బండి భగీరథ్ కేసులో మరో ట్విస్ట్.. హైకోర్టు కీలక ఆదేశాలు

Bandi Bhageerath Case: రాష్ట్రవ్యాప్తంగా సంచలనం సృష్టించిన బండి భగీరథ్ కేసు మరో మలుపు తిరిగింది. తనకు బెయిల్​ మంజూరు చేయాలంటూ ఆయన దాఖలు చేసిన పిటిషన్ పై బుధవారం హైకోర్టు విచారణ జరిపింది. అనంతరం కౌంటర్​ దాఖలు చేయాలంటూ బాధితురాలికి నోటీసులు జారీ చేసింది.

మైనర్​ అయిన తన కూతురిపై బండి భగీరథ్​ పలుమార్లు లైంగిక దాడికి పాల్పడ్డాడంటూ ఓ మహిళ పేట్​ బషీరాబాద్​ పోలీసులకు ఫిర్యాదు చేసిన విషయం తెలిసిందే. ఈ మేరకు పోలీసులు అతనిపై పోక్సో చట్టం ప్రకారం కేసులు నమోదు చేశారు. ఇది రాజకీయ ప్రకంపనలు సృష్టించింది. దాంతో సీఎం రేవంత్​ రెడ్డి కేసులో సమగ్ర విచారణకు సిట్​ ఏర్పాటు చేయాలని డీజీపీ సీ.వీ.ఆనంద్​ ను ఆదేశించారు.

ఈ క్రమంలో కేసు దర్యాప్తు బాధ్యతలను కూకట్​ పల్లి జోన్ డీసీపీ రితిరాజ్​ కు అప్పగించారు. బాధితురాలి నుంచి వివరాలు తెలుసుకున్న డీసీపీ రితిరాజ్​ కేసులో పోక్సో చట్టంలోని మరో రెండు సెక్షన్లను చేర్చారు. ఇక, కేసులు నమోదు కాగానే పారిపోయిన బండి భగీరథ్ ను పోలీసులు కొన్ని రోజుల క్రితం అరెస్ట్ చేశారు. కోర్టులో హాజరు పరిచి చర్లపల్లి జైలుకు రిమాండ్​ చేశారు. మధ్యలో ఒక వారం రోజులపాటు మధ్యంతర బెయిల్​ పై బయటకు వచ్చిన బండి భగీరథ్ తిరిగి లొంగిపోయాడు.

Also Read: ఏసీ vs డీహ్యూమిడిఫైయర్.. రెండింటికి తేడా ఏంటి? వర్షాకాలంలో ఏది బెస్ట్?

కాగా, తనకు బెయిల్​ మంజూరు చేయాలంటూ బండి భగీరథ్ తాజాగా హైకోర్టులో పిటిషన్​ దాఖ​లు చేశారు. తనపై పెట్టిన కేసులు రాజకీయ ప్రేరేపితమైనవని అందులో పేర్కొన్నారు. పోలీసుల విచారణకు తాను పూర్తిగా సహకరిస్తున్నట్టు తెలిపారు. దీనిపై హైకోర్టు బుధవారం విచారణ జరిపింది. ఈ కేసులో బాధితురాలి వాదనలు కూడా వినాల్సిన అవసరం ఉందని పేర్కొంది. ఈ క్రమంలోనే కౌంటర్​ దాఖలు చేయాలని బాధితురాలికి నోటీసులు జారీ చేసింది. అనంతరం తదుపరి విచారణను ఈనెల 3వ తేదీకి వాయిదా వేసింది.

Also Read: ఫ్రిజ్‌లో పాలు పెడుతున్నారా? ఈ తప్పు చేస్తే పారబోయాల్సిందే!

Share

• 
• 
• 
• 
• 
•