వైర్డ్ ఇయర్‌ఫోన్స్‌లో నాయిస్ క్యాన్సిలేషన్ ఎందుకు ఇవ్వరో తెలుసా?

Wired Headphones: ఈ రోజుల్లో వైర్‌లెస్ ఇయర్‌ఫోన్స్ వాడకం ఎంతగా పెరిగిపోయిందో ప్రత్యేకంగా చెప్పక్కర్లేదు. వైర్లతో పనిలేకుండా నచ్చినట్లు పాటలు వినడం నిజంగానే చాలా సౌకర్యంగా ఉంటుంది. కానీ ఆడియో క్వాలిటీ విషయంలో ఇప్పటికీ చాలామంది వైర్డ్ ఇయర్‌ఫోన్స్‌కే మొదటి ప్రాధాన్యత ఇస్తుంటారు. అయితే వైర్‌లెస్ హెడ్‌ఫోన్స్‌లో ఉండే యాక్టివ్ నోయిస్ క్యాన్సిలేషన్ లేదా ANC అనే అద్భుతమైన ఫీచర్ మన పాత వైర్డ్ హెడ్‌ఫోన్స్‌లో ఎందుకు ఉండదో ఎప్పుడైనా ఆలోచించారా? దాని వెనుకున్న ఆసక్తికరమైన సాంకేతిక కారణాల గురించి ఇప్పుడు వివరంగా తెలుసుకుందాం.

ఎలా పనిచేస్తాయి?

వైర్డ్ హెడ్‌ఫోన్స్ కేవలం పాసివ్ స్పీకర్లుగా మాత్రమే పనిచేస్తాయి. మనం ఫోన్ లేదా సిస్టమ్‌కి కనెక్ట్ చేసిన 3.5mm ఆడియో జాక్ ద్వారా చిన్నపాటి విద్యుత్ ప్రసారమై శబ్దం మనకు వినబడుతుంది. కానీ వైర్‌లెస్ హెడ్‌ఫోన్స్‌లో అలా కాదు. వాటిని నడిపించడానికి లోపల ప్రత్యేకంగా ఒక బ్యాటరీ, ఆడియో డేటాను ప్రాసెస్ చేసే డిజిటల్ చిప్‌సెట్ ఉంటాయి. ఇవి బయటి శబ్దాలను గ్రహించి, వాటిని తగ్గించడానికి పనిచేస్తాయి. వైర్డ్ ఫోన్లకు ఈ అదనపు శక్తి అందుబాటులో ఉండదు.

Also Read: 20% – 80% రూల్ నిజంగానే ల్యాప్‌టాప్ బ్యాటరీని కాపాడుతుందా? నిపుణులు ఏమంటున్నారంటే..

ఆడియో క్వాలిటీ..

వైర్‌లెస్ హెడ్‌ఫోన్స్‌లో బయటి శబ్దాలను కంట్రోల్ చేసే ANC సాంకేతికత కోసం బ్లూటూత్ సిగ్నల్ కంప్రెస్ అవుతుంది. దీనివల్ల పాటల్లోని అసలైన స్పష్టత కొంతవరకు తగ్గుతుంది. కానీ వైర్డ్ ఇయర్ ఫోన్స్ డైరెక్ట్‌గా ఆడియో సిగ్నల్‌ను అందిస్తాయి. అందువల్ల ఎలాంటి డేటా నష్టం లేకుండా, అత్యుత్తమ ఆడియో క్వాలిటీతో పాటలు వినవచ్చు. ANC వంటి ఫీచర్లు లేకపోయినా, ప్యూర్ సౌండ్ ఎక్స్‌పీరియన్స్ ఇవ్వడంలో ఇవే ఎప్పుడూ ముందుంటాయి.

పాసివ్ క్యాన్సిలేషన్..

వైర్డ్ హెడ్‌ఫోన్స్‌లో యాక్టివ్ నోయిస్ క్యాన్సిలేషన్ లేకపోయినా.. పాసివ్ నోయిస్ క్యాన్సిలేషన్ ద్వారా బయటి శబ్దాలను కొంతవరకు తగ్గించవచ్చు. చెవులకు బాగా సరిపోయే ఇయర్ టిప్స్ వాడటం వల్ల బయటి నుంచి వచ్చే గాలి, పక్కవారి మాటలు లోపలికి రాకుండా ఆగుతాయి. అయితే బస్సు లేదా బైక్ సౌండ్స్ వంటి భారీ బేస్ శబ్దాలను ఇది పూర్తిగా ఆపలేదు. అయినప్పటికీ సాధారణ రోజువారీ వాడకానికి ఈ సౌండ్ ప్రూఫింగ్ చాలా బాగా సరిపోతుంది.

ధర వివరాలు..

మార్కెట్‌లో లభించే Sony MDR7506 వంటి మంచి వైర్డ్ హెడ్‌ఫోన్స్ ధర సుమారు రూ.9,000 వరకు ఉంటుంది. ఇవి చాలా ఏళ్లపాటు పాడవకుండా పనిచేస్తాయి. వైర్‌లెస్ ఇయర్‌ఫోన్స్‌లో బ్యాటరీ ప్రాబ్లమ్స్ రావడం లేదా చిప్స్ పాడవటం సర్వసాధారణం. కానీ వైర్డ్ మోడల్స్‌లో ఆ సమస్యలు ఉండవు. వైర్‌లెస్ మోడల్స్ కొత్త టెక్నాలజీతో ఎంత కంఫర్ట్‌గా ఉన్నప్పటికీ.. సుదీర్ఘ కాలం మన్నిక ఇచ్చే విషయంలో మాత్రం వైర్డ్ హెడ్‌ఫోన్స్‌ టాప్‌లో ఉన్నాయి.

Also Read: Samsung Galaxy వాచ్‌ను స్మార్ట్‌గా వాడాలంటే ఈ 5 సెట్టింగ్స్ మార్చాల్సిందే!