టడానికి వేసిన సాధారణ ఉచ్చు అని అనుకుంటాడు. కానీ త్వరలోనే భయంకరమైన నిజం తెలుస్తుంది — ఇది ఒక సైకోపతిక్ హంటర్ మనుషులను వేటాడటానికి పన్నిన ఉచ్చు.
అడవి అంతటా ఆ అదృశ్య వేటగాడు రకరకాల ప్రమాదకరమైన ట్రాప్స్ను అమర్చి ఉంచాడు. స్నేహితులు స్కాట్ కనిపించకపోవడంతో వెతకడం మొదలుపెడతారు. కానీ కిల్లర్ వారి మొబైల్ ఫోన్లను దొంగిలించి, సిగ్నల్ లేకుండా చేసి, బయటి ప్రపంచంతో అన్ని సంబంధాలు తెంచేస్తాడు. ఒక్కొక్కరు ఒక్కొక్క ట్రాప్లో చిక్కుకుని భయంకరమైన మరణాలు ఎదుర్కొంటారు. యాష్లే తన సోదరుడిని కాపాడుకోవాలనే తపనతో, గాయపడిన స్థితిలో కూడా పోరాడుతుంది. స్కాట్ గుంతలో చిక్కుకుని కూడా ధైర్యంతో బయటపడే ప్రయత్నం చేస్తాడు. అడవి రాత్రి చీకటి, వర్షం, జంతువుల శబ్దాలు, కిల్లర్ వేటతో అక్కడ ప్రతి క్షణం ఉత్కంఠభరితంగా ఉంటుంది. కిల్లర్ ఎందుకు ఇలా వేటాడుతున్నాడు? అతని గతం ఏమిటి? అన్నీ కథ ముందుకు సాగుతున్న కొద్దీ బయటపడతాయి. చివరికి స్కాట్, అతని సోదరి యాష్లే ఆ సైకో కల్లర్ ఉచ్చు నుంచి బయట పడ్డారా ? లేక ఆ ఉచ్చులో బలైపోయారా ? అన్నది సినిమా చూసి తెలుసుకోవాల్సిందే.
2026 లో వచ్చిన ఈ హాలీవుడ్ హారర్ సర్వైవల్ థ్రిల్లర్ Pitfall ప్రస్తుతం Amazon Prime Videoలో అందుబాటులో ఉంది. జేమ్స్ కొండెలిక్ దర్శకత్వం వహించిన ఈ చిత్రం తెలుగు డబ్బింగ్ లేకుండా కేవలం ఇంగ్లీష్ భాషలోనే స్ట్రీమ్ అవుతోంది. ప్రైమ్ సబ్స్క్రిప్షన్తో పాటు రెంటల్, బై ఆప్షన్ ద్వారా డిజిటల్ వీడియో ఆన్ డిమాండ్లో చూడవచ్చు. అడవి నేపథ్యంలో సాగే ఈ సినిమా స్లాషర్, సర్వైవల్, హారర్ ఎలిమెంట్స్ను అద్భుతంగా చూపిస్తూ ప్రేక్షకులను ఎడ్జ్ ఆఫ్ ది సీట్లో కూర్చోబెడుతుంది.
Read Also : నరకంలో ఉన్న పేరెంట్స్ కోసం దేవుడితో ఒప్పందం… మెంటలెక్కించే సూపర్ నేచురల్ థ్రిల్లర్
Share
మళ్లీ యుద్ధం తీవ్రరూపం.. బంగారం-వెండి ధరలు భారీగా పతనం, కొన్నాళ్లు ఇదే పరిస్థితి తప్పదా?
Brahmamudi Serial Today Episode July 9th ‘బ్రహ్మముడి’ సీరియల్: అగ్రిమెంట్ పేపర్స్ చింపేసిన నందు 
