Horror Movie : హారర్ సినిమాలు చాలా వస్తుంటాయి. కానీ నిజంగా భయపెట్టే సినిమాలు మాత్రం చాలా అరుదుగా ఉంటాయి. ఇప్పుడు మనం చెపుకోబోయే సినిమా అలాంటిదే. భయంతో ప్రేక్షకుడిని వణికించే సినిమాలు మీకు ఇష్టమైతే ‘The Dark and the Wicked’ మీకోసమే. 2020లో విడుదలైన ఈ అమెరికన్ సూపర్నేచురల్ సైకాలజికల్ హారర్ చిత్రానికి బ్రయాన్ బెర్టినో దర్శకత్వం వహించారు. మారిన్ ఐర్లాండ్, మైకేల్ అబాట్ జూనియర్, జాండర్ బెర్క్లీ ప్రధాన పాత్రల్లో నటించారు. విమర్శకుల నుంచి అద్భుతమైన ప్రశంసలు అందుకున్న ఈ సినిమాకు Rotten Tomatoesలో 91% క్రిటిక్స్ స్కోర్ లభించింది.
The Dark and the Wicked 2020లో విడుదలైంది. ప్రస్తుతం భారత్లో ఏ ఓటీటీ ప్లాట్ఫామ్లోనూ స్ట్రీమింగ్ కావడం లేదు. అయితే కొన్ని దేశాల్లో AMC+, Prime Video వంటి ప్లాట్ఫామ్లలో అందుబాటులో ఉంది. భవిష్యత్తులో భారతీయ ఓటీటీల్లో విడుదలయ్యే అవకాశం ఉంది. మీరు దీనిని Google Play Store ద్వారా డిజిటల్గా అద్దెకు తీసుకోవచ్చు లేదా కొనుగోలు చేసి చూడవచ్చు.
టెక్సాస్లోని ఒక మారుమూల గొర్రెల ఫామ్హౌస్లో ఉండే ఒక వృద్ధుడు చావుబతుకుల మధ్య మంచాన పడతాడు. అతని పరిస్థితి విషమించడంతో, నగరంలో ఉండే అతని కూతురు లూయిస్, కొడుకు మైఖేల్ తమ తల్లికి తోడుగా ఉండటానికి ఇంటికి వస్తారు. అయితే, అక్కడికి రాగానే వారికి వాతావరణం చాలా వింతగా, భయానకంగా అనిపిస్తుంది. వారి తల్లి (వర్జీనియా) వారిని అక్కడికి రావద్దని, వెంటనే వెళ్ళిపోమని చెప్తుంది. ఆమె మానసిక స్థితి సరిగ్గా లేదని వారు భావిస్తారు.
పిల్లలు వచ్చిన మొదటి రోజే, ఆ ఇంట్లో ఏదో కంటికి కనిపించని దుష్టశక్తి ఉన్నట్లు వారికి అర్థమవుతుంది. ఆ రాత్రి తల్లి ఇంట్లో ఎవరూ ఊహించని విధంగా ఆత్మహత్య చేసుకుంటుంది. తల్లి చనిపోయాక, కోమాలో ఉన్న తండ్రిని చూసుకుంటూ ఆ తోబుట్టువులు ఇద్దరూ ఆ ఇంట్లోనే ఉండిపోతారు. ఆ సమయం నుండి ఆ దుష్టశక్తి వీరిని మానసికంగా పీడించడం మొదలుపెడుతుంది. చివరికి వాళ్ళు ఆ దుష్ట శక్తి నుంచి బయట పడతారా ? అది ఎందుకు వీళ్ళను వెంటాడుతోంది ? అనే విషయాలతో కథ వణుకు పుట్టిస్తుంది.
Read Also : లెజెండరీ డైరెక్టర్ భారతీరాజా తెలుగు సినిమాలు… ఏ ఓటీటీలో ఉన్నాయంటే
Share
ఇదెక్కడి మాస్ డాన్స్ రా మామ...మనోళ్ల ర్యాగింగ్ చూస్తే ఫాతిమా ఉరేసుకోవడం గ్యారెంటీ
అంపైర్ల ముందే తన్నుకున్న ప్లేయర్లు...ఆగిపోయిన ఇండియా, పాక్ మ్యాచ్ !
