Annual Recharge Plans: దేశంలో టాప్ టెలికాం సంస్థలైన జియో, ఎయిర్ టెల్, వోడాఫోన్ ఐడియా (Vi).. తమ యూజర్లను ఆకట్టుకునేందుకు ఎన్నో రకాల ప్రీపెయిడ్ ప్లాన్లను అందుబాటులో ఉంచింది. అయితే పదే పదే రీఛార్జ్ చేసుకునే సమస్య లేకుండా ఏడాదంతా ఫ్రీకాల్స్, డేటా, ఓటీటీ బెనిఫిట్స్ కోరుకునేవారి కోసం ఈ టెలికాం సంస్థలు.. ఆకర్షణీయ ప్లాన్లను అందిస్తున్నాయి. వాటిలో యూజర్లకు ఎక్కువ బెనిఫిట్స్ అందించే అత్యుత్తమైన వార్షిక ప్లాన్లను ఈ కథనంలో అందించడం జరుగుతోంది. వాటిపై ఓ లుక్కేయండి.
జియో ప్రస్తుతం 365 రోజుల వ్యాలిడిటీతో రెండు కీలక ప్లాన్లను ఆఫర్ చేస్తోంది. రూ. 3,999 ప్లాన్ ద్వారా రోజుకు 2.5GB హైస్పీడ్ డేటా, అపరిమిత వాయిస్ కాల్స్, రోజుకు 100 SMSలు లభిస్తాయి. అర్హులైన వినియోగదారులకు అపరిమిత 5G డేటా అందుతుంది. దీంతో పాటు ఫ్యాన్కోడ్, జియో టీవీ, 50GB ఉచిత స్టోరేజ్తో జియో AI క్లౌడ్, జియో హాట్స్టార్ సబ్స్క్రిప్షన్ లభిస్తాయి. అంతేకాకుండా 5,000GB క్లౌడ్ స్టోరేజ్తో కూడిన గూగుల్ జెమిని ప్రో 18 నెలల సబ్స్క్రిప్షన్ కూడా ఇందులో లభిస్తుంది.
మరోవైపు 365 రోజుల వ్యాలిడిటీతోనే జియో రూ. 3,599 ప్లాన్ కూడా తీసుకొచ్చింది. ఇది కూడా రోజుకు 2.5GB డేటా, అపరిమిత కాలింగ్, రోజుకు 100 SMSలు అందిస్తుంది. దీంతో పాటు జియో టీవీ ప్రో ప్యాక్ వోచర్, 120GB అదనపు డేటా, 50GB జియో AI క్లౌడ్ స్టోరేజ్ వస్తాయి. ఈ ప్లాన్ ద్వారా కూడా 18 నెలల గూగుల్ జెమిని ప్రో సబ్స్క్రిప్షన్, జియో హాట్స్టార్ ప్రయోజనాలు పొందవచ్చు.
ఎయిర్ టెల్ తన యూజర్ల కోసం ఏడాది వ్యాలిడిటీతో రూ. 3,599, రూ. 3,999 ప్లాన్లను తీసుకొచ్చింది. రూ. 3,599 ప్లాన్ ద్వారా ప్రతిరోజూ 2GB డేటా, అపరిమిత కాల్స్, రోజుకు 100 SMSలు లభిస్తాయి. ఇక రూ. 3,999 ప్లాన్ లో రోజుకు 2.5GB డేటా, అపరిమిత కాలింగ్, 100 SMSలతో పాటు 12 నెలల డిస్నీ+ హాట్స్టార్ మొబైల్ సబ్స్క్రిప్షన్ పొందొచ్చు. ఈ రెండు ప్లాన్లలోనూ అర్హులైన వినియోగదారులకు అపరిమిత 5G డేటా సదుపాయం ఉంది.
వొడాఫోన్ ఐడియా సైతం ఏడాది వ్యాలిడిటీతో పలు రకాల వార్షిక ప్లాన్లను అందుబాటులో ఉంచింది. కేవలం కాల్స్ మాత్రమే కోరుకునేవారి కోసం రూ. 1,189 (50GB డేటా), రూ. 1,849 (అపరిమిత కాల్స్, 3,600 SMSలు), రూ. 2,249 (30GB డేటా, అపరిమిత కాల్స్, 3,600 SMSలు) ప్లాన్లు ఉన్నాయి. డేటా వినియోగదారుల కోసం రూ. 3,599 నుంచి ప్రారంభమయ్యే ప్లాన్లను రోజుకు 2GB డేటాతో ఆఫర్ చేస్తోంది. ఇందులో రూ. 3,699 ప్లాన్ ద్వారా డిస్నీ+ హాట్స్టార్ ను, రూ. 3,799 ప్లాన్ అమెజాన్ ప్రైమ్ లైట్ ను వీఐ అందిస్తోంది. ఇక రూ. 3,999 ప్లాన్ ద్వారా డిస్నీ+ హాట్స్టార్, అమెజాన్ ప్రైమ్ లైట్ రెండింటినీ పొందొచ్చు. ఇవన్నీ రోజుకు 2GB డేటా, 100 SMSలు, అపరిమిత కాల్స్ అందిస్తాయి.
Also Read: నెల్లూరులో చెత్త నిధులపై మాటల యుద్ధం.. సవాల్ విసిరిన వైసీపీ.. తిప్పికొట్టిన కూటమి!
కేవలం బేసిక్ కాలింగ్ అవసరాలు ఉన్నవారు వొడాఫోన్ ఐడియా తక్కువ ధర ప్లాన్లను ఎంచుకోవచ్చు. కానీ ఎక్కువ డేటా, ప్రముఖ ఓటీటీ ప్లాట్ఫామ్ల సబ్స్క్రిప్షన్లు కోరుకునే వినియోగదారులకు జియో, ఎయిర్టెల్ వార్షిక ప్లాన్లు ఎంచుకుంటే ఎక్కువ లాభం ఉంటుంది.
Also Read: BCCIకి అసలు సిగ్గుందా ? మొహ్సిన్ నఖ్వీతో దేవజిత్ సైకియా మీటింగ్ పై ట్రోలింగ్
Share
స్విఫ్ట్ ధర మళ్లీ పెరిగింది.. ఇప్పుడు రేటు ఎంతంటే?
మధ్యాహ్నం 3 గంటల తర్వాత నీరసంగా అనిపిస్తోందా? రోజంతా ఫుల్ ఎనర్జీ కోసం సింపుల్ టిప్స్
