Inzamam-ul-Haq On Sachin: టీమిండియా దిగ్గజ క్రికెటర్, లిటిల్ మాస్టర్ సచిన్ టెండూల్కర్ గురించి ఎంత చెప్పినా తక్కువే అవుతుంది. అతిపిన్న వయసులోనే టీమిండియాలోకి వచ్చిన సచిన్ టెండూల్కర్… టన్నులకొద్దీ పరుగులు చేశాడు. అర్థ సెంచరీలతో పాటు సెంచరీలు నమోదు చేసి.. ఎన్నో రికార్డులు సృష్టించాడు. చాలా మ్యాచులలో జట్టును ముందుండి నడిపించి గెలిపించాడు. ముఖ్యంగా పాకిస్తాన్ పైన మ్యాచ్ అంటే సచిన్ టెండూల్కర్ కు మంచి ఊపు వస్తుంది. అలాంటి సచిన్ టెండూల్కర్ బ్యాటింగ్ తో పాటు బౌలింగ్ లో కూడా అదరగొట్టేశాడు. ఇదే విషయాన్ని తాజాగా పాకిస్తాన్ మాజీ కెప్టెన్ ఇంజమామ్ వుల్ హక్ (Inzamam-ul-Haq) స్పష్టం చేశారు. సచిన్ టెండూల్కర్ బ్యాటర్ గానే కాకుండా బౌలర్ గా కూడా అద్భుతంగా రాణించేవాడని గుర్తు చేశాడు. షేన్ వార్న్, మురళీధరన్ కంటే..సచిన్ బౌలింగ్ అత్యంత ప్రమాదకరం అంటూ పాకిస్తాన్ మాజీ కెప్టెన్ ఇంజమామ్ ఉల్ హక్ వివాదస్పద వ్యాఖ్యలు చేశారు.
సచిన్ టెండూల్కర్ బౌలింగ్ పై ఇంజమామ్ ఉల్ హక్ (Inzamam ul Haq) ఆసక్తికర వ్యాఖ్యలు చేశారు. బ్యాటర్ గానే కాకుండా ఒక అద్భుతమైన పార్ట్ టైం బౌలర్ గా టీమిండియాకు అతడు ఎంతో సేవలు చేశాడని ప్రశంసించారు. అతని బౌలింగ్ అత్యంత ప్రమాదకరంగా ఉంటుందని వెల్లడించారు. మ్యాజిక్ ఆర్మ్ అంటూ అతడిని పిలిచే వాళ్ళమని వివరించారు. టీమిండియాకు వికెట్ కావాలన్నప్పుడల్లా… సచిన్ టెండుల్కర్ ను ఆ జట్టు వాడుకునేదని వివరించారు. ఆ సమయంలో కచ్చితంగా సచిన్ టెండూల్కర్ వికెట్ తీసి… టీమిండియాకు ఊపిరి పోసేవాడని కొనియాడారు.
లెగ్ స్పిన్ వేయడంలో సచిన్ టెండూల్కర్ ను మించిన వాళ్లు ఎవరూ లేరన్నారు. తనను దాదాపు 8 సార్లు సచిన్ టెండూల్కర్ అవుట్ చేసినట్లు గుర్తు చేశారు ఇంజమామ్ ఉల్ హక్. షేన్ వార్న్, మురళీ ధరన్ ( Mutthaiah Muralidharan) కంటే..సచిన్ బౌలింగ్ అత్యంత ప్రమాదకరం అంటూ పాకిస్తాన్ మాజీ కెప్టెన్ ఇంజమామ్ ఉల్ హక్ వివాదస్పద వ్యాఖ్యలు చేశారు. తననే 8 సార్లు ఔట్ చేశాడని తెలిపారు. సచిన్ ( Sachin) బౌలింగ్ ఎదుర్కొవాలంటే గట్స్ ఉండాలని తెలిపారు.
బ్యాటింగ్ లోనే కాకుండా బౌలింగ్ లో సచిన్ టెండూల్కర్ అదరగొడుతున్నాడు. గోల్డెన్ ఆర్మ్ గా పేరు గాంచిన సచిన్ టెండూల్కర్ వన్డేలలో ఇప్పటివరకు 154 వికెట్లు పడగొట్టాడు. ఇందులో 32 పరుగులకే ఐదు వికెట్లు పడగొట్టాడు. ఇదే అతని కెరీర్ బెస్ట్. టెస్టుల్లో ఇప్పటివరకు 46 వికెట్లు పడగొట్టాడు. టి20 లలో ఒకే వికెట్ పడగొట్టాడు. మొత్తంగా 201 వికెట్లు పడగొట్టాడు సచిన్ టెండూల్కర్.
Share
హైదరాబాద్ వాసులకు అలర్ట్.. దుర్గం చెరువు 2 రోజులు క్లోజ్!
సమంత ఎంగేజ్మెంట్ రింగ్ వెనుక ఇంత స్టోరీ ఉందా.. ధర తెలిస్తే దిమ్మ తిరగాల్సిందే!
