IND VS WI: టీమిండియా వర్సెస్ వెస్టిండీస్ (IND VS WI ) మధ్య గౌహతి వేదికగా జరిగిన రెండో వన్డే ఉత్కంఠ భరితంగా సాగింది. భారీ స్కోర్లు నమోదు అయిన ఈ మ్యాచ్ లో టీమిండియా ఈజీ విక్టరీ అందుకుంది. ఎప్పటిలాగే కెప్టెన్ గిల్, రోహిత్ శర్మ, రుతురాజ్ గైక్వాడ్ దుమ్ము లేపడంతో… వెస్టిండీస్ పై 8 వికెట్ల తేడాతో సూపర్ విక్టరీ అందుకుంది టీమిండియా. ఈ క్రమంలో మూడు వ‌న్డేల సిరీస్ ను 2-0 తేడాతో కైవసం చేసుకుంది. ఈ రెండు జట్ల మధ్య చివరి మ్యాచ్ చండీగఢ్ వేదికగా అక్టోబర్ మూడవ తేదీన నిర్వహించనున్నారు.
గౌహతి వేదికగా జరిగిన రెండవ వన్డేలో వెస్టిండీస్ ఫస్ట్ బ్యాటింగ్ చేసింది. ఈ క్రమంలో నిర్ణీత 50 ఓవర్లు ఆడిన వెస్టిండీస్ 7 వికెట్ల నష్టానికి 405 పరుగులు సాధించింది. వెస్టిండీస్ జట్టులో క్యాంపు బెల్, కెప్టెన్ షై హోప్, మిడిల్ ఆర్డర్ ఆటగాడు అమీర్ సూపర్ సెంచరీలతో రెచ్చిపోయారు. అయితే ఈ లక్ష్యాన్ని టీమిండియా అవలీలగా ఛేదించింది. రెండో వన్డే సందర్భంగా కెప్టెన్ శుభమాన్ గిల్ (Gill) డ‌బుల్ సెంచరీ, రోహిత్ శర్మ (Rohit Sharma) సెంచరీ నమోదు చేసుకున్నారు. ఇప్పటికే తొలి వన్డేలో ఇరగదీసిన గిల్… రెండు వన్డేలోనూ 117 బంతుల్లో డ‌బుల్ సెంచరీ ఫినిష్ చేశాడు. అటు హిట్ మ్యాన్ రోహిత్ శర్మ 73 బంతుల్లో సెంచరీ పూర్తి చేసుకున్నాడు. ఇందులో 6 సిక్స‌ర్లు, 10 బౌండ‌రీలు బాదేశాడు. ఈ ఇద్ద‌రి దెబ్బ‌కు విండీస్ పెట్టిన టార్గెట్ ను 43.3 ఓవ‌ర్లలోనే టీమిండియా ఛేదించింది. దీంతో మూడు వ‌న్డేల సిరీస్ ను ఒక్క మ్యాచ్ మిగిలి ఉండ‌గానే కైవసం చేసుకుంది గిల్ సేన.
వెస్టిండీస్ తో (West Indies) జరుగుతున్న రెండో వన్డే సందర్భంగా రోహిత్ శర్మ (Rohit Sharma) బ్యాట్ జులిపించాడు. ఈ క్రమంలోనే వన్డే క్రికెట్లో 12,000 పరుగుల మైలురాయిని విజయవంతంగా ఫినిష్ చేసుకున్నాడు. ఈ మ్యాచ్ లో 73 పరుగులు పూర్తి చేసుకున్న రోహిత్ శర్మ.. 12000 పరుగుల మార్క్ అందుకున్నాడు. కేవలం 282 ఇన్నింగ్స్ లలో ఈ మార్క్ అందుకోవడం గమనార్హం. 242 ఇన్నింగ్స్ లలో 12 వేల పరుగులు పూర్తి చేసుకున్న వేగవంతమైన ఆటగాడిగా విరాట్ కోహ్లీ ( Virat Kohli) మొదటి స్థానంలో ఉండగా… రెండో స్థానంలో రోహిత్ శర్మ నిలిచాడు. సచిన్ టెండూల్కర్ (Sachin Tendulkar) ఈ పన్నెండు వేల పరుగులను పూర్తి చేసేందుకు 300 ఇన్నింగ్స్ లు ఆడాల్సి వచ్చింది.
Share
రవితేజ ఇరుముడి దెబ్బ.. నెట్ఫ్లిక్స్లో దూకుడు చూస్తే షాక్ అవ్వాల్సిందే!
యాంకర్ గా 25 ఏళ్ల ప్రస్థానం.. ఎమోషనల్ పోస్ట్ చేసిన సుమ కనకాల!
