Bandi Bhagirath: స్వేచ్ఛ బ్యూరో: పోక్సో కేసులో నిందితునిగా ఉన్న బండి భగీరథ్ కు హైకోర్టులో ఊరట దక్కింది. అతనిపై నమోదైన కేసు వివరాలు.. కంటెంట్ ను ప్రసారం చేయవద్దంటూ వేర్వేరు టీవీ ఛానళ్లు, సోషల్ మీడియా వేదికలకు హైకోర్టు ఆదేశాలు జారీ చేసింది. తనకు బెయిల్‌ లభించినా తన, తన కుటుంబ సభ్యుల ప్రతిష్ఠ దెబ్బతినేలా సోషల్ మీడియాలో, కొన్ని టీవీ చానళ్లలో కంటెంట్ ప్రసారం చేస్తూనే ఉన్నారని బండి భగీరథ్ ఇటీవల హైకోర్టులో పిటిషన్ దాఖలు చేశారు. దీనిని అడ్డుకునేలా ఆదేశాలు జారీ చేయాలని అభ్యర్థించారు. ఈ పిటిషన్ పై హైకోర్టు న్యాయమూర్తి జస్టిస్‌ వేణుగోపాల్‌ ధర్మాసనం విచారణ జరిపింది.
కంటెంట్ ప్రసారాలపై నిషేధం
సాయి భగీరథ్ తరఫున సీనియర్‌ న్యాయవాది అవినాశ్‌ దేశాయ్‌ వాదనలు వినిపిస్తూ బండి భగీరథ్ ప్రైవేటు ఫంక్షన్లకు హాజరైన ఫొటోలు, వీడియోలు తీసి పోక్సో కేసుకు అంటగడుతూ వ్యక్తిత్వ హననం చేసేలా కంటెంట్ రూపొందిస్తున్నారని చెప్పారు. కోర్టులో విచారణలో ఉన్న అంశంపై వ్యాఖ్యానాలు చేయరాదనే బాధ్యత లేకుండా వ్యవహరిస్తున్నారన్నారు. మీడియా ట్రయల్‌ తో పాటు పిటిషనర్‌ పై ఆరోపణలు కొనసాగిస్తూనే ఉన్నారని తెలిపారు. పిటిషనర్‌ కేసుకు సంబంధించి ఎలాంటి ప్రసారాలు, కంటెంట్ అప్‌ లోడ్‌ చేయకుండా ఆయా మీడియా సంస్థలు, టీవీ చానెళ్లు, సోషల్ మీడియా హ్యాండిల్స్‌, ప్రైవేటు వ్యక్తులను అడ్డుకోవాలని కోరారు.
గూగుల్, మెటా, ఎక్స్‌లకు హైకోర్టు ఆదేశాలు
సదరు కంటెంట్ ను తొలగించేలా గూగుల్, మెటా, ఎక్స్‌ తదితర సంస్థలకు ఆదేశాలు జారీ చేయాలని కోరారు. ఆయా ఖాతాల సమాచారం, డిజిటల్‌ ఆధారాలు, కంటెంట్ అప్‌ లోడింగ్‌ డేటా, హిస్టరీ, ఎలక్ట్రానిక్స్ రికార్డులు భద్రపర్చేలా గూగుల్, మెటా, ఎక్స్‌ సామాజిక వేదికలను ఆదేశించాలని అభ్యర్థించారు. వాదనలు విన్న ధర్మాసనం ఈ కేసుకు సంబంధించి ఎలాంటి కంటెంట్ ప్రసారం చేయరాదని టీవీ చానళ్లు, ప్రైవేటు వ్యక్తులు, సోషల్ మీడియా హ్యాండిల్స్‌ ను ఆదేశించింది. ఆ కంటెంట్‌ను తొలగించడంతోపాటు ఆధారాలు భద్రపర్చాలని గూగుల్, మెటా, ఎక్స్‌ వేదికలకు ఆదేశాలు జారీ చేసింది. వివరణ ఇవ్వాలంటూ కేంద్ర సమాచార, ప్రసారాల శాఖ, కేంద్ర ఎలక్ర్టానిక్స్ ఐటీ శాఖ, రాష్ట్ర ప్రభుత్వం, డీజీపీ, గూగుల్, మెటా, ఎక్స్‌ వేదికలు, ప్రైవేటు టీవీ చానళ్లు, కొందరు ప్రైవేటు వ్యక్తులకు నోటీసులు జారీ చేసింది.
Also Read: చంద్రబాబు మోసాలు, వెన్నుపోట్లకు స్వస్తి చెప్పాలి: బొత్స సత్యనారాయణ
Share
రెస్టారెంట్ స్టైల్ చికెన్ వేపుడు..ఇలా చేసారంటే టేస్ట్ అదిరిపోద్ది
సైదాపూర్‌లో దారుణం.. మూగ పిల్లలున్న ఒంటరి మహిళపై కర్రలతో దాడి!
