Apple Watch Series 12: కొన్నేళ్లుగా యాపిల్ వాచ్ మోడల్స్ చూసీ చూసీ ‘అదే లుక్, అదే డిజైన్.. కాస్తైనా మార్పు ఉంటే బాగుండు’ అని అనుకుంటున్నారా? అయితే ఈ అప్డేట్ కచ్చితంగా మీ కోసమే. యాపిల్ తమ పాత క్లాసిక్ మేజిక్ను మళ్లీ రిపీట్ చేయడానికి రెడీ అవుతోంది. కంపెనీ లైన్అప్లోనే మోస్ట్ ఎలిగెంట్ అనిపించుకున్న ‘సెరామిక్ ’ వెర్షన్ను మళ్లీ రంగంలోకి దించేందుకు యాపిల్ కసరత్తు చేస్తోందట. ప్రసిద్ధ టెక్ అనలిస్ట్ మార్క్ గుర్మాన్ లీక్ చేసిన ఈ వార్త ఇప్పుడు సోషల్ మీడియాలో తెగ వైరల్ అవుతుంది.
యాపిల్ మొదటిసారిగా సీరీస్ 2 వాచ్తో ఈ సెరామిక్ మోడల్ను పరిచయం చేసింది. ఆ తర్వాత సీరీస్ 5లో కూడా దీనిని అందించారు. తెల్లటి రాయల్ లుక్తో వచ్చే ఈ సెరామిక్ కేసింగ్, సాధారణ స్టెయిన్లెస్ స్టీల్ కంటే నాలుగు రెట్లు ఎక్కువ బలంగా ఉంటుంది. గీతలు పడకుండా, చూడటానికి ఎంతో క్లాసీగా ఉండటం దీని ప్రత్యేకత. అయితే, సీరీస్ 6 లాంచ్ సమయంలో యాపిల్ ఈ మోడల్ను నిలిపివేసింది.
Also Read: ఓరి నాయనో.. రూ.57,000 శాంసంగ్ ట్యాబ్ రూ.28,000కే వచ్చేస్తోంది.. ఇదంతా కలా? నిజమా?
రాబోయే ‘యాపిల్ వాచ్ సీరీస్ 12’తో ఈ సెరామిక్ ఫినిషింగ్ మళ్లీ రీ-ఎంట్రీ ఇచ్చే అవకాశం ఉందని లీకులు చెబుతున్నాయి. ఒకవేళ ఈ ఏడాది కుదరకపోతే 2027 నాటికైనా ఇది కచ్చితంగా మార్కెట్లోకి వస్తుందని అంటున్నారు. దాదాపు ఆరేళ్ల లాంగ్ గ్యాప్ తర్వాత ఈ మోడల్ మళ్లీ వస్తుండటంతో, ప్రీమియం డిజైన్లను ఇష్టపడే యాపిల్ అభిమానులు దీని కోసం ఎంతో ఆసక్తిగా ఎదురుచూస్తున్నారు. ఇది రెగ్యులర్ అల్యూమినియం మోడల్స్ కంటే చాలా డిఫరెంట్గా, కాస్ట్లీ లుక్తో ఉండనుంది.
కేవలం లుక్ మాత్రమే కాకుండా.. పనితీరు విషయంలో కూడా ఈ వాచ్లో మంచి మార్పులు ఉండబోతున్నాయి. కొత్త ప్రాసెసర్, మెరుగైన బ్యాటరీ లైఫ్ ఉండేలా యాపిల్ ప్లాన్ చేస్తోంది. దీంతో పాటు ఆరోగ్యానికి సంబంధించిన కొత్త హెల్త్ ట్రాకింగ్ ఫీచర్లు, విభిన్నమైన బెల్ట్ కలర్స్ కూడా ఈ కొత్త సిరీస్లో పరిచయం చేసే అవకాశం ఉంది. డిజైన్, ఫీచర్ల కలయికగా రాబోతున్న ఈ వాచ్ టెక్ ప్రియులను ఖచ్చితంగా ఆకట్టుకుంటుంది.
Also Read: ధర ఎక్కువైనా వర్త్ అనిపించే ఫీచర్లు.. OnePlus 16లో రాబోతున్న క్రేజీ చేంజెస్ ఇవే!
Share
బాలినేని-దామచర్ల మధ్య సంధి కుదిరేనా..?
వైసీపీ ఫ్లెక్సీలో కేటీఆర్ ప్రత్యక్షం.. ఏలూరు ర్యాలీలో అసలేం జరుగుతోంది?
