10 Beautiful Places to Visit in August: ఆగస్టులో దేశంలోని చాలా ప్రాంతాలు వర్షాలతో కొత్త అందాన్ని సంతరించుకుంటాయి. కొండలు పచ్చగా మారడం, జలపాతాలు ఉరకలెత్తడం, చల్లటి వాతావరణం, ఆహ్లాదకరమైన ప్రకృతి దృశ్యాలు ఈ సీజన్లో ప్రత్యేక ఆకర్షణగా నిలుస్తాయి. వర్షాకాలంలో కొన్ని ప్రాంతాల్లో ప్రయాణం కాస్త ఇబ్బందిగా ఉన్నప్పటికీ, సరైన ప్రదేశాన్ని ఎంచుకుంటే మంచి వెకేషన్ను ఆస్వాదించవచ్చు. ఈ నెలలో సందర్శించేందుకు అనువైన 10 బెస్ట్ ప్లేసెస్ గురించి ఇప్పుడు తెలుసుకుందాం..
ఉత్తరాఖండ్లోని వ్యాలీ ఆఫ్ ఫ్లవర్స్ వర్షాకాలంలో ప్రత్యేక అందాన్ని సంతరించుకుంటుంది. ఆగస్టులో ఇక్కడ పలు రకాల అడవి పూలు వికసిస్తాయి. చుట్టూ కనిపించే రంగురంగుల పూలు, పచ్చని కొండలు పర్యాటకులను ఆకట్టుకుంటాయి.
మున్నార్ అంటే ముందుగా గుర్తొచ్చేది తేయాకు తోటలే. వర్షాకాలంలో ఈ ప్రాంతం మరింత పచ్చగా కనిపిస్తుంది. కొండలపై కమ్ముకునే పొగమంచు, జలపాతాలు, చల్లటి వాతావరణం కలిసి మున్నార్ ను మంచి హాలిడే డెస్టినేషన్గా మారుస్తాయి.
కాఫీ తోటలు, పచ్చని అడవులు, జలపాతాలకు కూర్గ్ ప్రసిద్ధి. వర్షాలు కురిసిన తర్వాత ఇక్కడి ప్రకృతి మరింత అందంగా కనిపిస్తుంది.
సాధారణంగా రాజస్థాన్ అంటే ఎడారి ప్రాంతాలే గుర్తొస్తాయి. కానీ, ఉదయ్పూర్ మాత్రం సరస్సులు, రాజభవనాలతో ప్రత్యేకంగా ఉంటుంది. వర్షాల తర్వాత వాతావరణం ఆహ్లాదకరంగా మారుతుంది. సరస్సులో బోటింగ్ చేయడంతో పాటు పురాతన రాజభవనాలను సందర్శించవచ్చు.
భారీ వర్షాలకు ప్రసిద్ధి చెందిన చిరపుంజి వర్షాకాలంలో ఎంతో అందంగా కనిపిస్తుంది. జలపాతాలు, గుహలు, పచ్చని కొండలు ఆకట్టుకుంటాయి. ప్రకృతి ప్రేమికులకు మంచి గమ్యస్థానంగా చెప్పుకోవచ్చు.
ప్రశాంతమైన వాతావరణం, పచ్చని వరి పొలాలు, పైన్ చెట్లతో జీరో వ్యాలీ ఆకట్టుకుంటుంది. స్థానిక సంస్కృతిని తెలుసుకోవడంతో పాటు ప్రకృతిలో ప్రశాంతంగా గడపాలనుకునే వారికి సరైన ప్రదేశం.
పచ్చని పచ్చిక బయళ్లు, పైన్ చెట్లు, కొండ ప్రాంతాలు పహల్గామ్కు ప్రత్యేక ఆకర్షణ. ఆగస్టులో ఇక్కడి వాతావరణం ఆహ్లాదకరంగా ఉంటుంది.
సత్పురా రాణిగా పిలిచే పచ్మర్హి కొండలు, అడవులు, జలపాతాలకు ప్రసిద్ధి. వర్షాకాలంలో ఇక్కడి ప్రకృతి మరింత పచ్చగా మారుతుంది. గుహలు, జలపాతాలను చూడటంతో పాటు ప్రశాంతమైన వాతావరణాన్ని ఆస్వాదించవచ్చు.
గోవాకు సాధారణంగా వేసవి, శీతాకాలంలో ఎక్కువ మంది వెళ్తుంటారు. అయితే, వర్షాకాలంలో గోవా మరోలా కనిపిస్తుంది. బీచ్ల దగ్గర రద్దీ తక్కువగా ఉండటంతో పాటు చుట్టూ పచ్చదనం కనిపిస్తుంది. జలపాతాలు, కేఫ్లు, ప్రశాంతమైన గ్రామీణ ప్రాంతాలను ఆస్వాదించవచ్చు.
ఒడిశాలోని డేరింగ్బాడిని ‘కాశ్మీర్ ఆఫ్ ఒడిశా’ అని కూడా పిలుస్తారు. పైన్ అడవులు, కొండలు, జలపాతాలు, చల్లటి వాతావరణం ఇక్కడి ప్రత్యేకత. వర్షాకాలంలో ఈ ప్రాంతం మరింత పచ్చగా, అందంగా కనిపిస్తుంది.
Read Also: లడఖ్లో స్నో లియోపార్డ్ సఫారీ.. ఇక మంచు చిరుతలను దగ్గరగా చూసెయ్యొచ్చు!
Share
మా పోరాటం ఆగదు.. మౌనం కాదు-హింసను ఆమోదించడమే- రాహుల్గాంధీ
ఇరాన్ ఇష్యూలో ట్రంప్ వెనక్కి.. అణు ఒప్పందం లేకుండానే పుల్స్టాప్కు యత్నాలు, దీని వెనుక ఏం జరిగింది?
