Legal thriller : టీచర్లపై దాడులు అనే అంశం ఇటీవల కాలంలో హాట్ టాపిక్ గా మారిన సంగతి తెలిసిందే. ఓ స్కూల్ లో టీచర్ ను టీనేజ్ పిల్లాడు కొట్టిన వీడియో రచ్చ రచ్చ అయ్యింది. దీంతో ఇలా దారిలో పెట్టే టీచర్ ను పిల్లలు కొట్టడం ఎంత వరకు కరెక్ట్ అనే చర్చ మొదలైంది. దాదాపు ఇలాంటి కథతోనే తెరకెక్కిన ఓ హిందీ మూవీ ఈరోజు మన మూవీ సజెషన్. 2026 ఫిబ్రవరి 20న థియేటర్లలో విడుదలైన చిత్రం ‘అస్సి’ (Assi). సామాజిక అంశాలపై బలమైన చిత్రాలు తీసే దర్శకుడు అనుభవ్ సిన్హా ఈ సినిమాను తెరకెక్కించారు. తాప్సీ పన్ను, కని కుసృతి, మొహమ్మద్ జీషాన్ అయ్యూబ్, కుముద్ మిశ్రా, మనోజ్ పహ్వా, రేవతి, నసీరుద్దీన్ షా వంటి భారీ తారాగణం నటించిన ఈ చిత్రం లైంగిక హింస, చట్టంలోని లోపాలు, న్యాయ వ్యవస్థలపై ధైర్యంగా ప్రశ్నలు లేవనెత్తుతుంది. మరి ఈ మూవీ స్టోరీ ఏంటి ? సినిమాను ఏ ఓటీటీలో చూడవచ్చు ? అనే విషయాలపై ఒక లుక్కేద్దాం పదండి.
పరిమ్ (కని కుసృతి) ఒక స్కూల్ లో టీచర్ గా పని చేస్తుంది. భర్త వినయ్ (జీషాన్ అయ్యూబ్), కొడుకు ధ్రువ్ తో సంతోషంగా ఢిల్లీలో జీవితం సాగిస్తుంటుంది. ఒక రోజు రాత్రి స్కూల్ ఫంక్షన్ ముగించుకుని ఆలస్యంగా ఇంటికి వస్తుండగా, ఐదుగురు అపరిచితులు ఆమెను కార్ లోకి బలవంతంగా లాక్కెళ్లి, ఘోరంగా సామూహికంగా అఘాయిత్యం చేస్తారు. ఆ తరువాత రైల్వే ట్రాక్పై వదిలేసి వెళ్తారు. దీంతో ఆమె కేసు పెడుతుంది. అందులో భాగంగా ఇన్వెస్టిగేషన్ స్టార్ట్ చేసిన పోలీసులు నిందితులను అరెస్ట్ చేస్తారు.
బాధితురాలి తరఫున లాయర్ రవీ (తాప్సీ పన్ను) కోర్టులో కేసు వాదిస్తుంది. నిందితుల తరఫు లాయర్ నవరతన్ (కుముద్ మిశ్రా) తన కుట్రలతో సాక్ష్యాలను తారుమారు చేస్తాడు. మెడికల్ రిపోర్టులు ట్యాంపర్ అవడం, దర్యాప్తులో లోపాల వల్ల నిందితులకు బెయిల్ వస్తుంది. చట్టం ముందు న్యాయం ఓడిపోవడం చూసి పరిమ్ కుటుంబం ఆవేదనకు గురవుతుంది. చట్టం నిందితులను శిక్షించలేకపోవడంతో ఒక అజ్ఞాత వ్యక్తి ‘ఛత్రి మ్యాన్’ (గొడుగు మనిషి)గా అవతరిస్తాడు.
తల నరికి, చేతిలో గొడుగు పట్టుకుని తిరిగే ఈ వ్యక్తి నిందితులను ఒక్కొక్కరిగా క్రూరంగా చంపడం మొదలుపెడతాడు. ప్రజలు అతన్ని హీరోలా ఆరాధిస్తారు. ఒకవైపు లాయర్ రవీ చట్టపరంగా న్యాయం కోసం పోరాడుతుంటే, మరోవైపు ఛత్రి మ్యాన్ సమాంతర న్యాయాన్ని అమలు చేస్తుంటాడు. ఈ ప్రతీకార హత్యల వల్ల సమాజంలో క్రైమ్ రేటు పెరుగుతుందని రవీ ఆందోళన చెందుతుంది. చివరకు కోర్టు ఏ తీర్పు ఇస్తుంది ? ఛత్రి మ్యాన్ అసలు ఉద్దేశం ఏమిటి ? అసలు అతనెవరు ? అనే ప్రశ్నలకు సమాధానం కావాలంటే ఈ సినిమాను వీక్షించాల్సిందే.
‘అస్సి’ కేవలం కోర్ట్ రూమ్ డ్రామా కాదు… న్యాయపోరాటం, న్యాయ వ్యవస్థ లోపాలు, ప్రతీకారం, సమాజ నైతికతపై ఆలోచింపజేసే ప్రశ్నలు లేవనెత్తుతుంది. తాప్సీ పన్ను లాయర్ రవీగా, కని కుసృతి బాధితురాలిగా, నసీరుద్దీన్ షా, రేవతి వంటి సీనియర్ నటులు తమ నటనతో ఈ చిత్రానికి బలం చేకూర్చారు. ఈ చిత్రం ప్రస్తుతం ZEE5లో స్ట్రీమింగ్ అవుతోంది. Airtel Xstream Playలో కూడా ఈ మూవీ అందుబాటులో ఉంది.
Read Also : జూన్ 15 నుండి 21 వరకు… ఈ వీకెండ్ రిలీజ్ కానున్న సస్పెన్స్-కామెడీ సినిమాలు, సిరీస్ లు
Share
రైతన్న మెడపై కాంగ్రెస్ కత్తి.. హరీశ్ రావు సంచలన వ్యాఖ్యలు!
Karthika Deepam 2 Serial Today Episode June 17th ‘కార్తీక దీపం 2’ సీరియల్: జ్యోత్స్నకు చుక్కలు చూపిస్తున్న సూరజ్ 
