Earbuds Hidden Features: ఇయర్ బడ్స్ అనేవి కేవలం పాటలు వినడానికి, ఫోన్ కాల్స్ మాట్లాడడానికే అనుకుంటే పొరపాటే. ప్రస్తుత సాంకేతిక యుగంలో స్మార్ట్‌ఫోన్‌ల కంటే వేగంగా ఇయర్ బడ్స్ స్మార్ట్‌గా మారిపోతున్నాయి. చాలా మందికి తెలియని, కంపెనీలు పెద్దగా ప్రచారం చేయని ఎన్నో అద్భుతమైన ఫీచర్లు వీటిల్లో దాగున్నాయి. రోజువారీ జీవితాన్ని మరింత సులభతరం చేసే ఆ ‘అజ్ఞాత’ ఇయర్ బడ్స్ ఫీచర్లపై ఈ ప్రత్యేక కథనం.
యాపిల్ ఎయిర్‌పాడ్స్‌తో పాటు చాలా ప్రీమియం ఇయర్ బడ్స్‌లో ‘లైవ్ లిజన్’ (Live Listen) లేదా సౌండ్ యాంప్లిఫికేషన్ ఫీచర్ అందుబాటులో ఉంది. దీనిని ఉపయోగించి ఫోన్ మైక్రోఫోన్ క్యాచ్ చేసే శబ్దాలను నేరుగా చెవుల్లోని ఇయర్ బడ్స్ ద్వారా వినవచ్చు.
విదేశాలకు వెళ్లినప్పుడు, తెలియని భాష మాట్లాడే వ్యక్తితో సంభాషించాల్సి వచ్చినప్పుడు ఇయర్ బడ్స్ ‘ట్రాన్స్ లేటర్’ గా వాడుకోవచ్చు. గూగుల్ పిక్సెల్ బడ్స్, శాంసంగ్ గెలాక్సీ బడ్స్ వంటివి గూగుల్ అసిస్టెంట్, గెలాక్సీ AI సాయంతో రియల్ టైమ్ ట్రాన్స్‌లేషన్ అందిస్తున్నాయి.
ప్రస్తుతం వస్తున్న లేటెస్ట్ టెక్నాలజీ ఇయర్ బడ్స్‌లో హార్ట్ రేట్ (గుండె వేగం) మానిటర్స్, బాడీ టెంపరేచర్ సెన్సార్లు, మోషన్ సెన్సార్లు ఉంటున్నాయి. రన్నింగ్ లేదా వర్కవుట్ చేస్తున్నప్పుడు చేతికి స్మార్ట్ వాచ్ లేకపోయినా ఈ ఇయర్ బడ్స్ గుండె వేగాన్ని, ఎన్ని అడుగులు వేశారో ఖచ్చితంగా లెక్కగట్టగలవని నిపుణులు పేర్కొంటున్నారు.
ఇయర్ బడ్స్ పరిమాణంలో చాలా చిన్నగా ఉండడం వల్ల ఎక్కడో ఒకచోట మర్చిపోవడం సర్వసాధారణంగా జరుగుతూనే ఉంటుంది. ఇలాంటి సమస్యకు చెక్ పెట్టేందుకు చాలా ఇయర్ బడ్స్ లో ‘ఫైండ్ మై బడ్స్’ అందుబాటులో ఉంది. బ్లూటూత్ పరిధిలో ఉంటే యాప్ ద్వారా వాటి నుంచి పెద్దగా బీప్ శబ్దం వచ్చేలా చేయవచ్చు. ఒకవేళ ఎక్కడో బయట పడేసుకుంటే అవి చివరిగా ఫోన్‌కు కనెక్ట్ అయిన జీపీఎస్ లొకేషన్‌ను మ్యాప్‌లో చూపిస్తాయి.
సాధారణంగా ఇయర్ బడ్స్ లో సింగిల్ ట్యాప్ చేస్తే పాటలు రావడం, డబుల్ ట్యాప్ చేస్తే ఆగిపోవడం లేదా పాట మారడం మాత్రమే జరుగుతుందని చాలా మంది భావిస్తుంటారు. అయితే ఈ ట్యాప్ సిస్టమ్ ను మనకు నచ్చిన విధంగా మార్చుకునే వెసులుబాటును ఇయర్ బడ్స్ ను కల్పిస్తున్నాయి. ఇయర్ బడ్స్ కు సంబంధించి కంపెనీ యాప్ లోకి వెళ్లి.. కుడి బడ్ ట్యాప్ చేస్తే వాల్యూమ్ పెరగాలని, ఎడమ బడ్ ట్యాప్ చేస్తే గూగుల్/సిరి అసిస్టెంట్ ఆన్ అవ్వాలని సెట్ చేసుకోవచ్చు. నేరుగా వాయిస్ రికార్డర్ ఆన్ అవ్వాలని కూడా పెట్టుకోవచ్చు.
Also Read: టెలిగ్రామ్‌పై కేంద్రం బ్యాన్.. ప్రత్యామ్నాయ 5 యాప్స్ ఇవే.. సేఫ్ అండ్ సూపర్!
ఇయర్ బడ్స్‌లో ఉండే ‘ఇన్-ఇయర్ డిటెక్షన్’ సెన్సార్ల వల్ల మీరు చెవిలో నుంచి బడ్ తీయగానే పాట ఆగిపోతుంది. మళ్లీ పెట్టగానే ప్లే అవుతుంది. అయితే కొన్ని బ్రాండ్లలో ఇయర్ బడ్స్‌ను కెమెరా రిమోట్‌లా వాడుకోవచ్చు. ఫోన్‌ను దూరంగా ఉంచి గ్రూప్ ఫోటో దిగాలనుకున్నప్పుడు ఇయర్ బడ్స్ పై ట్యాప్ చేయడం ద్వారా ఫోటో క్లిక్ చేయవచ్చు.
Also Read: అసలెవరీ సాయికృష్ణ.. బతికున్నాడా? బలయ్యాడా? ఏపీలో క్షణక్షణం ఉత్కంఠ!
Share
Trump Netanyahu: మిత్రుల మధ్య చిచ్చు పెట్టిన ఇరాన్ డీల్.. నెతన్యాహును 'క్రేజీ' అని తిట్టిన ట్రంప్..!
Millionaire Migration: భారత్కు హెన్లీ రిపోర్ట్ బిగ్ షాక్.. దేశం దాటుతున్న ఇండియన్ కుబేరులు.. అసలు కారణాలివే..?
