iPhone Ultra: యాపిల్ నుంచి రాబోతున్న మొదటి ఫోల్డబుల్ ఫోన్ ‘ఐఫోన్ ఆల్ట్రా’ గురించి ఇప్పటికే టెక్ ప్రపంచంలో రకరకాల ఊహాగానాలు వినిపిస్తున్నాయి. తాజాగా ఈ ఫోన్ కలర్ ఆప్షన్లకు సంబంధించి ఒక ఆసక్తికరమైన లీక్ బయటికొచ్చింది. దీనిబట్టి చూస్తుంటే.. తమ మొదటి మడతబెట్టే ఫోన్ విషయంలో యాపిల్ చాలా జాగ్రత్తగా అడుగులు వేస్తున్నట్లు కనిపిస్తోంది.
ప్రముఖ టిప్స్టర్ సోనీ డిక్సన్ షేర్ చేసిన కెమెరా ప్రొటెక్టర్ లీక్స్ ప్రకారం.. ఈ ఐఫోన్ అల్ట్రా సిల్వర్, డార్క్ బ్లూ రంగుల్లో మాత్రమే రానున్నట్లు తెలుస్తోంది. సాధారణంగా కొత్త కేటగిరీ ఫోన్లను పరిచయం చేసేటప్పుడు బ్రైట్ కలర్స్ లేదా వినూత్నమైన రంగులను కంపెనీలు ఎంచుకుంటూ ఉంటాయి. కానీ యాపిల్ మాత్రం క్లాసిక్, సింపుల్ షేడ్స్కే మొగ్గు చూపుతున్నట్లు సమాచారం.
ఇటీవలే మార్కెట్లోకి వచ్చిన శాంసంగ్ గెలాక్సీ Z ఫోల్డ్ మోడల్స్ ల్యావెండర్, పిస్తాచియో వంటి సరికొత్త, ఆకర్షణీయమైన కలర్స్లో అందుబాటులోకి వచ్చాయి. అయితే శాంసంగ్ లాగా రంగులతో ప్రయోగాలు చేయకుండా, తమ పాత ప్రీమియం లుక్నే కొనసాగించాలని యాపిల్ భావిస్తోంది. డిజైన్ పరంగా ఐఫోన్ లవర్స్కు ఉన్న పాత పరిచయాన్ని దెబ్బతీయకూడదనేది కూడా దీని వెనుక ఒక కారణం కావచ్చు.
Also Read: రూ.20 వేలలోపు బెస్ట్ కెమెరా, బ్యాటరీ ఫోన్ కావాలా? Amazon Freedom Saleలో బెస్ట్ ఆప్షన్స్ ఇవే!
మొదటిసారే కలర్స్ విషయంలో పెద్దగా ప్రయోగాలు చేసి రిస్క్ తీసుకోవడం కంటే.. అందరికీ నచ్చే సాధారణ రంగులతో మార్కెట్లోకి రావడం సురక్షితమని యాపిల్ భావిస్తున్నట్లు అనిపిస్తోంది. ఐఫోన్లను ఎక్కువగా ఇష్టపడే సీరియస్ యూజర్లను, ప్రొఫెషనల్స్ను ఆకట్టుకోవడానికి ఈ క్లాసిక్ షేడ్స్ బాగా ఉపయోగపడతాయి.
అయితే ఇవన్నీ ప్రస్తుతం సోషల్ మీడియాలో వస్తున్న లీక్స్ ఆధారంగా ప్రచారంలో ఉన్న వార్తలు మాత్రమే. యాపిల్ అధికారికంగా ప్రకటించే వరకు వేచి చూడాల్సిందే. ఒకవేళ ఇవే రంగుల్లో వస్తే మాత్రం, యాపిల్ తన మార్కెట్ స్ట్రాటజీని మరోసారి చాలా స్పష్టంగా చూపించినట్లవుతుంది.
Share
పూర్తిగా కుక్కలా మారిన మిలీనియర్.. ఆ సర్జరీ కోసం రూ.22 కోట్లు వెచ్చించాడా? నిజమేంటీ?
మా బాధను రాజకీయం చేయొద్దు.. దండం పెడతా! మెడికో ప్రియాంక తండ్రి
