కారు కాదు.. డ్రోన్ కాదు.. ఇదో ఎగిరే ఎలక్ట్రిక్ వెహికల్.. వారెవ్వా భలే ఉందే!

Uttarakhand Flying Electric Vehicle Goes Viral: ఉత్తరాఖండ్‌లో ఓ యువకుడు తయారు చేసిన ఎగిరే ఎలక్ట్రిక్ వెహికల్ ఇప్పుడు సోషల్ మీడియాలో వైరల్ గా మారింది. అల్మోరా జిల్లాలోని కాఫ్లిఖాన్ గ్రామానికి చెందిన ఇన్నోవేటర్ రవి తమ్తా, తన స్టార్టప్ ‘హపిడా స్కై’ ఆధ్వర్యంలో అభివృద్ధి చేసిన సింగిల్ సీటర్ ఎలక్ట్రిక్ ఫ్లయింగ్ వెహికల్‌ ను ప్రయోగాత్మకంగా నడిపించారు. హపిడా స్కై నెక్స్ పేరుతో రూపొందించిన ఈ వెహికల్ కు సంబంధించిన తొలి వెహికల్ ప్రయోగం వీడియోలు సోషల్ మీడియాలో వైరల్ అవుతున్నాయి.

డ్రోన్ టెక్నాలజీతో తయారీ

ఈ వెహికల్ ప్రత్యేకత ఏమిటంటే, ఇది సాధారణ విమానంలా కాకుండా డ్రోన్ టెక్నాలజీ ఆధారంగా రూపొందించబడింది. ఒక వ్యక్తిని గాల్లోకి తీసుకెళ్లేలా దీనిని తయారు చేశారు. ప్రస్తుతం ఇది పూర్తిస్థాయి కమర్షియల్ వెహికల్ కాకుండా ప్రయోగ దశలో ఉన్న ప్రోటో టైప్ మాత్రమే.

కొండ ప్రాంతాల రవాణా సమస్యకు పరిష్కారం

రవి తమ్తా ఆలోచన వెనుక ప్రధాన కారణం ఉత్తరాఖండ్‌ లోని పర్వత ప్రాంతాల్లో ఎదురయ్యే రవాణా సమస్యలు. కొండ ప్రాంతాల్లో ఒక ప్రాంతం నుంచి మరో ప్రాంతానికి వెళ్లాలంటే రోడ్డు మార్గంలో ఎక్కువ సమయం పడుతుంది. తమ గ్రామం నుంచి తన ఇంటికి వెళ్లేందుకు సుమారు 40 కిలోమీటర్ల దూరం ప్రయాణించాల్సి ఉంటుందని, రోడ్డు మార్గంలో దీనికి దాదాపు గంటన్నర సమయం పడుతుందని తమ్తా చెబుతున్నారు. అదే దూరాన్ని ఫ్లయింగ్ వెహికల్ తో సుమారు 10 నుంచి 15 నిమిషాల్లో చేరుకోవచ్చన్నారు. అల్మోరాలో ఈ వెహికల్ కు సంబంధించి ప్రయోగాత్మక పరీక్ష నిర్వహించారు. రవి తమ్తా, ఆయన బృందం వాహనం గాల్లోకి ఎగరడం, బ్యాలెన్స్ ను కాపాడుకోవడం, ముందుకు కదలడం లాంటి పలు అంశాలను పరిశీలించారు.

డ్రోన్ నుంచి ఎగిరే వెహికల్ వరకు

హపిడా స్కై నెక్స్‌ ను పూర్తిగా విద్యుత్‌ తో పనిచేసే పర్సనల్ ఫ్లయింగ్ వెహికల్ గా రూపొందిస్తున్నారు. ఇప్పటికే అందుబాటులో ఉన్న డ్రోన్ టెక్నాలజీని మరింత అభివృద్ధి చేసి, ఒక వ్యక్తిని మోసుకెళ్లే స్థాయికి తీసుకురావడానికి తమ టీమ్ ప్రయోగాలు చేస్తోందని తమ్తా వెల్లడించారు. ప్రస్తుతం కనిపిస్తున్న మోడల్ కాంపాక్ట్ మల్టీ రోటర్ డిజైన్‌ ను కలిగి ఉంది. సింగిల్ సీట్ నిర్మాణం కారణంగా తొలి దశలో వెహికల్ కంట్రోల్, స్టెబులిటీ లాంటి అంశాలను పరీక్షించడం ఈజీగా ఉంటుందన్నారు. అయితే ఈ వాహనానికి సంబంధించిన పూర్తి టెక్నికల్ వివరాలు వెల్లడించలేదు. బ్యాటరీ సామర్థ్యం, ఒక్కసారి ఛార్జ్ చేస్తే ఎంతసేపు ప్రయాణిస్తుంది? గరిష్ఠ వేగం, ఎంత బరువు మోస్తుంది? అనే విషయాలు చెప్పలేదు.

ఇప్పుడే రోడ్డుపైకి కాదు!

ఈ వెహికల్ ఫస్ట్ టెస్ట్ లో సక్సెస్ కావడంతో ప్రాజెక్ట్‌ కు ముఖ్యమైన ముందడుగు అయినప్పటికీ, హపిడా స్కైనెక్స్ ఇంకా ప్రారంభ దశలోనే ఉంది. వేర్వేరు వాతావరణ పరిస్థితుల్లో ఈ వెహికల్ ఎలా పనిచేస్తుంది? ఎంత స్థిరంగా ఉంటుంది? అత్యవసర పరిస్థితుల్లో దాని పనితీరు ఎలా ఉంటుంది? అనే అంశాలపై మరిన్ని పరీక్షలు చేయాల్సి ఉంటుంది. తొలి ప్రయోగానికి సంబంధించిన వీడియోలు వైరల్ కావడంతో ఈ ప్రాజెక్ట్‌ పై ఆసక్తి పెరిగింది.

उत्तराखंड के अल्मोड़ा के युवा इनोवेटर रवि टम्टा जी को ड्रोन तकनीक में नवाचार करते हुए HAPIDA SKYNEX प्रोटोटाइप के सफल उड़ान परीक्षण पर हार्दिक बधाई।

आपकी यह उपलब्धि सिद्ध करती है कि हमारे युवाओं में प्रतिभा, नवाचार और वैज्ञानिक सोच की कोई कमी नहीं है। आपका यह अभिनव प्रयास… pic.twitter.com/sR7KZ8AWoO

— Pushkar Singh Dhami (@pushkardhami) August 7, 2026