Irfan Pathan On Kohli and Rohit : 2027 వన్డే వరల్డ్ కప్ నేపథ్యంలో రోహిత్ శర్మ, విరాట్ కోహ్లీ ఇద్దరికీ చోటు దక్కడంపై తీవ్రస్థాయిలో చర్చ జరుగుతోంది. ఈ ఇద్దరికి అవకాశాలు ఇస్తేనే.. 2027 వన్డే వరల్డ్ కప్ గెలుస్తామని మాజీ క్రికెటర్ల నుంచి అభిమానులు అందరూ డిమాండ్ చేస్తున్నారు. ఇలాంటి నేపథ్యంలో రోహిత్ శర్మతో పాటు విరాట్ కోహ్లీని కించపరిచేలా మాజీ టీమిండియా ఆల్రౌండర్ ఇర్ఫాన్ పఠాన్ వివాదాస్పద వ్యాఖ్యలు చేశారు. కేవలం నెట్స్ లో ప్రాక్టీస్ చేసి.. 2027 వన్డే వరల్డ్ కప్ టీమ్ ఇండియా జట్టులో స్థానం దక్కాలంటే అస్సలు కుదరదని షాకింగ్ కామెంట్స్ చేశారు. ప్రతి మ్యాచ్ లో ఆడాల్సిందేనని వెల్లడించారు. ఇప్పటి నుంచి 2027 వన్డే వరల్డ్ కప్ వరకు గ్రౌండ్ లో ప్రతి మ్యాచ్ ఆడాల్సిందేనని పేర్కొన్నారు. అలాంటి వాళ్లకే టీమ్ ఇండియాలో అవకాశం ఇవ్వాలని షాకింగ్ కామెంట్స్ చేశారు.
2027 వన్డే వరల్డ్ కప్ నేపథ్యంలో రోహిత్ శర్మ, విరాట్ కోహ్లీ ఇద్దరికీ టీమిండియాలో అవకాశం కల్పించాలని సోషల్ మీడియాలో ప్రచారం జోరుగా సాగుతున్న నేపథ్యంలో ఇర్ఫాన్ పఠాన్ కీలక వ్యాఖ్యలు చేశారు. విరాట్ కోహ్లీ, రోహిత్ శర్మ లాంటి సీనియర్ క్రికెటర్లకు వన్డే ప్రపంచ కప్ జట్టులో స్థానం ఊరికే ఇవ్వకూడదని పేర్కొన్నారు. సీనియర్ల అన్న ఒక్క కారణంతో.. వాళ్లకు అవకాశాలు ఇస్తే, వన్డే వరల్డ్ కప్ గెలవడం కష్టమైందని తేల్చి చెప్పారు.
Mohammad Yousuf On IND VS PAK: రాసి పెట్టుకోండి…పాకిస్తాన్ ను ఓడించే శక్తి, టీమిండియాకు లేదు
విరాట్ కోహ్లీ, రోహిత్ శర్మ ఇద్దరు కష్టపడి.. ఫిట్నెస్ సాధించి జట్టులో తమ స్థానాన్ని సంపాదించుకోవాల్సిందేనని వెల్లడించారు. సీనియర్స్ అన్న ఒక్క కారణంతో అనవసరంగా వాళ్లకు అవకాశం ఇవ్వకూడదని, డిమాండ్ చేశారు. నెట్స్ లో కొన్ని ఓవర్లు బ్యాటింగ్ చేసి.. మేము ఇప్పుడు వన్డే వరల్డ్ కప్ ఆడతామంటే అస్సలు కుదరదు అన్నారు. ప్రతి ఒక్కరూ ఫిట్ నెస్ తో పాటు ప్రదర్శన చేస్తేనే 2027 వన్డే వరల్డ్ కప్ కోసం సెలెక్ట్ చేయాలని ఇర్ఫాన్ పఠాన్ స్పష్టం చేశారు.
2027 వన్డే వరల్డ్ కప్ గెలిచే లక్ష్యంగా గౌతమ్ గంభీర్ చేస్తున్న ప్రయోగాలను ఇర్ఫాన్ పఠాన్ ప్రశంసించారు. కొత్త కుర్రాలకు అవకాశాలు ఇచ్చి మంచి పని చేస్తున్నాడన్నారు. వచ్చే ఏడాది కాలంలో మంచి ప్రదర్శన చూపించిన కొత్త కుర్రాలను కూడా వన్డే వరల్డ్ కప్ కోసం తీసుకోవాలని పేర్కొన్నారు. బుమ్రా లాంటివాళ్ళు గాయపడుతున్న నేపథ్యంలో, ప్రత్యామ్నాయ ఆటగాళ్ల కోసం ట్రై చేయాలని వివరించారు. రోహిత్ శర్మ, విరాట్ కోహ్లీ విషయంలో కూడా గౌతమ్ గంభీర్ కఠినంగా ఉండాలని డిమాండ్ చేశారు.
Share
ఐటిఆర్ ఫైల్ చేశాక.. ట్యాక్స్ రీఫండ్ ఎప్పుడు వస్తుంది?
జియో బిగ్ ఆఫర్.. రూ.2000తో ఏడాదంతా 15 ఓటీటీలు ఫ్రీ.. 1000 పైగా ఛానెళ్లు !
