Horror Thriller Movie: భర్త చనిపోయిన తర్వాత ఇద్దరు పిల్లలతో ఒంటరిగా జీవించాల్సి వస్తుంది ఓ తల్లికి. ఇప్పటికే జీవితమే భారంగా ఉన్న సమయంలో ఆమె ఇంటి బయట ఓ గుర్తుతెలియని మహిళ కనిపిస్తుంది. ఆమె కదలకుండా కూర్చుంటుంది. దగ్గరికి రావడానికి ప్రయత్నించిన కొద్దీ పరిస్థితి మరింత భయంకరంగా మారుతుంది. ఆమె ఎవరు, అక్కడికి ఎందుకు వచ్చింది ? అనే విషయం కంటే… ఆ మహిళ కనిపించిన తర్వాత ఇంట్లో జరుగుతున్న మార్పులే కుటుంబాన్ని వణికిస్తాయి. క్రమంగా ఇది బయట ఉన్న ప్రమాదం కాదని, ఆ ఇంట్లోని విషాదంతో ముడిపడి ఉన్నదని అర్థమవుతుంది. ఇదే స్టోరీతో రూపొందిన మూవీ ‘ది వుమన్ ఇన్ ది యార్డ్’ (The Woman in the Yard). మరి ఈ సినిమాను ఎక్కడ చూడవచ్చో తెలుసుకుందాం పదండి.
రమోనా భర్త మరణించిన తర్వాత ఇద్దరు పిల్లలు టేలర్, అన్నీతో కలిసి ఇంట్లో ఉంటుంది. భర్తను కోల్పోయిన బాధ నుంచి పూర్తిగా బయటపడక ముందే పిల్లల బాధ్యత ఆమెపై పడుతుంది. ఆ పరిస్థితుల్లోనే ఇంటి బయట ఓ నల్లటి దుస్తులు ధరించిన, ముఖం స్పష్టంగా కనిపించని మహిళ కూర్చుని ఉండటం గమనిస్తుంది. ఓ రకంగా చెప్పాలంటే బురఖా వేసుకుని కూర్చుంటుంది. మొదట ఆమెను సాధారణంగా పట్టించుకోకపోయినా, ఆ మహిళ అక్కడి నుంచి వెళ్లకుండా ఉండటం రమోనాలో భయాన్ని పెంచుతుంది.
ఆమెతో మాట్లాడే ప్రయత్నం చేసినా సమాధానాలు సాధారణంగా ఉండవు. ఆ మహిళ పలికే మాటల్లో ఏదో హెచ్చరిక దాగి ఉన్నట్లు అనిపిస్తుంది. ముఖ్యంగా ఆమె ఇంటి వైపు కదులుతున్న కొద్దీ రమోనాకు ఏం జరుగుతుందో అర్థం కాకుండా పోతుంది. పిల్లలను ఆమె నుంచి దూరంగా ఉంచేందుకు రమోనా ప్రయత్నిస్తుంది. కానీ ఇంట్లోనే కొన్ని వింత సంఘటనలు మొదలవుతాయి. రమోనా గతం, భర్త మరణం, తన మానసిక స్థితి, ఇంటి చుట్టూ కనిపిస్తున్న ఆ మహిళ మధ్య సంబంధం ఏమిటనేది కథలో కీలకంగా మారుతుంది.
బయట కనిపిస్తున్న భయం నిజంగానే అతీంద్రియ శక్తికి సంబంధించినదా ?, లేక రమోనా అనుభవిస్తున్న మరో వాస్తవానికి ప్రతిబింబమా ? అనే అనుమానం కూడా కలుగుతుంది. పిల్లలను కాపాడుకోవాలనే తల్లి పోరాటం, తనకు ఎదురవుతున్న వింత అనుభవాల మధ్య కథ ముందుకు సాగుతుంది. ఆ మహిళ దగ్గర పడుతున్న కొద్దీ రమోనా కుటుంబం సురక్షితమైన ఇంట్లో ఉన్నామనే నమ్మకాన్ని కోల్పోతుంది. ఇంటి తలుపులు, బయట ప్రదేశం, రాత్రి సమయం అన్నీ భయాన్ని పెంచే అంశాలుగా మారతాయి. చివరకు ఆ మహిళ వెనుక ఉన్న రహస్యం బయట పడుతుందా ? చివరికి ఆ కుటుంబాన్ని ఆ దెయ్యం ఏం చేసింది ? అన్నది సినిమాలో చూడాల్సిందే.
డేనియల్ డెడ్వైలర్ (Danielle Deadwyler), ఓక్వి ఓక్పోక్వాసిలి (Okwui Okpokwasili), రస్సెల్ హార్న్స్బీ (Russell Hornsby) నటించిన ఈ సినిమాకు జౌమ్ కొలెట్ – సెర్రా (Jaume Collet-Serra) దర్శకత్వం వహించారు. ఇది JioHotstarలో స్ట్రీమింగ్ అవుతోంది. ఇంగ్లీష్, హిందీ ఆడియోలు అందుబాటులో ఉన్నాయి. తెలుగు డబ్బింగ్ అందుబాటులో లేదు.
Read Also: పాడుబడిన భవంతిలో దెయ్యం… భయంతో పాటు కడుపుబ్బా నవ్వించే హారర్ కామెడీ
Share
చంద్రబాబు విదేశీ పర్యటనలపై.. లక్ష్మీపార్వతి సంచలన వ్యాఖ్యలు!
నలుపు vs నీలం సోలార్ ప్యానెళ్లు.. ఏది ఎక్కువ కరెంట్ ఇస్తుంది? మీ ఇంటికి ఏది బెస్ట్?
