Nauman Niaz On IND VS PAK: టీమిండియా వర్సెస్ పాకిస్తాన్ మధ్య జరుగుతోన్న మ్యాచ్ లపై మాజీ క్రికెటర్ నౌమాన్ నియాజ్ వివాదాస్పద వ్యాఖ్యలు చేశారు. టీమిండియా, పాకిస్తాన్ మధ్య జరిగే మ్యాచ్ లను 70 కోట్ల మంది భారతీయులు అసలు చూడటమే లేదంటూ బాంబ్ పేల్చారు. ఈ రెండు జట్ల మధ్య జరిగే మ్యాచ్ లు వన్ సైడెడ్ గా సాగుతున్న క్రమంలో ఎవరూ పట్టించుకోవడం లేదంటూ సంచలన వ్యాఖ్యలు చేశారు.
పాకిస్తాన్ ప్రతీ మ్యాచ్ లోనూ ఓడిపోతుందని.. అందుకే అందరికీ ఇంట్రెస్ట్ పోయిందని ఎద్దేవా చేశారు. పాకిస్తాన్ ను ఎంత ఘోరంగా టీమిండియా ఓడించి అవమానిస్తుందో చూడటానికే మ్యాచ్ లు చూస్తున్నట్టు నౌమాన్ నియాజ్ కుండ బద్దలు కొట్టి చెప్పారు. ఇలాగే భవిష్యత్తులోనూ టీమిండియా చేతిలో పాకిస్తాన్ ఓడిపోతే…ఆ మాత్రం చూసేవాడు కూడా ఉండబోడని సెటైర్లు పేల్చారు. ఇకనైనా పాకిస్తాన్ క్రికెట్ జట్టు పికప్ కావాలని కోరారు. దీంతో నౌమాన్ నియాజ్ చేసిన వ్యాఖ్యలు వైరల్ గా మారాయి.
టీమిండియా వర్సెస్ పాకిస్తాన్ మధ్య ఒకప్పుడు మ్యాచ్ లు జరిగితే, జనాలు ఎగబడి చూసేవారు. చివరి బంతి వరకు మ్యాచ్ ఉత్కంఠ భరితంగా సాగేది. దీంతో మ్యాచ్ జరిగితే, జనాలు అందరూ ఇంట్లోనే ఉండేవారు. పనులు మానుకుని టీవీలకే అతుక్కుపోయేవారు. అయితే, ఇప్పుడు పరిస్థితులు పూర్తిగా మారిపోయాయి. ఈ రెండు జట్ల మధ్య మ్యాచ్ లు జరిగితే, కచ్చితంగా టీమిండియానే విజయం సాధిస్తుందనే అంచనాకు ఫ్యాన్స్ వచ్చేశారు. అప్పట్లో ఆడినట్టుగా పాకిస్తాన్ క్రికెట్ జట్టు ప్రదర్శన ఉండటం లేదు. దీంతో గత ఏడు సంవత్సరాలుగా మ్యాచ్ వన్ సైడ్ గా సాగుతోంది. ఇలాంటి తరుణంలోనే మ్యాచ్ చివరి వరకు వచ్చేదాకా టీవీలు పెట్టడం లేదు.
పాకిస్తాన్ చిత్తుగా ఓడితే, చూసి టీవీలు ఆపేస్తున్నారు. ఇదే విషయాన్ని తాజాగా పాక్ మాజీ ప్లేయర్ నౌమాన్ నియాజ్ తెలిపే ప్రయత్నం చేశారు. టీమిండియాపై పాకిస్తాన్ క్రికెట్ జట్టు సరైన పోటీని ఇవ్వడం లేదని వెల్లడించారు. 7 ఏళ్లుగా టీమిండియాను ఓడించకుండా చేతులు దులుపుకుంటున్నారని ఫైర్ అయ్యారు. వచ్చే 2027 వన్డే వరల్డ్ కప్ లోనైనా టీమిండియాను ఓడించాలని కోరారు. లేకపోతే పాకిస్తాన్ కాస్త ఉగాండా అవుతుందని హెచ్చరించారు. దీనిపై పాకిస్తాన్ క్రికెట్ బోర్డు కూడా దృష్టి సారించాలని కోరారు. పాకిస్తాన్ దేశ పరువు తీయకుండా, భారత జట్టును ఓడించే ప్రయత్నాలు మొదలు పెట్టాలని సూచనలు చేశారు.
Share
హామీ ఇచ్చి నీళ్లు ఆపేశారా.. జూరాల ప్రాజెక్టుపై ఆశతో ఎదరుచూస్తున్న అన్నదాతలు!
ఇన్స్టాగ్రామ్ పరిచయం.. హిందూ పద్ధతిలో పెళ్లి.. 6 నెలల తర్వాత బయటపడ్డ భర్త అసలు రంగు!
