U19 Asia Cup 2025: అండర్ 19 ఆసియా కప్ 2025 టోర్నమెంట్ లో ( ACC Mens U19 Asia Cup 2025 ) భాగంగా ఇవాళ పాకిస్తాన్ వర్సెస్ టీమ్ ఇండియా మధ్య ( India U19 vs Pakistan U19 ) మ్యాచ్ జరుగుతోంది. దుబాయ్ వేదికగా జరుగుతున్న ఈ మ్యాచ్ నేపథ్యంలో మరోసారి టీమిండియా టాస్ ఓడిపోయింది. అటు టాస్ గెలిచిన పాకిస్తాన్ అండర్ 19 జట్టు, మొదట బౌలింగ్ చేసేందుకు నిర్ణయం తీసుకుంది. దీంతో టీమిండియా జట్టు బ్యాటింగ్ కు దిగింది. అయితే టాస్ వేసిన క్రమంలో మరోసారి పాకిస్తాన్ కు అవమానం ఎదురయింది. టాస్ ప్రక్రియ పూర్తయిన తర్వాత పాకిస్తాన్ కెప్టెన్ ఫర్హాన్ యూసఫ్ కు షేక్ హ్యాండ్ ఇవ్వకుండానే ఆయుష్ మాత్రే వచ్చేసాడు. సూర్య కుమార్ యాదవ్ తరహా లోనే, బిసిసిఐ ఆదేశాల మేరకు షేక్ హ్యాండ్ ఇవ్వకుండా వచ్చాడు ఆయుష్ మాత్రే. దీంతో ఈ సంఘటన హాట్ టాపిక్ అయింది. ఇది చూసిన ఇండియన్ ఫాన్స్ ఫిదా అయిపోతున్నారు. చెన్నై సూపర్ కింగ్స్ ఆటగాడు ఆయుష్ మాత్రే ( Ayush Matre), పాకిస్తాన్ కు తగిన శాస్తి చేశాడని అంటున్నారు ఫ్యాన్స్.
అండర్ 19 ఆసియా కప్ 2025 టోర్నమెంట్ లో భాగంగా ఇండియా, పాకిస్తాన్ మధ్య మ్యాచ్ జరుగుతున్న సంగతి తెలిసిందే. అయితే, ఈ మ్యాచ్ లో టాస్ ఓడి మొదట బ్యాటింగ్ చేస్తోంది టీమిండియా. ఇక ఈ మ్యాచ్ ప్రసారాలు సోనీ లివ్, సోనీ స్పోర్ట్స్ లో చూడవచ్చు. అండర్ 19 ఆసియా కప్ 2025 టోర్నమెంట్ లో భాగంగా మొత్తం ఎనిమిది జట్లు పాల్గొంటున్నాయి. గ్రూప్ ఏ లో పాకిస్తాన్ అలాగే టీమిండియా జట్లు ఉండటంతో ఇవాళ మ్యాచ్ ఆడాల్సిన పరిస్థితి ఏర్పడింది. పాయింట్ల పట్టికలో కూడా ఈ రెండు జట్లు టాప్ లో ఉన్నాయి. ఇవాళ గెలిచిన జట్టు సెమీఫైనల్ వెళ్లే అవకాశాలు ఎక్కువగా ఉంటాయి. ఇండియా అలాగే పాకిస్తాన్ మధ్య ఏప్రిల్ లో జరిగిన యుద్ధ వాతావరణం నేపథ్యంలో తెరపైకి షేక్ హ్యాండ్ వివాదం వచ్చింది. అందుకే రెండు మ్యాచ్ ల మధ్య మ్యాచ్ జరిగితే షేక్ హ్యాండ్ ఇచ్చుకోవడం లేదు ఇరు జట్ల కెప్టెన్లు.
ఇండియా U19 (ప్లేయింగ్ XI): ఆయుష్ మాత్రే ( కెప్టెన్ ), వైభవ్ సూర్యవంశీ, ఆరోన్ జార్జ్, విహాన్ మల్హోత్రా, వేదాంత్ త్రివేది, అభిజ్ఞాన్ కుందు (WK), కనిష్క్ చౌహాన్, ఖిలాన్ పటేల్, దీపేష్ దేవేంద్రన్, కిషన్ కుమార్ సింగ్, హెనిల్ పటేల్
పాకిస్థాన్ U19 (ప్లేయింగ్ XI): ఉస్మాన్ ఖాన్, సమీర్ మిన్హాస్, అలీ హసన్ బలోచ్, అహ్మద్ హుస్సేన్, ఫర్హాన్ యూసఫ్ ( కెప్టెన్), హమ్జా జహూర్ (WK), హుజైఫా అహ్సాన్, నిఖాబ్ షఫీక్, అబ్దుల్ సుభాన్, మహ్మద్ సయామ్, అలీ రజా
Pakistan U19 have won the toss and opted to field first against India U19 in ACC Mens U19 Asia Cup 2025 🏏
India U19 (Playing XI): Ayush Mhatre (C), Vaibhav Suryavanshi, Aaron George, Vihaan Malhotra, Vedant Trivedi, Abhigyan Kundu (WK), Kanishk Chouhan, Khilan Patel, Deepesh… pic.twitter.com/wNMy0hP5K7
— InsideSport (@InsideSportIND) December 14, 2025
Share
Uttam Kumar Reddy: పోలవరం - నల్లమల సాగర్ లింక్కు అనుమతులు ఇవ్వొద్దు.. పెండింగ్ బకాయిలు విడుదల చేయండి..కేంద్రానికి మంత్రి ఉత్తమ్ లేఖ
Online Ads Everywhere: ఇంటర్నెట్లో యాడ్స్తో విసిగిపోయారా? దీనికి కారణం అదే..
