Emotional English Drama: జైలు నుంచి బయటకు వచ్చాక ఎవరైనా ముందుగా ఇంటికి వెళ్లాలనే కోరుకుంటారు. కానీ ఓ యువకుడి ముందున్న దారి ఇంటికి వెళ్లడం కాదు. డ్రగ్ రిహాబిలిటేషన్ ప్రోగ్రామ్‌ లోకి వెళ్లడం. అక్కడ అతడికి ఎదురయ్యేది తనలాంటి సమస్యలతో పోరాడుతున్న తమ్ముడే. మత్తు పదార్థాల నుంచి బయటపడేందుకు ఇద్దరు అన్నదమ్ములు కలిసి చేసే పోరాటమే ‘యూనియన్ కౌంటీ’ (Union County). మరి ఈ ఇంగ్షీషు మూవీని ఏ ఓటీటీలో చూడవచ్చు ? అన్నది తెలియాలంటే ముందు కథలోకి వెళ్దాం పదండి.
కోడి పార్సన్స్ మాదకద్రవ్యాల సమస్యతో తీవ్రంగా ఇబ్బందులు పడుతున్న వ్యక్తి. కోర్టు ఆదేశాలతో అతడు డ్రగ్ రిహాబిలిటేషన్ ప్రోగ్రామ్‌ లో చేరాల్సి వస్తుంది. ఒహియోలో ఓపియాయిడ్ సంక్షోభం తీవ్రంగా ఉన్న ప్రాంతంలో ఈ కార్యక్రమం జరుగుతుంది. కోడి పార్సన్స్ కి అక్కడ కొత్త జీవితాన్ని ప్రారంభించే అవకాశం దొరుకుతుంది. అదే సమయంలో అతడి జీవితంలో మరో కీలకమైన వ్యక్తి కూడా అదే ప్రోగ్రామ్‌ లో ఉంటాడు. అతనెవరో కాదు సోదరుడు జాక్. ఇద్దరి మధ్య రక్త సంబంధం కంటే బలమైన అనుబంధం ఉన్నప్పటికీ, డ్రగ్స్ వాళ్ల జీవితాలను తీవ్రంగా దెబ్బతీస్తాయి.
కోడి గతంలో జాక్ కు హెరాయిన్ పరిచయం చేసినందుకు బాధ పడుతూ ఉంటాడు. ఆ విషయం అతడిలో అపరాధ భావనను మరింత పెంచుతుంది. రిహాబ్ లోకి వచ్చిన తర్వాత వీళ్లిద్దరికీ తమ గతాన్ని ఎదుర్కోవాల్సి వస్తుంది. డ్రగ్స్ వల్ల కోల్పోయిన కుటుంబ బంధాలు, నమ్మకం, వ్యక్తిగత జీవితాన్ని తిరిగి సంపాదించుకోవడం అంత సులభం కాదు. కౌన్సిలర్ యానెట్ సహాయంతో ఇద్దరూ తమ సమస్యలను అర్థం చేసుకోవడానికి, వాటి నుంచి బయటపడటానికి ప్రయత్నిస్తారు. ఇక్కడ జరిగే సమావేశాలు, ఇతర రిహాబ్ సభ్యులతో ఏర్పడే పరిచయాలు, తమ గతాన్ని బయట పెట్టాల్సిన పరిస్థితులు కోడి, జాక్ ఇద్దరికీ కొత్త అనుభవాన్ని ఇస్తాయి.
క్రమంగా వాళ్లు తమ తప్పులను అంగీకరించడం మొదలుపెడతారు. కుటుంబాన్ని తిరిగి సంపాదించుకోవాలంటే ముందుగా తమ జీవితాలను మార్చుకోవాల్సిందేనని అర్థం చేసుకుంటారు. అయితే మత్తు నుంచి బయటపడటం అంత సులభం కాదు. పాత అలవాట్లు, గత జ్ఞాపకాలు, కుటుంబంతో దెబ్బతిన్న సంబంధాలు పదేపదే వాళ్లను వెనక్కి లాగుతుంటాయి. మరి కోడి, జాక్ నిజంగా ఆ కష్టం నుంచి బయటపడగలిగారా ? గతంలో చేసిన తప్పుల ప్రభావం నుంచి బయటపడి కుటుంబాన్ని తిరిగి పొందగలిగారా ? వాళ్ల రిహాబ్ ప్రయాణం చివరకు ఎలాంటి మార్పుకు దారి తీసిందనేదే సినిమా అసలు కథ.
విల్ పౌల్టర్, నోహ్ సెంటినియో, ఎలిస్ కిబ్లర్ తదితరులు నటించిన ఈ ఇంగ్లిష్ డ్రామాకు ఆడమ్ మీక్స్ దర్శకత్వం వహించారు. ‘యూనియన్ కౌంటీ’ 2026లోనే విడుదలైంది. అక్టోబర్ 2 నుంచి Amazon Prime Videoలో స్ట్రీమింగ్ అవుతోంది. అయితే ఈ సినిమా ఇంగ్షీషులోనే ఉంది.
Share
నంది ఫిల్మ్ అవార్డుల పునరుద్ధరణ.. హర్షం వ్యక్తం చేసిన ఫిలిం ప్రొడ్యూసర్ కౌన్సిల్ !
రూ.5,999కే వాషింగ్ మెషీన్..ఆఫర్ అంటే ఇలా ఉండాలి!
