అడ్మినిస్ట్రేష‌న్ అంటేనే చంద్ర‌బాబు. ఇందులో ఆయనకు మించిన ఘ‌నులు లేరు. ఆయ‌న‌ను క‌నీసం ట‌చ్ చేసే నేత‌లు కూడా లేర‌నే చెప్పాలి. ఆయ‌న మంచి వ‌క్త కాక‌పోవ‌చ్చు. అనర్గ‌ళంగా ఇంగ్లీషు మాట్లాడ‌లేక‌పోవ‌చ్చు. ధారాళంగా ప్రాస‌లు కూడా ప‌ల‌క‌క‌పోవ‌చ్చు. కానీ త‌న అపార రాజ‌కీయ అనుభ‌వంలో ఆయ‌న మొద‌టి నుంచి స‌క్సెస్‌గా అమ‌లు చేస్తూ వ‌స్తున్న‌ది అడ్మినిస్ట్రేష‌న్‌నే.
ఈ విష‌యం పార్టీల‌క‌తీతంగా అంతా ఒప్పుకుంటారు. చంద్ర‌బాబు అంటే ప‌డ‌ని వాళ్లు కూడా ఈ విష‌యంలో మాత్రం త‌ల ఊపుతారు. బ‌ల‌వంతంగానైనా. ఇప్పుడాయ‌న‌కు 76 ఏళ్లు. నిన్న జ‌రిగిన యోగా డే.. మ‌రోసారి చంద్ర‌బాబు ఆరోగ్యాన్ని, అత‌ని క‌మిట్‌మెంట్‌ను చూపెట్టింది. కుర్రాడ్ని చేసింది. కొడుకు లోకేష్ కూడా తండ్రిని ఫాలో కాలేక‌పోయాడు. బాబా రాందేవ్‌తో స‌రి స‌మానంగా, దాదాపు అన్ని ఆస‌నాల‌ను సునాయ‌సంగా చేస్తూ అందులో లీన‌మైపోయాడు.
ఆ వీడియోలు చూసిన ఎవ‌రికైనా అర్థ‌మైపోతుంది.. ఆయనకు ఈ ఆస‌నాలు కొత్త కాద‌ని, ఆరోగ్యం కాపాడుకోవడం నిత్య‌కృత్య‌మ‌ని. వ‌య‌స్సు మీద ప‌డుతున్నా.. య‌వ్వ‌నంగా ఆయ‌న ఎందుకు క‌నిపిస్తున్నాడోనని. సోష‌ల్ మీడియాలో బాబుగారి యోగాస‌నాలు చూసిన ప్ర‌తి ఒక్క‌రూ.. అరే.. ఎంత చ‌క్కగా చేస్తున్నారా? ఈయ‌న వ‌య‌సెంత ఇప్పుడు..? అని స‌ర్చింగ్ చేసి మ‌రీ తెలుసుకుని, త‌మ వ‌య‌స్సుతో బేరీజు వేసుకుని, త‌మ‌ను ఆయ‌న‌తో పోల్చి చూసుకుని.. అచ్చెరువొంది, హ్యాట్సాఫ్ అని కితాబిచ్చారంతా.
కొన్ని కొన్ని అలా క‌లిసొస్తాయి. కొంద‌రికి కొన్ని ప్ర‌త్యేక‌త‌లు అలా అంద‌రికీ భిన్నంగా నిలుపుతాయి. అంద‌రిలో త‌మకంటూ ఓ స్పెషాలిటీని ఆపాదిస్తాయి. అలాంటి ప్ల‌స్ పాయింట్స్‌ల‌లో బాబు త‌న ఆరోగ్యాన్ని కాపాడుకోవడం. నిత్య య‌వ్వ‌నంగా ఉండేందుకు క‌ఠిన ఆరోగ్య నియ‌మాలు పాటించ‌డం… దీనికి తోడు పాల‌న‌లో త‌న‌దైన అడ్మినిస్ట్రేష‌న్ మార్కును కాపాడుకోవడం..!
ఇప్ప‌టికీ చెప్పుకుంటారు.. బాబు గురించి.. చాలా మారాడు… అని! అంటే ఎంత అనుభ‌వం ఉన్నా.. ప‌రిపాల‌న‌లో సినియారిటీ ఉన్నా..త‌మ‌లోని లోపాల‌ను కూడా తెలుసుకుని ముందుకు సాగ‌డ‌మే రాజ‌కీయ నాయ‌కుడి ల‌క్ష‌ణ‌మ‌ని ఆయ‌న జీవితాన్ని చూస్తే ఇట్టే అర్థ‌మ‌వుతుంది. చిన్న వారికి కూడా మ‌ర్యాదివ్వ‌డం.. కొత్త వారి నుంచి నేర్చుకోవ‌డానికి సంకోచించ‌క‌పోవ‌డం, త‌మ‌కు అది ఉప‌యోగ‌ప‌డుతుందంటే.. వాటిని ప‌రిగ‌ణ‌లోకి తీసుకోవ‌డం.. బాబుకున్న ప్ర‌త్యేక ల‌క్ష‌ణం.
ఇది కూడా ఆయ‌న్ను రాజ‌కీయ పోటీ వాతావ‌ర‌ణాన్ని త‌గ్గ‌ట్టుగా ఇంకా నిల‌క‌డ‌గా నిల‌బెడుతుంద‌న‌డంలో సందేహం లేదు. మొత్తానికి యోగా డే .. చంద్ర‌బాబును ఆరోగ్య ప‌రంగా ఎలా ఉన్నాడో ప్ర‌పంచానికి చూప‌డ‌మే కాదు.. ప్ర‌శంస‌లూ పొందేలా చేసింద‌ని చెప్పాలి.
Share
Sai Krishna: హ్యూమన్ రైట్స్ కమిషన్‌కు జగన్ టీమ్ సంచలన ఫిర్యాదు..!
Allu Arjun: ఆఖరి నిమిషంలో అల్లు అర్జున్‌కి సీన్ రివర్స్.. బోనులో నిలబడకుండా పుష్పరాజ్ ఏం చేశారంటే?
