Apple Event 2026: యాపిల్ లవర్స్ ఎప్పుడెప్పుడా అని ఎదురుచూస్తున్న 2026 సెప్టెంబర్ ఈవెంట్కు సమయం దగ్గరపడింది. ప్రతిఏటా సెప్టెంబర్ నెలలోనే కొత్త ఉత్పత్తులను పరిచయం చేయడం కంపెనీకి ఒక ఆనవాయితీ. ఆ సాంప్రదాయం ప్రకారమే ఈసారి కూడా సెప్టెంబర్ 8 లేదా 9 తేదీల్లో ఈ గ్రాండ్ ఈవెంట్ జరగవచ్చని భావిస్తున్నారు. ఈ వేదికపై యాపిల్ తీసుకోబోయే కొన్ని సంచలనాత్మక నిర్ణయాలు, లాంచ్ చేయనున్న ఉత్పత్తులపై ఓ లుక్కేద్దాం.
ఈ కార్యక్రమంలో అందరి దృష్టినీ ఆకర్షించబోయేది యాపిల్ నుంచి రానున్న తొలి మడతపెట్టే ఫోన్ iPhone Ultra. పుస్తకంలా తెరుచుకునే ఈ డివైజ్ డిస్ప్లేపై మడత మార్క్ (క్రీజ్) అసలు కనిపించకుండా ఉండేలా డిజైన్ చేస్తున్నారని తెలుస్తోంది. స్మార్ట్ఫోన్ మార్కెట్లో ఇదొక కొత్త మైలురాయి కానుంది.
ఫోల్డబుల్ కాకుండా సాధారణ మోడల్స్ ఇష్టపడే వారి కోసం ఐఫోన్ 18 ప్రో, ప్రో మాక్స్ వేరియంట్లను సిద్ధం చేస్తున్నారు. వీటిలో పెర్ఫార్మెన్స్, కెమెరా ఫీచర్లు, బ్యాటరీ లైఫ్ను భారీగా పెంచబోతున్నారు. అయితే సాధారణ ఐఫోన్ 18 మోడల్ మాత్రం ఈ ఏడాది రావడం లేదు.
Also Read: షాకింగ్.. భారత్లో మళ్లీ పెరిగిన Vivo X300 FE ధర.. ఏకంగా రూ.10,000 పెంపు!
స్మార్ట్వాచ్ విభాగంలో వాచ్ సిరీస్ 12తో పాటు వాచ్ అల్ట్రా 4 రాబోతున్నాయి. సిరీస్ 12 మోడల్లో కొన్ని చిన్న చిన్న మార్పులే ఉన్నప్పటికీ.. వాచ్ అల్ట్రా 4 మాత్రం డిజైన్, ఫీచర్ల పరంగా భారీ అప్డేట్తో రానుందని సమాచారం.
ఈసారి యాపిల్ నుంచి ‘ఎయిర్పాడ్స్ అల్ట్రా’ పేరిట కొత్త బడ్స్ వచ్చే అవకాశం కనిపిస్తోంది. వీటిలో కెమెరాలను అమర్చి, మన కంటికి కనిపించే విజువల్స్ ఆధారంగా సమాధానాలు ఇచ్చేలా అడ్వాన్స్డ్ సిరి ఏఐ టెక్నాలజీని అందించబోతున్నట్లు ప్రచారం జరుగుతోంది.
వీటితో పాటు హోమ్పాడ్స్, యాపిల్ టీవీ లాంటి స్మార్ట్ హోమ్ పరికరాలకు సంబంధించిన కొత్త అప్డేట్లను కూడా కంపెనీ ప్రకటించే అవకాశం ఉంది. సాధారణ ఐఫోన్ 18 వెర్షన్ వచ్చే ఏడాదికి వాయిదా పడినప్పటికీ.. రాబోయే ఫోల్డబుల్ డివైజ్, ప్రో మోడల్స్ టెక్ ప్రపంచంలో సరికొత్త ఊపు తెచ్చేలా కనిపిస్తున్నాయి.
Also Read: iPhone Ultra లుక్ లీక్.. ఈ కలర్స్ చూస్తేనే యాపిల్ ప్లాన్ ఏంటో అర్థమైపోతుంది!
Share
మంత్రి పొంగులేటి స్పీచ్.. అడ్డుకున్న పాడి కౌశిక్ రెడ్డి
నా ప్రాణాలు కాపాడిన నాయకుడు ఇకలేరు..పెద్ది సంతాప సభలో హరీష్ రావు కన్నీళ్లు
