Dell XPS 13: ప్రముఖ డెల్ కంపెనీ భారత్లో తమ ప్రీమియం ల్యాప్టాప్ శ్రేణిని మరింత విస్తరించింది. ఆర్టిఫిషియల్ ఇంటెలిజెన్స్ సామర్థ్యాలు, మెరుగైన డిస్ప్లేలు, సుదీర్ఘమైన బ్యాటరీ లైఫ్తో కూడిన XPS 13, డెల్ 14S, డెల్ 16S మోడళ్లను మార్కెట్లోకి తీసుకొచ్చింది. విద్యార్థులు, ఉద్యోగులు, క్రియేటర్లను దృష్టిలో ఉంచుకుని వీటిని రూపొందించారు.
డెల్ XPS 13 ప్రారంభ ధర రూ.79,990 కాగా.. ఇది స్కై, స్టార్మ్ రంగుల్లో లభిస్తుంది. డెల్ 14S వేరియంట్ ధర రూ.1,19,990 నుండి, భారీ స్క్రీన్ కలిగిన డెల్ 16S ధర రూ.2,29,990 నుండి ప్రారంభమవుతుంది. ఇవి సెలెస్టియల్ బ్లూ, ఫ్రాస్ట్ బ్లూ రంగుల్లో అందుబాటులో ఉన్నాయి. డెల్ షోరూమ్లతో పాటు ఆన్లైన్ స్టోర్లలో వీటిని కొనుగోలు చేయవచ్చు.
ట్రావెల్ చేస్తూ పనిచేసే వారికి XPS 13 అనువైనది. ఇందులో 13.4 అంగుళాల 2.5K టచ్ డిస్ప్లేను అందించారు. సింగిల్ ఛార్జ్పై ఏకంగా 17 గంటల పాటు వీడియో స్ట్రీమింగ్ చేసుకోవచ్చని కంపెనీ చెబుతోంది. కేవలం ఒక కేజీ బరువు, 12.7 మిమీ మందంతో చాలా స్లిమ్గా ఉండే ఈ ల్యాప్టాప్లో లేటెస్ట్ ఇంటెల్ ప్రాసెసర్లు, వైఫై 7 సపోర్ట్ ఉన్నాయి.
Also Read: రూ.16 వేలకే రఫ్ అండ్ టఫ్ ఫోన్.. సన్రైజ్ గోల్డ్ కలర్లో ఆకట్టుకుంటున్న Honor X6e 4G!
డెల్ 14S మోడల్ 14 అంగుళాల ఫుల్ హెచ్డీ ప్లస్ OLED స్క్రీన్తో వస్తుండగా.. 16S వెర్షన్ 16 అంగుళాల 2.8K OLED టచ్ స్క్రీన్తో వస్తుంది. రెండింటిలోనూ 120Hz రిఫ్రెష్ రేట్ ఉంటుంది. వీటిలో ఇంటెల్ Core Ultra Series 3 లేదా AMD Ryzen AI 400 సిరీస్ చిప్సెట్లను ఎంచుకోవచ్చు. ఏఐ పనులను వేగంగా పూర్తి చేయడానికి ఇవి బాగా ఉపయోగపడతాయి.
ఈ రెండు మోడళ్లలోనూ 70Wh బ్యాటరీ, 65W టైప్-సి ఛార్జింగ్, కావాల్సినన్ని కనెక్టివిటీ పోర్టులను అందించారు. పర్యావరణానికి హాని కలగకుండా రీసైకిల్ చేసిన అల్యూమినియం, ప్లాస్టిక్తో వీటిని తయారు చేయడం విశేషం. ప్రీమియం లుక్, అద్భుతమైన పెర్ఫార్మెన్స్ కోరుకునే వారికి ఇవి మంచి ఆప్షన్.
Also Read: భారత్లోకి వచ్చేస్తున్న iQOO Z11.. 3D కర్వ్డ్ డిస్ప్లే, కొత్త ప్రాసెసర్తో దుమ్ము రేపనుంది!
Share
ఇది ఏపీకి దక్కిన గౌరవం అంటూ.. ట్విట్టర్ వేదికగా పవన్ కళ్యాణ్ పోస్ట్ వైరల్..!
తెలిసో తెలియకో యాక్సిడెంట్ చేశాడు.. దీన్ని కుట్ర అంటున్నారు: జగన్
