ఢిల్లీలో అక్టోబర్ 10న జరగనున్న సీజేపీ ఆందోళనల నేపథ్యంలో భారతీయ రైల్వే కీలక నిర్ణయం తీసుకుంది. ప్రయాణీకుల భద్రతను దృష్టిలో ఉంచుకుని శనివారం ఉదయం 4 గంటల నుంచి మధ్యాహ్నం 2 గంటల మధ్య న్యూఢిల్లీ, హజ్రత్ నిజాముద్దీన్ రైల్వే స్టేషన్లకు రాకపోకలు సాగించే అన్ని మెయిల్, ఎక్స్‌ప్రెస్ రైళ్లను తాత్కాలికంగా రద్దు చేస్తున్నట్లు రైల్వే అధికారులు ప్రకటించారు.
సెంట్రల్ ఢిల్లీలో భారీ రోడ్డు ట్రాఫిక్ జామ్ ఏర్పడే అవకాశం ఉందని, అందుకే ఈ నిర్ణయం తీసుకున్నామని నార్తర్న్ రైల్వే చీఫ్ పబ్లిక్ రిలేషన్స్ ఆఫీసర్ (CPRO) హిమాన్షు శేఖర్ ఉపాధ్యాయ తెలిపారు. గత సంఘటనలను దృష్టిలో పెట్టుకుని.. ఈ సారి ప్రయాణీకులు ఎలాంటి ఇబ్బందులు పడకుండా చర్యలు చేపట్టమన్నారు.
ఈ నిరసనల సమయంలో సున్నితమైన ప్రాంతాలకు ఆందోళనకారులు పెద్ద ఎత్తున తరలివచ్చే ప్రమాదం ఉందని ఢిల్లీ పోలీసులు భావిస్తున్నారు. ఈ నేపథ్యంలో శుక్రవారం రాత్రి 9:00 గంటల నుంచి శనివారం వరకు దాదాపు 57 మెట్రో స్టేషన్లను మూసివేయాలని ఢిల్లీ మెట్రో రైల్ కార్పొరేషన్‌ను (DMRC) జాయింట్ కమిషనర్ ఆఫ్ పోలీస్ (ట్రాన్స్‌పోర్ట్) రజ్నీష్ గుప్తా కోరారు. పరిస్థితులను బట్టి ఆయా స్టేషన్ల గుండా వెళ్లే మెట్రో రైళ్ల ఫ్రీక్వెన్సీని కూడా తగ్గించే అవకాశం ఉందన్నారు. ముఖ్యంగా జన్‌పథ్, సెంట్రల్ సెక్రటేరియట్, రాజీవ్ చౌక్, మండి హౌస్, సుప్రీం కోర్ట్, కశ్మీర్ గేట్, చాందినీ చౌక్, ఐఎన్ఏ, హౌజ్ ఖాస్ వంటి ముఖ్యమైన మెట్రో స్టేషన్లు మూసివేయనున్నారు.
Also Read: ఎండాకాలంలో కనిపించే ఆలయం.. ఈసారి అక్టోబర్‌లోనే దర్శనం.. దేనికి సంకేతం?
Share
హాస్పిటల్ మాఫియా... డాక్టర్ల గుట్టురట్టు చేసే లేడీ సర్జన్... క్రేజీ కొరియన్ మెడికల్ థ్రిల్లర్ సిరీస్
ఏటీఎం కార్డు పోయిందా? వెంటనే మీరు చేయాల్సిన పనులు ఇవే!
