Jio Prepaid Plan: నెలనెలా రీఛార్జ్ చేసుకునే తలనొప్పి వద్దనుకునే జియో కస్టమర్లకు ఇది ఉపయోగకరమైన ప్లాన్. రిలయన్స్ జియో అందిస్తున్న రూ.2,025 ప్రీపెయిడ్ రీఛార్జ్తో ఎక్కువ కాలం సేవలను కొనసాగించడంతో పాటు డేటా, అన్లిమిటెడ్ కాలింగ్, SMSల వంటి ప్రయోజనాలు పొందొచ్చు. అంతేకాదు.. ఓటీటీ సబ్స్క్రిప్షన్, ఏఐ సేవలు, క్లౌడ్ స్టోరేజ్ వంటి అదనపు బెనిఫిట్స్ కూడా ఈ ప్లాన్లో ఉన్నాయి.
ఒక్కసారి రూ.2,025 చెల్లించి దీర్ఘకాలం రీఛార్జ్ టెన్షన్ లేకుండా ఉండాలనుకునే వారికి ఈ ప్లాన్ ఆసక్తికరంగా మారింది. మరి ఈ ప్లాన్ వ్యాలిడిటీ ఎంత? రోజుకు ఎన్ని జీబీ డేటా లభిస్తుంది? ఓటీటీ, ఏఐ, క్లౌడ్ స్టోరేజ్ ద్వారా ఎలాంటి ప్రయోజనాలు పొందొచ్చు? రూ.2,025కి జియో అందిస్తున్న పూర్తి బెనిఫిట్స్ ఏంటో తెలుసుకుందామా..
రూ.2,025 ప్లాన్తో ఏకంగా 200 రోజుల వ్యాలిడిటీ లభిస్తుంది. అంటే.. దాదాపు 7 నెలల వరకు రీఛార్జ్ గురించి ఆలోచించాల్సిన అవసరం ఉండదు. రోజుకు 2.5 జీబీ చొప్పున మొత్తం 500 జీబీ హైస్పీడ్ డేటా లభిస్తుంది. రోజువారీ డేటా పరిమితి పూర్తయిన తర్వాత 64 కేబీపీఎస్ వేగంతో ఇంటర్నెట్ కొనసాగుతుంది.
Also Read: రూ.1,059కే టైప్-సి ఛార్జింగ్ ఫోనా? పెద్దలకు అదిరిపోయే గిఫ్ట్.. ఐటెల్ కొత్త మోడల్ వచ్చేసింది!
ఈ ప్లాన్లో అపరిమిత వాయిస్ కాలింగ్తో పాటు రోజుకు 100 ఎస్ఎంఎస్లు లభిస్తాయి. జియో 5జీ నెట్వర్క్ అందుబాటులో ఉన్న ప్రాంతాల్లో, అర్హతలు, జియో నిబంధనలకు అనుగుణంగా అన్లిమిటెడ్ 5జీ డేటా ప్రయోజనం కూడా పొందవచ్చు.
ఎంటర్టైన్మెంట్ కోరుకునే వారికి జియోహాట్స్టార్ మొబైల్ సబ్స్క్రిప్షన్, హాలీవుడ్ కంటెంట్ యాక్సెస్ లభిస్తుంది. అంతేకాకుండా గూగుల్ జెమిని ప్రోను 18 నెలల పాటు ఉచితంగా ఉపయోగించుకునే అవకాశం ఉంది. దీని విలువ సుమారు రూ.35,100గా పేర్కొంటున్నారు.
ఫొటోలు, వీడియోలు, ఇతర ఫైల్స్ కోసం 50జీబీ జియోఐక్లౌడ్ స్టోరేజ్తో పాటు గూగుల్ ఆఫర్ ద్వారా 5టీబీ వరకు క్లౌడ్ స్టోరేజ్ ప్రయోజనం లభిస్తుంది.
డిజైనింగ్, ఫొటో ఎడిటింగ్, సోషల్ మీడియా కంటెంట్ తయారు చేసే వారికి Canva Pro Light సబ్స్క్రిప్షన్ను 12 నెలల పాటు ఉచితంగా అందిస్తున్నారు. దీర్ఘకాలిక వ్యాలిడిటీతో పాటు డేటా, ఓటీటీ, ఏఐ, క్లౌడ్ స్టోరేజ్ వంటి ప్రయోజనాలు కావాలనుకునే వారికి ఈ ప్లాన్ ఉపయోగకరంగా ఉండొచ్చు.
Also Read: యూట్యూబ్లో షాపింగ్ హంగామా.. ఇక వీడియోలు చూస్తూనే కొనేయొచ్చు, క్రియేటర్లకు కొత్త ఆదాయ అవకాశాలు!
Share
మీ ఫోన్ కెమెరా హ్యాకర్ల కంట్రోల్లోకి వెళ్లిందా? వెంటనే ఇలా కనిపెట్టండి.. లేదంటే డేంజరే!
టీమిండియాలో చీలిక...గిల్కు మైదానంలో కోహ్లీ వార్నింగ్ ?
