Sana Mir ON Pakistan Womens Team : ఉమెన్స్ టి20 ప్రపంచ కప్ 2026 టోర్నమెంట్ (ICC Women’s T20 World Cup 2026) నేపథ్యంలో పాకిస్తాన్ ఎలిమినేట్ అయిన సంగతి తెలిసిందే. వరుసగా నాలుగు మ్యాచ్ లలో ఓడిపోయిన పాకిస్తాన్ మహిళల టీమ్, టోర్నమెంట్ నుంచి నిష్క్రమించింది. ఇక గ్రూప్ స్టేజిలో చివరి మ్యాచ్ లో గెలిచి పరువు దక్కించుకుంది. అయితే టి20 మహిళల ప్రపంచ కప్ టోర్నమెంట్ నుంచి పాకిస్తాన్ ఎలిమినేట్ అయిన నేపథ్యంలో… ఆ దేశ మాజీ క్రికెటర్లు దారుణంగా ట్రోలింగ్ చేస్తున్నారు. మహిళా క్రికెటర్లకు ఏది చేతకావడం లేదంటూ షాహిద్ అఫ్రిది లాంటివాళ్ళు కారు కూతలు కూశారు. వంటింట్లో వంటలు వండుకోవడానికి తప్ప దేనికి పనికిరారని ఎద్దేవా చేశారు. అయితే, పాకిస్తాన్ మహిళల క్రికెట్ జట్టుపై షాహిద్ అఫ్రిది లాంటి వాళ్లు చేసిన వ్యాఖ్యలకు మాజీ కెప్టెన్ సనా మిర్ (Sana Mir) కౌంటర్ ఇచ్చారు. పాక్ మహిళ క్రికెటర్లను హేళన చేస్తే చెప్పు తెగుద్ది అంటూ అఫ్రిదికి వార్నింగ్ ఇచ్చారు.
టి20 మహిళల ప్రపంచ కప్ 2026 టోర్నమెంటులో పాకిస్తాన్ ఎలిమినేట్ కావడంపై రకరకాల విమర్శలు వస్తున్నాయి. ఈ క్రమంలోనే మహిళల జట్టుపై విమర్శలు చేసిన వాళ్లకు మాజీ కెప్టెన్ సనా మిర్ తన స్టైల్ లో కౌంటర్ ఇచ్చారు. చాలా మంది మాజీ పురుష క్రికెటర్లు రెచ్చిపోయి మాట్లాడుతున్నారని మండిపడ్డారు. పాకిస్తాన్ మహిళా క్రికెటర్ల పై మాట్లాడే ముందు ఒళ్ళు దగ్గర పెట్టుకోవాలని హెచ్చరించారు. ఇష్టం వచ్చినట్లు మాట్లాడితే చెప్పు తెగుద్ది అంటూ వార్నింగ్ ఇచ్చారు. పురుషుల పాకిస్తాన్ జట్టు కంటే మెరుగైన ఫలితాలను మహిళలు సాధించారని గుర్తు చేశారు. 2012 అలాగే 2016 టీ20 ప్రపంచ కప్లలో ఇండియాను ఓడించిన మొదటి పాకిస్తాన్ జట్టుగా మహిళలు నిలిచారని గుర్తు చేశారు. గత దశాబ్ద కాలంలో పాకిస్తాన్ మహిళా క్రికెట్ అనేక విజయాలను సాధించినట్లు వివరించారు.
ఆసియా క్రీడాల్లో బంగారు పతకాలు సాధించిన తొలి మహిళా జట్టుగా పాకిస్తాన్ ఉమెన్స్ టీం నిలిచిందని వివరించారు. ఇంగ్లాండు వెస్టిండీస్ న్యూజిలాండ్ దక్షిణాఫ్రికా లాంటి బలమైన జట్లపైన కూడా గెలిచిన సందర్భాలు ఉన్నాయన్నారు. పాకిస్తాన్ మహిళల జట్టు అందరికంటే బాగానే రాణిస్తుంది.. గత ఫలితాలు ఈ విషయాన్ని స్పష్టం చేస్తాయన్నారు. కేవలం టి20 మహిళల ప్రపంచకప్ టోర్నమెంటు సందర్భంగా విఫలమైనంత మాత్రాన, ఆ క్రికెటర్లను కించపరుస్తూ మాట్లాడడం చాలా తప్పని ఫైర్ అయ్యారు. అమ్మాయిలకంటే పురుషులు ఎక్కువగా జీతాలు తీసుకుంటూ… టీమిండియా చేతిలో ఓడిపోయిన సందర్భాలు చాలా ఉన్నాయని పరువు తీశారు. మొన్న ఫిబ్రవరిలో జరిగిన పురుషుల టి20 ప్రపంచ కప్ లో టీమిండియా చేతిలో పాకిస్తాన్ ఓడిపోయిన సంగతిని గుర్తు చేశారు.
SANA MIR ON PAKISTAN WOMEN'S TEAM 🗣️
"It took us decade to prove that Pakistan women's team have ability to shine in cricket. we became the first team from Pakistan to beat India in 2012 & 2016 T20 World Cup. women's team becomes first to won gold medals in Asian games. we… pic.twitter.com/VCduVwrqQf
— Qamar. (@Qamar5618) June 28, 2026
Share
జేసీని మెంటల్ ఆస్పత్రిలో చేర్పించండి.. కేతిరెడ్డి పెద్దారెడ్డి సంచలన వ్యాఖ్యలు!
ఇంట్లోనే థియేటర్ వైబ్స్ బ్రో! రూ.5,999కే మీ స్మార్ట్ టీవీకి పర్ఫెక్ట్ జోడి
