Afghanistan Premier League: ఇండియన్ ప్రీమియర్ లీగ్ టోర్నమెంట్ (Indian Premier League tournament) 19 సంవత్సరాలుగా సక్సెస్ ఫుల్ గా దూసుకు వెళ్తోంది. అయితే ఈ టోర్నమెంటును ఆదర్శంగా చేసుకుని చాలా క్రికెట్ బోర్డులు… అనేక రకరకాల టోర్నమెంటులను తీసుకువస్తున్నాయి. పాకిస్తాన్ సూపర్ లీగ్ టోర్నమెంట్ (Pakistan Super League tournament), బిగ్ బాష్ లీగ్, ది 100 లీగ్ టోర్నమెంట్లు తెరపైకి వచ్చాయి. ఇక లేటెస్ట్ గా ఆఫ్ఘనిస్తాన్ క్రికెట్ బోర్డు కూడా సరికొత్త నిర్ణయం తీసుకుంది. మళ్లీ ఆఫ్ఘనిస్తాన్ ప్రీమియర్ లీగ్ టోర్నమెంటును (Afghanistan Premier League) షురూ చేయనుంది. ఈ మేరకు తాజాగా షెడ్యూల్ ఖరారైంది. ఆఫ్ఘనిస్తాన్ ప్రీమియర్ లీగ్ టోర్నమెంటును ఈ ఏడాది డిసెంబర్ 27వ తేదీన ప్రారంభించనున్నట్లు ప్రకటించారు. అయితే, ఈ టోర్నమెంట్ ను దుబాయ్ వేదికగా నిర్వహించేందుకు సర్వం సిద్ధం చేస్తున్నారు. ఈ మేరకు అధికారిక ప్రకటన చేశారు.
ఆఫ్ఘనిస్తాన్ క్రికెట్ బోర్డు సంచలన నిర్ణయం తీసుకుంది. దేశంలో బాంబు దాడులు, విధ్వంసకాండ కొనసాగుతున్నప్పటికీ ఆఫ్ఘనిస్తాన్ మాత్రం వెనక్కి అడుగు వేయడం లేదు. క్రికెట్ మ్యాచ్ లను ఎంకరేజ్ చేస్తూనే ఉంది. లేటెస్ట్ గా తాలిబన్స్ సపోర్ట్ తో ఆఫ్ఘనిస్తాన్ క్రికెట్ బోర్డు మరో సంచలన నిర్ణయం తీసుకుంది. ఆఫ్ఘనిస్తాన్ ప్రీమియర్ లీగ్ టోర్నమెంట్ ను (Afghanistan Premier League) మళ్ళీ ప్రారంభించేందుకు సిద్ధమైంది. గతంలో ఈ టోర్నమెంట్ ప్రారంభించాలని ఎంతో ప్రయత్నించగా… కుదరలేదు. కానీ ఇప్పుడు మాత్రం తాలిబన్స్ ( Talibans) సర్కార్ పూర్తి పర్మిషన్లు ఇచ్చింది.
దీంతో ఆఫ్ఘనిస్తాన్ ప్రీమియర్ లీగ్ టోర్నమెంటును డిసెంబర్ 27వ తేదీన ప్రారంభించేందుకు ఆఫ్గనిస్తాన్ క్రికెట్ బోర్డు నిర్ణయం తీసుకుంది. ఈ టోర్నమెంట్ ను ఆఫ్ఘనిస్తాన్ దేశంలో కాకుండా దుబాయ్ వేదికగా నిర్వహించేందుకు సరికొత్త ప్లాన్ రచించారు. ఆఫ్ఘనిస్తాన్ లో పర్యటించేందుకు అంతర్జాతీయ క్రికెటర్లు భయపడతారు. పాకిస్తాన్ వర్సెస్ ఆఫ్గనిస్తాన్ మధ్య యుద్ధ వాతావరణమున్న నేపథ్యంలో… దుబాయ్ ని వేదిక చేసుకుంది ఆఫ్గనిస్తాన్ క్రికెట్ బోర్డు. ఇక ఈ ఆఫ్గానిస్థాన్ ప్రీమియర్ లీగ్ టోర్నమెంట్ లో మొత్తం ఐదు జట్లు ఉండనున్నాయి. కాబూల్, కందహార్, బాల్ఖ్, పాక్తియా, నంగర్హర్ ఫ్రాంచైజీలు బరిలో ఉంటాయి. ఇక ఈ ఫ్రాంచైజీల తరఫున అంతర్జాతీయ క్రికెటర్లు, ఆఫ్ఘనిస్తాన్ ప్లేయర్లు బరిలో దిగనున్నారు.
ఆఫ్ఘనిస్తాన్ ప్రీమియర్ లీగ్ టోర్నమెంట్ ప్రారంభం కానున్న నేపథ్యంలో… పాకిస్తాన్ సూపర్ లీగ్ కు ఆదరణ తగ్గుతుందని… సోషల్ మీడియాలో చర్చ మొదలైంది. అందుకే తాలిబన్స్ కావాలనే ఈ టోర్నమెంట్ను తెరపైకి తీసుకువచ్చారని అంటున్నారు. భవిష్యత్తులో పాకిస్తాన్ సూపర్ లీగ్ టోర్నమెంట్ ఎప్పుడు నిర్వహించినా, అదే సమయంలో APL నిర్వహించేలా తాలిబన్స్ స్కెచ్ వేశారట. అందుకే ఈ టోర్నమెంట్ కు నాంది పలికినట్లు చెబుతున్నారు.
Afghanistan cricket continues to make bold moves. 🚀
The Afghanistan Premier League (APL) is officially set to launch on December 27, 2026 in the UAE with 5 franchises.
A massive opportunity for players, fans and investors alike.#AfghanistanPremierLeague #APL… pic.twitter.com/QSKzvkS388
— Prajjawal Kumar Yadav 🇮🇳 (@PrajjawalkumarG) June 12, 2026
Share
హెల్త్ కార్డుల ఇష్యూపై వెనక్కి తగ్గేదే లేదు.. ప్రభుత్వానికి బీఆర్ఎస్ అల్టిమేటం!
కొత్త మలుపు రివ్యూ: సింగర్ సునీత కొడుకు హిట్ కొట్టాడా? సినిమా ఎలా ఉందంటే?
