British Horror Movie: చిన్నప్పుడు మనం ప్రేమగా చూసిన పినోచియోనే ఒక రక్తపాత హారర్ విలన్ గా మారితే ? మనిషిగా మారాలని కోరుకున్న చెక్క బొమ్మ… అదే కోరికతో మనుషుల శరీర భాగాలనే తనకు అమర్చుకుంటే ? పైగా తనకు నచ్చని వాళ్లను ఒక్కొక్కరినీ దారుణంగా చంపడం మొదలుపెడితే పరిస్థితి ఎలా ఉంటుంది ? పినోచియో కథను పూర్తిగా డార్క్ హారర్, స్లాషర్ మూవీగా మార్చిన ‘పినోచియో అన్స్ట్రంగ్’ (Pinocchio Unstrung) ఇలాంటి భయానక ఆలోచనతోనే తెరకెక్కింది. మరి ఈ సినిమా ఎక్కడ స్ట్రీమింగ్ అవుతుంది ? తెలుగులో చూడొచ్చా ? అన్నది ఇప్పుడు తెలుసుకుందాం పదండి.
జేమ్స్ అనే 14 ఏళ్ల బాలుడు రోడ్డు ప్రమాదంలో తల్లిదండ్రులను కోల్పోతాడు. ఆ విషాదం నుంచి బయటపడకముందే అతని బెస్ట్ ఫ్రెండ్ కూడా క్యాన్సర్ తో చనిపోతాడు. దీంతో పూర్తిగా ఒంటరిగా మారిన జేమ్స్ ను లండన్ లోని తన తాత గెప్పెట్టో దగ్గరకు పంపిస్తారు. అయితే సాధారణ కార్పెంటర్ గా కనిపించే గెప్పెట్టో వెనుక మరో రహస్యం ఉంటుంది. అతను వింత ప్రయోగాలు చేసే సైంటిస్ట్. మనవడి బాధను చూసి జేమ్స్ కు తోడుగా ఉండేందుకు గెప్పెట్టో ఓ ప్రాణమున్న చెక్క బొమ్మను తయారు చేస్తాడు. దానికి పినోచియో అని పేరు పెడతాడు. అయితే ఆ బొమ్మను ఇంటి బయటకు ఎప్పుడూ తీసుకెళ్లకూడదని జేమ్స్ కు గట్టిగా చెబుతాడు. కానీ ఆసక్తితో జేమ్స్ పినోచియోను స్కూల్ కు తీసుకెళ్తాడు.
అక్కడ జేమ్స్ ను కొంతమంది విద్యార్థులు వేధించడం పినోచియో చూస్తాడు. మనుషుల్లోని క్రూరత్వాన్ని గమనిస్తున్న కొద్దీ అతని ఆలోచనల్లో మార్పు మొదలవుతుంది. దీనికి తోడు ఓ దుష్టమైన క్రికెట్ పినోచియోను మరింత తప్పుదోవ పట్టిస్తుంది. జేమ్స్ కు హాని చేసే వాళ్లందరినీ అంతం చేయాలనే నిర్ణయానికి వస్తాడు. అక్కడి నుంచి మొదలయ్యేది అసలు రక్తపాతం. పినోచియో ఒక్కొక్కరినీ దారుణంగా చంపుతూ వెళ్తాడు. అంతేకాదు తాను కూడా నిజమైన మనిషిలా మారాలనే కోరికతో చనిపోయిన వారి శరీర భాగాలను సేకరించి తన చెక్క శరీరానికి అమర్చుకోవడం మొదలుపెడతాడు.
స్కూల్ తో పాటు ఇతర ప్రాంతాల్లోనూ అతని హత్యలు భయానకంగా మారతాయి. క్లైమాక్స్ లో గెప్పెట్టో దాచిన అసలు రహస్యం బయట పడుతుంది. పినోచియో తయారీలో జేమ్స్ చనిపోయిన స్నేహితుడి శరీర భాగాలను కూడా ఉపయోగించాడనే విషయం తెలుస్తుంది. అసలు పినోచియోను ఆపగలరా ? జేమ్స్, గెప్పెట్టో ఏం చేశారు ? అనేది సినిమా చూసి తెలుసుకోవాల్సిందే.
‘పినోచియో అన్స్ట్రంగ్’ హారర్, స్లాషర్ జానర్ లో రూపొందిన బ్రిటిష్ ఇండిపెండెంట్ సినిమా. Rhys Frake-Waterfield దర్శకత్వం వహించారు. Richard Brake గెప్పెట్టోగా, Cameron Bell జేమ్స్గా నటించగా, Robert Englund క్రికెట్కు వాయిస్ అందించారు. చిన్ననాటి ఫేమస్ పాత్రలను భయానక విలన్లుగా మార్చే Twisted Childhood Universeలో ఇది భాగం. ప్రస్తుతం ‘అమెజాన్ ప్రైమ్ వీడియో’ (Amazon Prime Video)లో అందుబాటులో ఉంది. సాధారణ పినోచియో కథను మర్చిపోయి పూర్తిగా రక్తపాతంతో కూడిన హారర్ చూడాలనుకునే వాళ్లకు ఈ సినిమా ఓ డిఫరెంట్ ఎక్స్పీరియన్స్.
Read Also: విలన్తో అమాయకపు అమ్మాయి బాడీ స్వ్యాప్… భయపెట్టే కామెడీ రోలర్కోస్టర్ రైడ్
Share
80ల్లో సైకిల్ ఉంటే అదో గొప్ప.. అప్పటి నిబ్బాలు చేసే విన్యాసాలకు నిబ్బీలు ఫిదా!
ఆండ్రాయిడ్ యూజర్లకు గుడ్ న్యూస్.. ఇక Passkeysను ఇలా ఈజీగా ట్రాన్స్ఫర్ చేయొచ్చు!
