Floating Posting Office| భారతదేశం ఒక దేశమే కాదు ఒక ఉపఖండం కూడా. ఇక్కడ వివిధ రకాల సంప్రదాయాలు, సంస్కృతులతో పాటు ప్రకృతి వైవిధ్యం కూడా ఉంది. దేశంలోని అందమైన ప్రకృతి ప్రదేశాల్లో కాశ్మీర్ టాప్. కాశ్మీర్లోని శ్రీనగర్ నగరం అందమైన ప్రకృతి దృశ్యాలకు ప్రపంచవ్యాప్తంగా ప్రసిద్ధి చెందింది. అక్కడ ఉన్న దాల్ సరస్సు మంచి టూరిస్ట్ స్పాట్. ప్రతి సంవత్సరం వేలాది మంది పర్యాటకులు వస్తుంటారు. అయితే, ఈ సరస్సులో ఉన్న ఒక ప్రత్యేకమైన ఆకర్షణ గురించి చాలా మందికి తెలియదు. అదే నీటిపై తేలుతూ ఉండే భారతదేశపు ప్రత్యేక పోస్టాఫీస్. ఇది చరిత్ర, సంప్రదాయం, ప్రకృతి అందాలను ఒకేచోట చూపించే అరుదైన ప్రదేశంగా నిలిచింది.
దాల్ సరస్సులో అక్కడి సంప్రదాయ చెక్క పడవపై ఈ పోస్టాఫీస్ నిర్మించారు. ఈ పోస్టాఫీస్ 2011లో ప్రారంభించారు. దీనికి ముందు కూడా ఇక్కడ ఒక పాత తేలియాడే పోస్టల్ కేంద్రం ఉండేది. ఇప్పుడు కూడా ఈ పోస్ట్ ఆఫీస్ సాధారణ పోస్టల్ సేవలను అందిస్తూనే పర్యాటకులను ఆకట్టుకుంటోంది.
ఇది కేవలం పోస్టాఫీస్ మాత్రమే కాదు. ఇక్కడికి వచ్చే పర్యాటకులు దాల్ సరస్సు స్పెషల్ స్టాంప్తో ఉన్న లేఖలు, పోస్టుకార్డులు పంపించవచ్చు. ఈ ప్రత్యేక పోస్టల్ ముద్రను చాలా మంది జ్ఞాపకంగా భద్రపరుచుకుంటారు. ఇక్కడ స్మారక పోస్టల్ స్టాంపులు, ఇతర పోస్టల్ జ్ఞాపికలు కూడా కొనుగోలు చేయవచ్చు. అలాగే కాశ్మీర్ పోస్టల్ చరిత్ర గురించి తెలుసుకునే అవకాశం కూడా లభిస్తుంది. నీటిపై ఉన్న పడవలో పోస్టాఫీస్ ఎలా పనిచేస్తుందో ప్రత్యక్షంగా చూడవచ్చు.
ఈ పోస్టాఫీస్ చేరుకోవడానికి శికారా అనే సంప్రదాయ పడవలో ప్రయాణించాలి. ఈ ప్రయాణం కూడా ఎంతో ఆహ్లాదకరంగా ఉంటుంది. ప్రయాణంలో తేలియాడే తోటలు, రంగురంగుల హౌస్బోట్లు, చిన్న మార్కెట్లు కనిపిస్తాయి. సరస్సుపై స్థానిక ప్రజలు చేసే రోజువారీ పనులను కూడా దగ్గరగా చూడవచ్చు. చుట్టూ కనిపించే హిమాలయ పర్వతాలు ఈ ప్రయాణానికి మరింత అందాన్ని జోడిస్తాయి.
ఈ పోస్టాఫీస్ సందర్శనతో పాటు దాల్ సరస్సు చుట్టూ ఉన్న అనేక ప్రముఖ ప్రదేశాలను కూడా చూడవచ్చు. నిషాత్ బాగ్, షాలిమార్ బాగ్, మొఘల్ గార్డెన్స్ పర్యాటకులకు ఎంతో ఆకర్షణీయంగా ఉంటాయి. తేలియాడే కూరగాయల మార్కెట్ కూడా ప్రత్యేక అనుభూతిని ఇస్తుంది. అలాగే పేపియర్ – మాచే కళాఖండాలు, పష్మీనా షాల్లు, వాల్నట్ చెక్కతో చేసిన హాండీక్రాఫ్ట్ వస్తువులను కొనుగోలు చేయవచ్చు.
Also Read: దుబాయ్, మక్కా టు చైనా.. ప్రపంచంలోని అత్యంత ఎత్తైన 5 భవనాలు.. వీటి పొడవు ఎంతో తెలుసా?
శ్రీనగర్ను సందర్శించడానికి ఏప్రిల్ నుంచి అక్టోబర్ వరకు మంచి సీజన్ టైమ్. ఈ కాలంలో వాతావరణం ఆహ్లాదకరంగా ఉంటుంది. శికారా ప్రయాణం కూడా ఎంతో సౌకర్యంగా సాగుతుంది.
దాల్ సరస్సు ఘాట్ల వద్ద నుంచి శికారాను అద్దెకు తీసుకుని పోస్టాఫీస్కు చేరుకోవచ్చు. వెళ్లే ముందు పోస్టాఫీస్ పనిచేసే సమయాలను స్థానికంగా తెలుసుకోవడం మంచిది.
Also Read: ఈ సందర్భాల్లో అబద్ధం చెప్పాలని పిల్లలకు చెప్పాలి.. తల్లిదండ్రులు నేర్పాల్సిన 5 ముఖ్యమైన విషయాలు
దాల్ సరస్సులోని ఈ తేలియాడే పోస్టాఫీస్ దేశంలోనే ఒక అరుదైన టూరిస్ట్ స్పాట్. ప్రకృతి అందాలు, చరిత్ర, సంప్రదాయాలను ఒకేచోట ఉన్న ట్రావెల్ డెస్టినేషన్ ఇది. శ్రీనగర్కు వెళ్లే ప్రతి పర్యాటకుడు ఈ ప్రత్యేక ప్రదేశాన్ని తప్పకుండా తన ప్రయాణ ప్రణాళికలో చేర్చుకోవాలి.
Share
లివింగ్ రిలేషన్షిప్పై సుప్రీంకోర్టు సెన్సేషనల్ జడ్జ్మెంట్!
బ్రిజ్ భూషణ్ అంత సుద్దపూసా.. కోర్టు క్లీన్ చిట్ ఇచ్చినా వదిలేదే లేదన్న వినేష్ ఫోగట్!
