Thriller Movie : చాలా కాలం నుంచి మలయాళం సినిమాలు కూడా తెలుగు ప్రేక్షకులను ఆకర్షిస్తున్నాయి. అలాంటి ఒక లేటెస్ట్ క్రైమ్ మిస్టరీ థ్రిల్లరే “Dridam”. జూన్ 5న అమెజాన్ జియో హాట్ స్టార్ (JioHotstar) లో రిలీజ్ అయిన ఈ సినిమా ప్రస్తుతం బాగా ట్రెండ్ అవుతోంది. కొత్త పోస్టింగ్ వచ్చిన ఒక పోలీస్ ఆఫీసర్ కు ఎలాంటి సమస్యలు వచ్చాయి ? అసలు ఎక్స్పీరియన్స్ లేని ఆ ఎస్ఐ అస్సలు క్రైమ్ లేని ఊర్లో పోస్టింగ్ వస్తే, ఆ తరువాత వరుసగా వచ్చి ఉక్కిరిబిక్కిరి చేసిన కేసులను ఎలా హ్యాండిల్ చేశాడు ? అన్నది మూవీ స్టోరీ లైన్.
చిన్నప్పటి నుంచి పోలీస్ అధికారి కావాలని కలలు కంటాడు మన హీరో విజయ్ రాధాకృష్ణన్ (షేన్ నిగం). ఈ హ్యాండ్ సమ్ పోలీస్ తన మొదటి పోస్టింగ్ గా ఒక ప్రశాంతమైన హిల్ స్టేషన్ కు వెళతాడు. ఆ ప్రాంతం ఎప్పుడూ శాంతియుతంగా, చిన్న చిన్న సమస్యలు తప్ప పెద్దగా కేసులు లేని ప్రదేశం. విజయ్కు ఇది ఒక రిలాక్స్ పోస్టింగ్ లా అనిపిస్తుంది. కానీ అతను బాధ్యతలు చేపట్టిన కొద్ది రోజుల్లోనే పరిస్థితి పూర్తిగా విచిత్రంగా మారిపోతుంది. ఆ ఊర్లో ఒక భయంకరమైన హత్య జరుగుతుంది. ఒక కుక్క శవం చేతిని పట్టుకుని ఊర్లోకి రావడంతో మొదలవుతాయి సమస్యలు.
హత్య కేసును ఇన్వెస్టిగేట్ చేస్తుండగానే, ఆ తర్వాత మరో దొంగతనం, మరో హత్య… ఒక్కొక్కటి ఒక్కొక్క రకంగా ఉంటాయి. ఊరంతా భయంతో కంపిస్తుంది. ప్రజలు, మీడియా, ఉన్నతాధికారులు… అందరూ విజయ్ మీద ఒత్తిడి పెంచుతారు. “పోలీస్ అడుగు పెట్టిన వేళా విశేషం అలా ఉంటుంది మరి. పై అధికరులు ఒక్క వారంలోపు కేసు పరిష్కరించాలి అని డెడ్లైన్ విధిస్తారు. విజయ్ తన మొదటి పోస్టింగ్ లోనే ఇంత పెద్ద ఛాలెంజ్ ను ఎదుర్కోవాల్సి వస్తుంది. అతను దర్యాప్తు చేస్తుండగా ఊరి గతం గురించి రహస్యాలు ఒక్కొక్కటిగా బయట పడతాయి. ఇంకేముంది ఆ కేసులకు పాత పగలు, స్థానిక రాజకీయాలు వంటివన్నీ ముడిపడి ఉంటాయి.
హీరో షేన్ నిగం రోకీ కాప్ పాత్రలో చాలా నేచురల్ గా నటించాడు మొదట్లో పాత్రల ఇంట్రడక్షన్ తో కాస్త ల్యాగ్ అనిపించినా, నెమ్మదిగా కథ ఊపందుకుంటుంది. కొడగు స్టైల్ హిల్ స్టేషన్ లొకేషన్లు చూడడానికి బాగుంటాయి. సస్పెన్స్, ట్విస్టులు, ఎమోషన్ వంటివి కావలసినన్ని ఉన్నాయి. దృశ్యం డైరెక్టర్ జీతు జోసెఫ్ ప్రెజెంట్ చేసిన సినిమా ఇది. ఇక IMDbలో దీనికి 9.2 రేటింగ్ ఉండడం మరో విశేషం. ప్రస్తుతం ఈ మూవీ జియో హాట్ స్టార్ లో స్ట్రీమింగ్ అవుతోంది. సస్పెన్స్ థ్రిల్లర్ సినిమాలను ఇష్టపడే వారు డోంట్ మిస్.
Read Also : మెంటల్ హాస్పిటల్ నుంచి తిరిగొచ్చే అక్కా చెల్లెల్లు… మెంటలెక్కించే కొరియన్ సైకలాజికల్ థ్రిల్లర్
Share
ఆమెను తాకితే షాక్ కొడుతోంది.. తిరువీర్ 'ఓ సుకుమారి' టీజర్ ట్విస్ట్ చూశారా?
Miss Universe: తళుక్కుమన్న మిస్ యూనివర్స్ తెలంగాణ.. నేషనల్ లెవెల్కు ఇద్దరు ఎంపిక..!
