Vivo X300 FE: ప్రముఖ మొబైల్ తయారీ సంస్థ వివో.. తమ ఫ్లాగ్షిప్ సిరీస్లో భాగంగా ‘వివో X300 FE’ మోడల్కు సంబంధించి కొత్త వేరియంట్ను భారత మార్కెట్లోకి తీసుకొచ్చింది. ఇప్పటివరకు 12GB ర్యామ్ వేరియంట్లలో మాత్రమే లభించిన ఈ ఫోన్.. ఇప్పుడు కొత్తగా 8GB ర్యామ్, 256GB స్టోరేజ్ ఆప్షన్లో అందుబాటులోకి వచ్చింది.
అయితే మెమరీ, స్టోరేజ్ విడిభాగాల ధరలు పెరగడంతో ఇటీవల పాత వేరియంట్ల ధరలను కంపెనీ పెంచిన సంగతి తెలిసిందే. ఈ క్రమంలో వినియోగదారులకు కాస్త అందుబాటు ధరలో ఉంచేందుకు వివో ఈ కొత్త ఎంట్రీ లెవెల్ మోడల్ను పరిచయం చేసింది.
కొత్తగా వచ్చిన 8GB + 256GB వేరియంట్ ప్రారంభ ధర రూ.84,999గా ఉంది. ప్రముఖ బ్యాంక్ క్రెడిట్ కార్డ్లు లేదా UPI ద్వారా కొనుగోలు చేసే వారికి 10 శాతం తక్షణ డిస్కౌంట్ లభిస్తుంది. అంతేకాకుండా 24 నెలల నో-కాస్ట్ EMI, పాత ఫోన్పై 10 శాతం అదనపు ఎక్స్ఛేంజ్ బోనస్ వంటి ఆఫర్లు కూడా ఉన్నాయి.
Also Read: షాకింగ్ ప్రైస్ డ్రాప్.. ఏకంగా రూ.45,000 తగ్గిన Galaxy S25 Edge, ఆఫర్ ఎలా పొందాలంటే?
ప్రస్తుతం ఈ ఫోన్ అమెజాన్, ఫ్లిప్కార్ట్, వివో ఈ-స్టోర్లలో కొనుగోలుకు అందుబాటులో ఉంది. కాగా.. 12GB + 256GB వేరియంట్ ధర రూ.89,999 ఉండగా, టాప్ మోడల్ 12GB + 512GB ధర రూ.99,999గా ఉంది. ఇది లైలాక్ పర్పల్, నోయిర్ బ్లాక్, అర్భన్ ఆలివ్ రంగుల్లో లభిస్తుంది.
Vivo X300 FE ఫోన్లో 6.31 అంగుళాల AMOLED డిస్ప్లే అందించారు. ఇది 120Hz రిఫ్రెష్ రేట్, 5,000 నిట్స్ పీక్ బ్రైట్నెస్తో వస్తుంది. నీరు, ధూళి నుండి రక్షణ కోసం IP68, IP69 రేటింగ్లతో రావడం విశేషం. దీంతో ఫోన్ చాలా కాలం మన్నికగా ఉంటుంది. ఆండ్రాయిడ్ 16 ఆధారిత ఆరిజిన్ ఓఎస్ 6 పై ఈ ఫోన్ పనిచేస్తుంది.
క్వాల్కమ్ స్నాప్డ్రాగన్ 8 జెన్ 5 ప్రాసెసర్పై పనిచేసే ఈ ఫోన్ గేమింగ్కు, మల్టీ టాస్కింగ్కు చాలా బాగుంటుంది. ఇక కెమెరాల విషయానికి వస్తే.. వెనుక వైపు 50 మెగాపిక్సెల్ మెయిన్ కెమెరా, 50 మెగాపిక్సెల్ టెలిఫోటో, 8 మెగాపిక్సెల్ అల్ట్రావైడ్ కెమెరాలు ఉన్నాయి. అలాగే సెల్ఫీల కోసం ముందు వైపు 50 మెగాపిక్సెల్ కెమెరా ఇచ్చారు.
ఈ Vivo X300 FE ఫోన్లో 6,500mAh సామర్థ్యం గల బ్యాటరీని అందించారు. దీనికి తోడు 90W వైర్డ్ ఫాస్ట్ ఛార్జింగ్, 40W వైర్లెస్ ఛార్జింగ్ సపోర్ట్ ఉంది. స్లిమ్గా, తేలికగా ఉండే ఈ ఫోన్ ప్రీమియం ఫీచర్లను కోరుకునే వారికి మంచి ఎంపికగా నిలుస్తుంది.
Also Read: యాపిల్ iPhone Ultra రాకముందే.. ఫోల్డబుల్ మార్కెట్పై గూగుల్, శాంసంగ్ కన్ను!
Share
మా పాకిస్తాన్ కెప్టెన్లు దద్దమ్మలు..400 వికెట్లు తీయడానికి నరకం అనుభవించా
145 కి.మీ రేంజ్ తో కొత్త స్కూటర్.. ధర కూడా తక్కువేనండోయ్!
